Am 5:5 - Sơ̆p Hlabơar Nơ̆r 'Bok Kei-Dei

⁵ Lê̆ pă chă pơlei Bethel, 'nĕ pă mơ̆t lăm pơlei Gilgal, dah 'nĕ pă năm rok trong pơlei Bêrsêba. Yua kơ pơlei Gilgal đe gô puh pơm bơnă đĭ, pơlei Bethel gô jing minh anih pơchah pơchek.

Am 5:5 Iomraidhean Croise

Bl 21:31

Yua đơ̆ng noh, na đe krao anăn anih âu Bêrsêbaa yua kơ tơ anih noh đei bre sư pơkă pơkăm băl.

Bl 21:33

Abraham đei pơtăm minh tơnơm 'long plei me tơ Bêrsêba păng tơ anih noh sư krao khan kơ Kră Yang, Kră Yang 'Bok Kei-Dei mă arih ling-lang.

Bl 26:23

Isăk weh đơ̆ng noh, yak tŏk tơ Bêrsêba.

Bl 26:33

Na anăn sơlŭng đak noh Sêba,d Yua kơ thoi noh truh dang ei đe krao anăn pơlei jê̆ sơlŭng noh Bêrsêbae

I Pot 12:28

Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

I Pot 12:29

Sư dan minh pôm rup yang lăm pơlei Bethel, minh pôm rup nai sư dan lăm pơlei Đan.

II Pot 23:8

Sư kư̆m chông tơlĕch đĭ-đăng lu 'bok soi mă oei đơ̆ng jơ̆p-jang pơlei lăm dêh char Juđa, na pơm pơ'mê̆ lê̆ anih kơkuh kơ rup tơ anih kơjung anih mă lu sư ngăl soh 'long 'bâu phu, đơ̆ng Pơlei Gêba dĭng truh tơ Pơlei Bêrsêba; đơ̆ng noh sư kư̆m teh pơchah lu chơnang soi kơ yang tơ 'nguaih 'măng dur pơlei, noh 'bơ̆t jê̆ 'măng Jôsuê yŏng wei pơlei, tơ gah 'ngiĕo kơ 'măng jang pơlei.

Jop 8:22

Lu bơngai areh kơ ih gô kơdơ̆ mơlâu. Bơsŭn lu bơngai pơm kơnê̆ gô răm đĭ.”

Horiso 33:10

Kră Yang pơrăm lê̆ lu dêh char chă đon wă pơm kơnê̆. Tơhiong lê̆ tơdrong kon bơngai pơđâu wă pơm.

Êsai 29:20

Lu bơngai pơm kơnê̆ gô lôch đĭ, lu bơngai che bơle pơjăm đe gô lôch hiong đĭ, lu bơngai răp pơm tơdrong kơnê̆ gô kăl tơpăk đĭ.

Êsai 8:10

Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Je 48:13

Bơngai Môap gô mơlâu kơ yang Kêmôs, kư̆m thoi adrĕch bơngai Isơrael mơlâu boih kơ yang Bethel mă lu sư gơnang.

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!

Hôsia 12:11

Gileat kơnê̆ tơpă, lu sư ưh kơ yua kiơ. Lu sư pơm yang hăm rơmo tơno tơ Gilgal. Chơnang soi lu sư gô jing pôi tơmo tơ lăm trong đêl choh lăm mir.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Hôsia 9:15

Đĭ-đăng tơdrong kơnê̆, tơdrong yoch lu sư pơdah boih tơ pơlei Gilgal, Inh đei hil kơ lu sư boih. Yua kơ tơdrong kơnê̆ lu sư pơm Inh gô pơpuh lê̆ lu sư đơ̆ng hnam Inh. Inh ưh pă 'mêm kơ lu sư dơ̆ng, đĭ-đăng lu yŏng sư kư̆m gô ayăt kơ Inh.

Am 1:5

Inh gô gơ̆ lê̆ 'long chơkăl 'măng jang pơlei Đamas, Inh gô pơrăm lu kon pơlei oei lăm thŭng Awen păng bơngai mă chĕp 'long jra pơtao sư tơ dêh Bet Eđen; gah kon pơlei Siri gô năm pơm bơnă tơ tơring Kir, Kră Yang khan thoi noh.

Am 3:14

Lăm năr mă inh wă phak Isơrael yua kơ tơdrong yoch lu sư; Inh gô pơrăm lu chơnang soi tơ pơlei Bethel, dôm lu hơke chơnang soi inh gô chơ̆ng tơhuŏng lê̆ tơ teh.

Am 4:4

Năm bĕ tơ pơlei Bethel, na pơm yoch; năm bĕ tơ pơlei Gilgal, na pơm yoch rai thim dơ̆ng! Rim pơgê chĕp ba bĕ tơmam soi lu iĕm păng kư̆ kơtĕch pêng năr pơyơ̆r minh lăm mơjĭt đơ̆ng tơmam lu iĕm!

Am 7:10

Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

Am 7:13

Mă-lei 'nĕ pă khan lê̆ adrol tơ pơlei Bethel âu, yua kơ noh anih rơgoh pơtao păng noh anih hnam pơtao akŭm kơkuh kơ Kră Yang.

Am 7:17

Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.

Am 7:9

Lu anih kơjung Isăk gô juơ, lu anih rơgoh Isơrael gô pơrăm đĭ păng inh gô iŏk đao gưm iung blah hnam Jêrôbôam. Amôt păng 'bok soi Amsia

Am 8:14

Đĭ-đăng lu bơngai tơhlâu kơ Asima char Samari păng pơkă pơkăm: Ơ Đan, thoi yang ih oei arih! Thoi yang pơlei Bêrsêba oei arih! Đĭ-đăng lu bơngai kơkuh kơ yang gô pơ̆k păng ưh pă kĕ iung dơ̆ng.

I Kor 1:28

păng 'Bok Kei-Dei rơih iŏk boih lu bơngai mă pă jing jat pă-tat tơdrong wă pơthuơ lu bơngai pơm tih pơm yŏng.

I Kor 2:6

Gah lu bơngai lui kơjăp boih inh bơtho mơ̆n kiơ̆ kơ tơdrong hơgei, mă-lei ưh kơ sĭ kiơ̆ kơ tơdrong hơgei ala teh âu, dah kiơ̆ kơ lu 'bok pơgơ̆r ala teh âu ôh, yua kơ lu sư rai wă tôch boih.

Both 28:41

Iĕm gô pơjing kon drŏ-nglo kon drŏ-kăn, mă-lei ưh kơ đei oei hăm iĕm, yua kơ lu sư noh đe gô rôp pơm đĭch đĭ.

Jôsuê 5:9

Kơplah noh Kră Yang khan kơ Jôsuê: Năr âu Inh hŭt lê̆ boih tơdrong mơlâu lu iĕm đơ̆ng lu bơngai dêh Êyiptơ, lei na đe krao anăn anih âu Gilgal, mă truh dang ei.

Tơdrông Tơ'bôh 18:17

Lăm minh jơ đĕch ưh kơ đunh, dôm tơmam 'lơ̆ng tơmam rŏ noh hiong đĭ boih. Dôm lu kră pơgơ̆r lăm duk, lu bơngai jang lăm duk, dôm lu bơngai hao thŏng-nan năm găn đak dơsĭ chă mơdro sa, lu sư tơmang pơlei mă ŭnh sa ei đơ̆ng ataih.

I Sam 11:14

Samuel khan kơ kon pơlei pơla thoi âu: Bĕ bơ̆n năm tơ Gilgal wă hơmet ming pơk Sôl pơm pơtao.

I Sam 7:16

Rim sơnăm sư chă dăr jơ̆p kơ pơlei tih Bethel, Gilgal păng Mispa chă sek tơlang ăn kơ kon pơlei pơla bơngai Isơrael tơ lăm lu pơlei noh.

I Sam 8:2

Kon kơdră sư anăn Jôel păng kon mă 'bar sư anăn Abija, bre sư pơm 'bok sek tơlang tơ lăm pơlei Bêrsêba.