Am 7:12 - Sơ̆p Hlabơar Nơ̆r 'Bok Kei-Dei

¹² Amsia khan kơ Amôs: Ơ bơngai khan lê̆ adrol, weh bĕ đơ̆ng âu, năm tơ lăm teh đak Juđa, arih sa păng khan lê̆ adrol tơ noh.

Am 7:12 Iomraidhean Croise

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

Êsai 30:10

Lu sư khan kơ lu bơngai đei tơdrong tơ'bôh: “'Nĕ pă 'bôh;” khan kơ lu bơngai khan lê̆ adrol: “'Nĕ pă khan lê̆ adrol kơ lu nhôn gah tơdrong sĭt. Pơma roi bĕ kơ lu nhôn tơdrong nhôn lăp đon chơt, roi bĕ kơ lu nhôn tơdrong 'bôh ưh kơ đei tơpă.

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Am 2:12

Mă-lei lu iĕm ăn pơgŏ boih lu bơngai Nasiril huch sik păng khă lu bơngai khan lê̆ adrol: Lê̆ pă khan lê̆ adrol!

Am 7:11

Yua kơ Amôs đei khan boih Jêrôbôam gô lôch kơ đao gưm păng Isơrael sĭt tơpă gô pơm bơnă đe gô puh tơweh đơ̆ng teh đak lu sư kơdih!

Malachi 1:10

“Hơpơi rŏ kơ đei minh 'nu lăm lu iĕm tang 'măng, wă kơ lu iĕm huay tơ̆k ŭnh tơdrong kơđei tơ kơpal gơ'bang soi Inh,” Kră Yang Tih Hloh khan thoi noh. “Inh ưh kơ đei jơhngơ̆m hiôk lăp đon kơ lu iĕm păng Inh ưh kơ wă đei iŏk minh tơmam soi pơyơ̆r kiơ đơ̆ng ti lu iĕm.

Mathiơ 8:34

Đĭ-đăng kon pơlei pơla năm tơkan tơ Yêsu apinh Sư weh đơ̆ng tơring lu sư.

Luka 13:31

Kơplah Yêsu oei bơtho 'bơ̆t ei đei lu bơngai Pharisi năm tơ Sư păng khan: “Ih athei weh tơ nai yua kơ Hêrôt wă chă pơlôch Ih.”

Jang 16:39

Na lu kră pơlei năm tơ bre Pôl păng Silas na lu sư khan: “Nhôn apinh biĕm 'nĕ jô̆ yo. Na dang ei lu nhôn tơlĕch biĕm đơ̆ng hnam phak boih na nhôn apinh biĕm jăk đơ̆ng pơlei âu.”

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

I Kor 2:14

Lu bơngai kiơ̆ kơ sĕch akar wă khan lu ưh kơ lui, lu sư ưh kơ iŏk ôh dôm tơdrong đơ̆ng Yang Bơhngol 'Lơ̆ng 'Bok Kei-Dei, yua kơ lu sư ưh kơ đei Yang Bơhngol 'Lơ̆ng bơtho. Na lu sư ưh kơ hlôh, lu sư lăng dôm tơdrong 'noh nhen lĕ tơdrong kơtul đĕch.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

I Sam 2:36

Bơngai bu mă oei arih lăm adrĕch ih gô năm apinh minh hlak jên hu păng minh tơpei 'bĕng, na khan, Inh wă apinh ih, tơmơ̆t inh lăm lu 'bok soi wă kơ inh đei 'bĕng sa.

I Sam 9:9

Sơ̆ bơngai Isơrael, dah bơngai bu wă krao chă Kră Yang 'Bok Kei-Dei, ngăl khan: Bĕ bơ̆n năm tơ'bơ̆p 'bok băt lê̆ adrol; bơngai mă bơ̆n krao 'bok khan lê̆ adrol.