Am 6:1 - Sơ̆p Hlabơar Nơ̆r 'Bok Kei-Dei

¹ Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Am 6:1 Iomraidhean Croise

I Pot 16:24

Sư răt groi Samari đơ̆ng 'bok Sêmer 'bar hlak talâng hu; tơ kơpal groi 'noh sư pơjing minh pôm pơlei kơjăp sư anăn pơlei 'noh Samari, anăn kiơ̆ tơ'ngla groi noh.

Horiso 123:4

Bơhngol lu nhôn hrăp dêh kơ tơdrong pơjăm đơ̆ng lu bơngai pơrŏ. Păng tơdrong areh pơjăm đơ̆ng lu bơngai pơang

Tơdrông Pơđơk 1:32

Lu bơngai bơlŭk lôch yua kơ lu sư kiơ̆ trong kơnê̆ đŏng đĕo. Păng tơdrong lu sư mă ưh kơ hiơ̆k gô pơrăm lu sư.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Je 48:11

Môap juăt kơ oei arih hiôk-hian đơ̆ng sơ̆, thoi sik hơmu oei lăm ge, đe ưh tam đei tuh ôh sư đơ̆ng ge 'nâu tơ ge nai; kư̆m tam đei pơm bơnă; lei na hơkăm sư oei hơnơ̆ng huay kơ sap. Thoi sik hơmu 'bâu phu sư ưh kơ tơplih ôh.”

Je 49:31

Kră Yang khan: “Iung blah bĕ, kon pơlei mă oei hiôk-hian, kon pơlei noh ưh kơ đei 'măng jang, păng kư̆m ưh kơ đei 'long chơkăl păng oei adrô̆.

Je 5:5

'Nâu Inh gô năm tơ lu yŏng pơgơ̆r, roi ăn kơ lu sư băt hơđăl. Tơpă lu sư băt trong gơlong Kră Yang, khôi juăt Kră Yang 'Bok Kei-Dei lu sư. Mă-lei lu sư 'nâu gơ̆ lê̆ 'long ăt păng wă hrĕch lê̆ tơlei boih!

Je 7:4

'Nĕ kơ lui gơnang kơ nơ̆r pơma hơlĕnh khan: ‘'Nâu boih hnam Kră Yang hnam Kră Yang hnam Kră Yang!’ ”

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Am 3:9

Roi tơbăt bĕ tơ lăm lu kơđông kơjăp Asdôt păng tơ lăm lu kơđông kơjăp lăm dêh Êyiptơ: Lu iĕm akŭm băl bĕ tơ kơpal kông lăm char Samari; lăng bĕ đei tơdrong rŭng răng tih tơ noh păng đei tơdrong pơm kơnê̆ băl.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Am 5:27

Yua kơ thoi noh, gô rôp ba lu iĕm jing pơm đĭch tơ pah to pơlei Đamas, Kră Yang khan thoi noh, anăn sư Kră Yang 'Bok Kei-Dei Tih hloh.

Am 8:14

Đĭ-đăng lu bơngai tơhlâu kơ Asima char Samari păng pơkă pơkăm: Ơ Đan, thoi yang ih oei arih! Thoi yang pơlei Bêrsêba oei arih! Đĭ-đăng lu bơngai kơkuh kơ yang gô pơ̆k păng ưh pă kĕ iung dơ̆ng.

Am 9:10

Đĭ-đăng dôm lu bơngai yoch lăm kon pơlei inh, lu sư gô lôch kơ đao gưm lu sư khan: Tơdrong kơnê̆ ưh pă jê̆ lu bơ̆n păng ưh pă tam truh tơ lu bơ̆n, na lu sư gô lôch kơ đao gưm.

Mi 3:1

Thoi noh na inh khan thoi âu: Lu yŏng kơdră Jakôp păng lu bơngai pơgơ̆r hnam Isơrael, mơ̆ng bĕ! Hăm trŏ kơ lu iĕm athei băt kơ tơdrong tơpăt?

Jêphania 1:12

Lăm kơplah noh, Inh gô iŏk ŭnh kơđeng păng ŭnh hơchô̆ nhơk chơchă lăng Jêrusalem, Inh gô phak lu bơngai pơgŏk et tơdrô lăm anih noh, lu sư khan lăm jơhngơ̆m lu sư thoi âu: ‘Kră Yang ưh pă đei tơjur ăn tơdrong pŭn hiôk, kư̆m ưh pă đei wă tuh tơdrong gleh truh.’

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

Ya 5:5

Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.

Lu 18:7

Pơđăm 'nu noh sư yak năm truh tơ pơlei Lais, lu sư 'bôh kon pơlei pơla tơ noh oei sa rơnŭk rơnua thoi lu kon pơlei Siđôn, oei hơđơ̆ng hiôk-hian păng oei jơnap lăm teh đak ưh kơ đei tơmam kiơ khăi? Lu sư oei ataih đơ̆ng pơlei Siđôn, kư̆m ưh kơ đei tơdrong kiơ hăm bơngai nai.