Am 5:4 - Sơ̆p Hlabơar Nơ̆r 'Bok Kei-Dei

⁴ Kră Yang khan kơ adrĕch Isơrael: Chă bĕ inh na lu iĕm gô arih.

Am 5:4 Iomraidhean Croise

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

II Ho 20:4

Lu bơngai Juđa akŭm băl wă krao chă Kră Yang dŏng tơgŭm; lu Sư năm đơ̆ng jơ̆p pơlei oei lăm dêh char Juđa krao chă Kră Yang.

II Ho 34:3

Sơnăm mă tơhngam lăm chăl sư pơgơ̆r, mă sư oei 'lơ̆p mơlôh, sư pơtơm chơchă Kră Yang 'Bok Kei-Dei Đawit, 'bok sư Sơnăm mă mơjĭt-'bar, sư pơtơm hơmet rơgoh lăm char Juđa păng pơlei Jêrusalem, hŭt lê̆ lu anih kơjung, gơ̆ng kơkuh kơ rup yang Asêria, rup yang đe traih păng rup đe hling tuh.

Horiso 14:2

Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh?

Horiso 22:26

Lu bơngai dơnuh hin gô sa phĭ jơnap; Lu bơngai chơchă Kră Yang gô kơkuh bơnê kơ Sư; Ăn kơ jơhngơ̆m ih đei arih ling-lang.

Horiso 27:8

Jơhngơ̆m inh khan kơ Ih, “chơchă bĕ muh măt Sư,”a Na inh khan! Inh gô chơchă muh măt Ih.

Horiso 69:32

Lu bơngai pơmat-tat 'bôh tơdrong noh gô chơt hiôk, Ơ lu bơngai mă krao chă Kră Yang 'Bok Kei-Dei. Jơhngơ̆m lu iĕm gô arih.

Horiso 69:33

Yua kơ Kră Yang mơ̆ng lu bơngai dơnuh hin. Ưh kơ đei areh ôh kơ lu bơngai mă đe pơm bơnă.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 38:20

Jêrêmi khan: Đe ưh kơ pơjao ih kơ lu sư ôh. Apinh ih mơ̆ng kiơ̆ bĕ nơ̆r Kră Yang, mă inh đei roi kơ ih, wă kơ ih đei pŭn hiôk păng arih.

Êsêkiên 18:9

Chu kiơ̆ khôi juăt păng chu răk nơ̆r Inh tơtă. Bơngai âu arih sa tơpăt, noh jing bơngai tơpăt, sư gô đei tơdrong arih, Kră Yang khan thoi noh.

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Jêphania 2:3

Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.

Mathiơ 7:8

Bơngai bu krao khan apinh 'Bok Kei-Dei kiơ kiơ, 'Bok Kei-Dei gô asong. Bơngai bu chă kiơ kiơ, 'Bok Kei-Dei gô tơ'bôh ăn. Bơngai bu dơdŭ 'măng 'Bok Kei-Dei, 'Bok Kei-Dei gô pơih ăn.

Both 32:46

na sư khan kơ kon pơlei: Lăm jơhngơ̆m lu iĕm athei wei răk bĕ đĭ dôm nơ̆r inh roi ăn kơ lu iĕm lăm năr 'nâu, wă kơ lu iĕm gơh bơtho ăn kơ lu kon sâu iĕm pơm kiơ̆ dôm nơ̆r lăm khôi juăt noh.

Both 32:47

'Nâu ưh kơ sĭ nơ̆r pơma ngôi đĕch, mă-lei noh jơ̆ tơdrong arih lu iĕm; kơplah gơnang kơ nơ̆r 'nâu, na lu iĕm gô oei arih sot tơ kơpal teh đak mă lu iĕm gô iŏk mưh iĕm tŏk hlôi kơ đak Krong Jôrđăn.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.