Am 7:14 - Sơ̆p Hlabơar Nơ̆r 'Bok Kei-Dei

¹⁴ Amôs tơl Amsia: Inh ưh kơ trŏ bơngai khan lê̆ adrol ôh păng inh kư̆m ưh kơ trŏ kơ kon 'bok khan lê̆ adrol mơ̆n; mă-lei inh jing minh 'nu bơngai wei triu păng bơngai bơwei hơmet dôm lu 'long hơra bri brah đĕch.

Am 7:14 Iomraidhean Croise

I Pot 19:19

Na Êli năm đơ̆ng anih 'noh tơ'bơ̆p hloi Êlisê, kon drŏ-nglo Saphat oei rơuơ chŭn hơdai hăm mơjĭt-'bar đôi rơmo rơuơ nai, sư choh rơuơ đôi rơmo mă mơjĭt-'bar. Êli năm jê̆ sư păng klơ̆m ăn kơ sư ao tai.

I Pot 20:35

Chu nơ̆r Kră Yang, đei minh 'nu lăm lu bơngai khan lê̆ adrol khan kơ buăl sư: “Apinh ih teh inh,” Mă-lei buăl sư ưh kơ teh sư.

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

II Pot 2:3

Lu khŭl bơngai khan lê̆ adrol oei lăm pơlei Bethel năm jet Êlisê: “Ih hăm băt ưh dang ei Kră Yang wă pôk iŏk 'bok thây ih weh tơklah đơ̆ng ih? Sư tơl: “Inh băt; lu iĕm thĕng đĕch hŏ!

II Pot 2:5

Lu khŭl bơngai khan lê̆ adrol oei lăm Pơlei Jêrikô năm tơ Êlisê, jet sư: “Ih hăm băt ưh năr âu Kră Yang wă pôk iŏk 'bok thây ih weh tơklah đơ̆ng ih? Sư tơl: “Inh băt; lu iĕm thĕng đĕch hŏ”

II Pot 2:7

Đei pơđăm-jĭt 'nu lăm lu khŭl bơngai khan lê̆ adrol kiơ̆ bre sư, dơ̆ng tơ ataih kơ bre sư; bre Êli hăm Êlisê oei dơ̆ng 'bơ̆t cheng đak krong Jôrđăn.

II Pot 4:38

Êlisê wih tơ Gilgal. Tơ lăm char đei tơdrong pơngot rơwĕt. Lu 'bok khan lê̆ adrol kơplah noh oei ngôi 'bơ̆t anăp sư. Sư khan kơ đam sư: “Iŏk gŏ tih noh pai ăn kơ lu đe âu 'nhot sa”

II Pot 6:1

Lu bơngai khan lê̆ adrol khan kơ Êlisê thoi âu: “Lăng deh hnam lu nhôn âu oei iĕ hrăt-hrot dêh kơ lu nhôn.

II Ho 16:7

Kơplah noh Hanani bơngai khan lê̆ adrol năm tơ Asa pơtao đe Juđa na khan kơ sư: “Yua kơ ih gơnang dêh kơ pơtao Siri, ưh kơ gơnang kơ Kră Yang 'Bok Kei-Dei ih ôh, na lu linh pơtao Siri kơdâu klaih boih đơ̆ng ti ih.

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

II Ho 20:34

Dôm tơdrong jang nai Jêhôsaphat pơm đơ̆ng blŭng-a truh tơ tôch đei chih răk lăm sơ̆p hla bơar hơ'mon Jêhu, kon drŏ-nglo Hanani, tơdrong hơ'mon noh đei chih răk boih lăm sơ̆p hla bơar lu pơtao Isơrael.

Jop 30:4

Lu sư phĕ hla 'long pơgang, păng lu hơmŭl 'long bri. Rơh tơlei 'long bri pơm tơmam sa lu sư.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Sa 13:5

Mă-lei lu sư gô khan: ‘Inh ưh kơ trŏ 'bok khan lê̆ adrol, mă-lei bơngai choh mir 'ba; yua kơ inh jang chŭn mir đơ̆ng oei 'lơ̆p sơ̆.’

I Kor 1:27

Mă-lei 'Bok Kei-Dei rơih iŏk boih lu bơngai ưh kơ hơgei ala teh âu wă pơm kơ lu bơngai hơgei mơlâu; 'Bok Kei-Dei kư̆m rơih iŏk boih lu bơngai tơrăn ala teh âu wă pơm kơ lu bơngai pran kơtang mơlâu;

I Sam 10:11

Kơplah lu bơngai đêl juăt băt kơ Sôl adrol, 'bôh sư khan lê̆ adrol hăm lu 'bok khan lê̆ adrol, na tơjet dih băl khan: Đei tơdrong kiơ truh kơ kon drŏ-nglo Kis noh kih? Sôl kư̆m mơ̆t hơdai hăm bơngai khan lê̆ adrol mơ̆n dah kiơ?