Am 7:10 - Sơ̆p Hlabơar Nơ̆r 'Bok Kei-Dei

¹⁰ Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

Am 7:10 Iomraidhean Croise

Bl 37:8

Na lu 'nhŏng sư tơl: Lei e gô pơm yŏng lu bơ̆n hă? Lu 'nhŏng sư rai blĕk dêh yua kơ đơ̆ng sư apo noh.

I Pot 13:33

Đơ̆ng rŏng kơ tơdrong noh hlôi bơih, Jêrôbôam ưh kơ weh ôh đơ̆ng tơdrong yoch kơnê̆ sư pơm 'noh, sư rai chă pôk lơ bơngai đơ̆ng lăm pơlei pơla pơm 'bok soi tơ hnam kơkuh kơ rup yang tơ lu anih kơjung bơngai bu 'maih pơm 'bok soi, sư ăn kơ bơngai 'noh pơm 'bok soi tơ rim anih kơjung.

I Pot 18:17

Lăp Ahap 'bôh Êli na sư khan kơ Êli. “Ih hă pơrŭng lu bơngai Isơrael?”

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 36:16

Lu sư 'nao mơ̆ng đĭ dôm nơ̆r noh, na lu sư hli pơglăn băl păng khan kơ Baruk: “Lu nhôn gô khŏm chĕp ba nơ̆r âu năm roi kơ pơtao.”

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Am 3:14

Lăm năr mă inh wă phak Isơrael yua kơ tơdrong yoch lu sư; Inh gô pơrăm lu chơnang soi tơ pơlei Bethel, dôm lu hơke chơnang soi inh gô chơ̆ng tơhuŏng lê̆ tơ teh.

Am 5:10

Lu sư areh kơ lu bơngai ngăl chrih kơ lu sư tơ 'măng jang pơlei păng ưh kơ iă kơ lu bơngai pơma tơpăt.

Am 5:5

Lê̆ pă chă pơlei Bethel, 'nĕ pă mơ̆t lăm pơlei Gilgal, dah 'nĕ pă năm rok trong pơlei Bêrsêba. Yua kơ pơlei Gilgal đe gô puh pơm bơnă đĭ, pơlei Bethel gô jing minh anih pơchah pơchek.

Am 7:11

Yua kơ Amôs đei khan boih Jêrôbôam gô lôch kơ đao gưm păng Isơrael sĭt tơpă gô pơm bơnă đe gô puh tơweh đơ̆ng teh đak lu sư kơdih!

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

Jang 7:54

Êtien pơma kơ lu 'bok sek tơlang ei 'lơ̆ng ră mơ̆n, mă lu 'bok sek tơlang ei tơkăp sơnĕnh hil mơmĭl areh kơ Êtien.