Am 6:11 - Sơ̆p Hlabơar Nơ̆r 'Bok Kei-Dei

¹¹ Yua kơ Kră Yang khan boih, lu hnam tih gô păk hơlŭng răm đĭ, hnam iĕ gô pơchah reng 'beng.

Am 6:11 Iomraidhean Croise

II Pot 25:9

Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

Horiso 105:16

Sư ăn tơdrong pơngot rơwĕt lăm dêh char, Păng pơrăm lê̆ đĭ tơmam sŏng sa lu sư,

Horiso 105:31

Sư pơma na đei hloi roi wŏng truh, Păng mur 'bĕnh-'bang kơ dêh lu sư,

Horiso 105:34

Sư pơma đei hloi lep tung-nut păng lep 'ba lơlap pă kĕ jô̆.

Bôk Bơthô 10:18

Kơlih yua kơ đơ̆ng nơng hơlah kơ jang na anih ưh kơ gram hnam ưh kơ hơnĭl.

Êsai 13:3

Inh tơtă ăn bơih kơ lu bơngai mă 'lơ̆ng rơgoh Inh; Inh krao bơih lu bơngai nuih kơtang Inh wă pơm pơtruh tơdrong Inh hil mĭl, lu Sư chhôk hal pơm tơdrong Inh wă.

Êsai 55:11

Na kư̆m lei-lăi thoi noh, nơ̆r Inh pơma, lĕch đơ̆ng 'bơ̆r inh bơih, ưh kơ đei tôch đĕch ôh; sĭt gô pơm tơdrong Inh wă. Păng pơkeh tơdrong jang Inh wơh sư.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Am 3:15

Năr ei kơnh inh gô teh pơrăm hnam bơyan puih păng hnam bơyan phang, lu hnam pơm hăm bơla rôih păng dôm lu hnam tih gô răm đĭ, Kră Yang khan thoi noh.

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Am 9:1

Inh 'bôh Kră Yang dơ̆ng jê̆ chơnang soi păng khan thoi âu: Teh pơchah lê̆ bĕ lu jrăng tơm, wă kơ lu 'măng pơpơ̆, teh pơhĕch tơ kơpal kơ̆l lu kon pơlei! Lu đe bu mă oei arih lăm lu sư inh gô pơlôch păng đao gưm, ưh kơ đei bu gơh klĕnh, ưh kơ đei minh 'nu bu gơh kơdâu klĕnh klaih hlôi.

Am 9:9

Yua kơ thoi noh, inh gô tơtă athei păng gô săi adrĕch Isơrael tơ rim adrĕch drung thoi đe um 'ba hăm kơđum, mă-lei ưh kơ đei minh găr iĕ ayơ huŏng tơ teh.

Na 1:14

Kră Yang ăn boih tơdrong pơtă trŏ kơ ih, ih ưh pă đei kon hơ'lơ̆p wă pơtrơp iŏk anăn ih. Inh gô tơhiong pơrăm lê̆ lu rup yang iĕm man păng lu rup yang iĕm hling đơ̆ng lu hnam yang ih. Inh gô sir sơlŭng bơsat 'bŭ ih yua kơ ih yoch kơnê̆ dêh.

Sa 14:2

Thoi noh Inh gô akŭm đĭ-đăng dêh char gô tơblah hăm Jêrusalem păng pơlei tih đe gô iŏk, hnam akŭm đe gô tơgar iŏk, đe gô rôp pơgŏ, lăm minh puăt kon pơlei đe rôp pơm bơnă, mă-lei kon pơlei mă oei đei noh đe huay kơ pơrăm đơ̆ng lăm pơlei tih.

Malachi 1:4

Tơdah bơngai Eđôm khan thoi âu: “Lu bơ̆n đe pơrăm đĭ boih, mă-lei lu bơ̆n gô brŏk pơjing dơ̆ng dôm lu anih đêl đe pơrăm,” thoi noh Kră Yang Tih Hloh khan: “Lu sư gô pơdơ̆ng ming, mă-lei Inh gô tơlơ̆ lê̆, dĭng mah đe krao anăn lu sư dêh char kơnê̆ păng jing kon pơlei pơla mă Kră Yang hil areh ling-lang.”

Luka 19:44

“Lu sư gô blah pơchah pơlei pơla iĕm păng pơlôch lu kon pơlei pơla iĕm. Lu sư blah pơchah pơlei pơla iĕm ưh pă đei tơmo ayơ mă tơklep băl dơ̆ng, yua kơ iĕm ưh kơ băt 'Bok Kei-Dei wă pơklaih iĕm dang ei.”