Am 5:6 - Sơ̆p Hlabơar Nơ̆r 'Bok Kei-Dei

⁶ Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Am 5:6 Iomraidhean Croise

II Sam 19:20

Yua kơ inh đĭch đam ih băt kơdih yoch boih. Na dang ei lăm đĭ-đăng adrĕch hnam Jôsep, inh boih truh adrol wă jur sơng ih yŏng tơ'ngla inh.”

I Pot 11:28

Jêrôbôam sư minh 'nu bơngai pran hơgei; Sôlômôn 'bôh minh 'nu bơngai tơdăm pơnam hơgei bơ̆jang, na Sôlômôn ăn kơ sư pơm yŏng pơgơ̆r lu bơngai jang apah lăm adrĕch Jôsep.

II Ho 34:25

Yua kơ lu sư achăng lê̆ Inh boih, soh 'long 'bâu phu kơ yang nai, yua dôm tơdrong đơ̆ng ti lu sư pơm na tơblĕk Inh; lei na Inh gô tuh tơdrong Inh hil mĭl tơ anih 'nâu, ưh kơ đei layơ ngach.’

Horiso 27:8

Jơhngơ̆m inh khan kơ Ih, “chơchă bĕ muh măt Sư,”a Na inh khan! Inh gô chơchă muh măt Ih.

Horiso 69:33

Yua kơ Kră Yang mơ̆ng lu bơngai dơnuh hin. Ưh kơ đei areh ôh kơ lu bơngai mă đe pơm bơnă.

Le 22:6

Tơdah bu soh jơ'bôt jơla na bơmrok truh tơ 'ba đe chô̆ bơih dah sa kơtă kơ tơm, bơyan 'ba, dah sa pơđĭ lăm chŭn, bơngai mă soh ŭnh sa 'noh athei duh tôm tơmam đêl ŭnh sa 'noh.

Êsai 1:31

Bơngai pran jing thoi kơđoh 'long kro, tơdrong jang sư thoi lĕ pla ŭnh, đĭ kơ bre sư ŭnh gô sa pơđĭ, ưh kơ đei bu kĕ pĭt.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 55:6

Chă bĕ Kră Yang kơplah bơ̆n oei gơh tơ'bơ̆p; krao khan bĕ kơplah Sư oei jê̆!

Je 38:20

Jêrêmi khan: Đe ưh kơ pơjao ih kơ lu sư ôh. Apinh ih mơ̆ng kiơ̆ bĕ nơ̆r Kră Yang, mă inh đei roi kơ ih, wă kơ ih đei pŭn hiôk păng arih.

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Êsêkiên 21:3

Khan bĕ kơ teh đak Isơrael: Kră Yang khan thoi âu: Âu, Inh năm wă phak lu iĕm. Inh gô toh đao Inh đơ̆ng hơnglop, pơrăm lu bơngai tơpăt păng lu bơngai kơnê̆ đơ̆ng lăm lu iĕm.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Êsêkiên 37:19

Khan bĕ kơ lu sư: ‘Kră Yang khan thoi âu: Âu Inh gô iŏk 'long jra Jôsep wă khan Êphraim hăm lu adrĕch Isơrael pơgơ̆p hăm sư păng gô akŭm tơ 'long jra Juđa jing minh pôm, na 'bar tŏ 'long jra jing minh lăm ti Inh.

Am 3:14

Lăm năr mă inh wă phak Isơrael yua kơ tơdrong yoch lu sư; Inh gô pơrăm lu chơnang soi tơ pơlei Bethel, dôm lu hơke chơnang soi inh gô chơ̆ng tơhuŏng lê̆ tơ teh.

Am 5:14

Chơchă bĕ tơdrong 'lơ̆ng păng 'nĕ pă chă tơdrong kơnê̆, wă kơ lu iĕm đei tơdrong arih, na Kră Yang 'Bok Kei-Dei Tih hloh gô oei hơdai iĕm, thoi iĕm đei hơpơi boih.

Am 5:4

Kră Yang khan kơ adrĕch Isơrael: Chă bĕ inh na lu iĕm gô arih.

Am 6:6

Lu iĕm huch sik hăm pơnhan mŏng tih, yua pơgang 'bâu phu kăp jên pik tơ akâu wă kơ 'bâu phu kơdih akâu, ưh pă 'blŏk boih tơdrong truh kơ adrĕch Jôsep!

Jêphania 2:3

Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Both 4:24

Yua kơ Kră Yang 'Bok Kei-Dei iĕm thoi kơ ŭnh soh chhông păng jơ̆ Kră Yang 'Bok Kei-Dei băt kơ gar.

Jôsuê 18:5

Lu iĕm athei klah asong char noh kơ tơpơh adrĕch adrung; Juđa athei oei tơ gah gơal, adrĕch Jôsep oei tơ gah yă-nơ̆m.