Am 6:3 - Sơ̆p Hlabơar Nơ̆r 'Bok Kei-Dei

³ Lu iĕm pơm kơ năr pơmat khan roi ataih, mă-lei pơm ăn kơ tơdrong kơnê̆ rai jê̆ truh!

Am 6:3 Iomraidhean Croise

Horiso 94:20

Hăm gơh lu bơngai pơyơ̆r mă pơm kơnê̆ pơgơ̆p hăm Ih, yua khôi juăt wă pơrăm ih.

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Êsai 47:7

Ih khan bơih: Inh gô jing pơtao drŏ-kăn ling-lang. Ih ưh kơ đei tơchĕng ih pơm kiơ dang ei păng kư̆m ưh kơ đei tơchĕng tơdrong gô truh dơning dơmônh.

Êsai 56:12

Lu sư khan: “Năm bĕ, inh gô iŏk tơdrô, bĕ bơ̆n et tơdrô kơtang mơ̆ng kơ wă; Năr dơning kư̆m gô lei-lăi thoi năr 'nâu, et sa rai tih hloh dơ̆ng.

Nhom 4:5

Lu bơngai juăt kơ sa tơmam 'lơ̆ng, 'Nâu oei pơmat-tat hơdrô̆ rok trong pơlei tih. Lu bơngai juăt oei arih lăm hơdŭ che hơhĭm, hrei âu oei 'bĭch lăm rơnok.

Êsêkiên 12:22

“Ơ kon bơngai, đei nơ̆r pơđơ̆k lăm teh đak Isơrael thoi âu: “Khei 'năr đĭ hloh, thoi noh tơdrong tơ'bôh ưh pă sĭt! Nơ̆r noh wă khan kiơ?”

Êsêkiên 12:27

Ơ kon bơngai, to adrĕch Isơrael đei pơma khan: ‘Tơdrong tơ'bôh mă sư đei 'bôh noh tơ'bôh lê̆ kơ đunh năr đơ̆ng rŏng ning-mônh; păng sư khan lê̆ adrol oei ataih tơ anăp kơnh.

Êsêkiên 23:42

Đei nơ̆r ôr jreo tơkĕch hiôk-hian đơ̆ng tơpôl bơngai lơ păng bơngai juăt kơ suai đơ̆ng char glă, hơdai hăm lu bơngai hmă. Lu sư tơ'bot kong 'bơ̆t ti lu bơngai drŏ-kăn păng pơyơ̆l môk pơtao 'lơ̆ng tơ kơpal kơ̆l.

Am 3:10

Kră Yang khan: Lu sư ưh kơ băt pơm tơdrong tơpăt; lu sư tah mong tơmam tơtông tơgar lăm kơđông kơjăp lu sư.

Am 3:9

Roi tơbăt bĕ tơ lăm lu kơđông kơjăp Asdôt păng tơ lăm lu kơđông kơjăp lăm dêh Êyiptơ: Lu iĕm akŭm băl bĕ tơ kơpal kông lăm char Samari; lăng bĕ đei tơdrong rŭng răng tih tơ noh păng đei tơdrong pơm kơnê̆ băl.

Am 5:12

Yua kơ inh băt boih kơ tơdrong yoch lu iĕm lơ pă băt dang yơ, tơdrong yoch iĕm tih dêh, lu iĕm pơmat lu bơngai tơpăt, iŏk sa pơgâm, tơ anih 'măng jang pơlei lu iĕm sơngah kơ tơdrong trŏ tơpăt lu bơngai dơnuh hin lăm năr sek tơlang.

Am 5:18

Răm-'băm dêh kơ lu iĕm mă chang gô năr Kră Yang! Lu iĕm chang gô năr Kră Yang wă pơm kiơ? Noh năr măng mu, ưh kơ trŏ năr hơdah ôh.

Am 6:12

Iĕm hăm lah ăn kơ aseh kơdâu kơpal tơmo tih? Đe hăm choh rơmo tơ kơpal tơmo? Mă-lei lu iĕm tơplih tơdrong tơpăt jing tơdrong chhŭr nuih păng tơplih plei 'lơ̆ng tơpăt jing plei tăng.

Am 9:10

Đĭ-đăng dôm lu bơngai yoch lăm kon pơlei inh, lu sư gô lôch kơ đao gưm lu sư khan: Tơdrong kơnê̆ ưh pă jê̆ lu bơ̆n păng ưh pă tam truh tơ lu bơ̆n, na lu sư gô lôch kơ đao gưm.

Mi 6:12

Yua kơ dôm lu bơngai mơdrŏng lăm pơlei âu tă ưh kơ tơpăt ngăl, kon pơlei pơla sư yua nơ̆r hơlĕnh pơdăr păng hơpiĕt lu sư đei tă kơ chă hơlĕnh pơhlŭ pơlung đe.

Mathiơ 24:48

Mă-lei dah bơngai kai noh ưh kơ chu kơ yŏng sư, sư wă tơchĕng kiơ̆ kơ đon sư kơdih, na sư khan: ‘Yŏng inh wă wih mơ̆n oei đunh,’

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

II Pet 3:4

“Lu sư kơtơ̆ng Yêsu khan wă jur dơ̆ng mă-lei tơ yơ 'bôh? Lu yă 'bok bơ̆n lôch đĭ-đăng boih, mă-lei tôm tơdrong oei hơnơ̆ng lei-lăi thoi plĕnh teh 'nao pơjing sơ̆ đĕch.”

Tơdrông Tơ'bôh 18:17

Lăm minh jơ đĕch ưh kơ đunh, dôm tơmam 'lơ̆ng tơmam rŏ noh hiong đĭ boih. Dôm lu kră pơgơ̆r lăm duk, lu bơngai jang lăm duk, dôm lu bơngai hao thŏng-nan năm găn đak dơsĭ chă mơdro sa, lu sư tơmang pơlei mă ŭnh sa ei đơ̆ng ataih.