Am 6:7 - Sơ̆p Hlabơar Nơ̆r 'Bok Kei-Dei

⁷ Yua kơ thoi noh đe gô rôp lu iĕm pơm bơnă adrol hloh kơ lu bơngai mă đe đei rôp, lei na wă kơ ưh pă kơtơ̆ng boih nơ̆r ôr chơt hiôk lu bơngai noh!

Am 6:7 Iomraidhean Croise

Esther 5:8

Tơdah pơtao mơnat kơ inh păng tơdah pơtao đei jơhngơ̆m 'lơ̆ng na mơ̆ng nơ̆r inh apinh asong kiơ̆ kơ nơ̆r inh hơpơi, lei dơning apinh ih păng Haman năm sŏng sa mă inh gô hơmet dơ̆ng, năr dơning inh gô roi tơdrong kiơ inh wă apinh ih.

Êsai 21:4

Jơhngơ̆m inh hơwơ̆l hơwang, pơm kơ inh hli tơrơ dêh, hơdah pơgê hrôih mă inh 'maih wă đĭ tơplih jing tơdrong inh hli tơtơ̆ kơ.

Êsai 24:8

Re hơgơ̆r iĕ chơt hiôk ưh pă đei dơ̆ng, jreo 'nă hal ưh pă đei bơih, jơwa đe reh brŏ chơt hiôk kư̆m đĭ tôch.

Da 5:30

Lăm măng noh hloi pơtao Belsatsar bơngai Kalđê đe pơlôch.

Am 4:3

Lu iĕm gô lĕch trong tơnăr pơchah, rim 'nu lĕch tơpăt anăp kơdih păng đe gô klơ̆m lê̆ lu iĕm tơ Harmôn, Kră Yang khan thoi noh.

Am 5:27

Yua kơ thoi noh, gô rôp ba lu iĕm jing pơm đĭch tơ pah to pơlei Đamas, Kră Yang khan thoi noh, anăn sư Kră Yang 'Bok Kei-Dei Tih hloh.

Am 5:5

Lê̆ pă chă pơlei Bethel, 'nĕ pă mơ̆t lăm pơlei Gilgal, dah 'nĕ pă năm rok trong pơlei Bêrsêba. Yua kơ pơlei Gilgal đe gô puh pơm bơnă đĭ, pơlei Bethel gô jing minh anih pơchah pơchek.

Am 7:11

Yua kơ Amôs đei khan boih Jêrôbôam gô lôch kơ đao gưm păng Isơrael sĭt tơpă gô pơm bơnă đe gô puh tơweh đơ̆ng teh đak lu sư kơdih!

Am 7:17

Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Both 28:41

Iĕm gô pơjing kon drŏ-nglo kon drŏ-kăn, mă-lei ưh kơ đei oei hăm iĕm, yua kơ lu sư noh đe gô rôp pơm đĭch đĭ.