Am 5:3 - Sơ̆p Hlabơar Nơ̆r 'Bok Kei-Dei

³ Yua kơ Kră Yang khan: Pơlei ayơ năm minh-rơbâu 'nu linh, oei pă minh-hrĕng 'nu, pơlei ayơ năm minh-hrĕng 'nu, oei pă mơjĭt 'nu lăm adrĕch Isơrael klaih.

Am 5:3 Iomraidhean Croise

Horiso 144:14

Ăn kơ rơmo lu nhôn chek lar rai lơ. 'Nĕ kơ ăn 'lih păng huay kơ lôch hiong. Dah đei nơ̆r ôr pơmat tơ rok trong pơlei tih lu nhôn.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 10:22

Ơ lu bơngai Isơrael, mă khan adrĕch adrung iĕm lơ thoi chuơh cheng đak dơsĭ, lăp tŏ sĕt đĕch gô wih brŏk. Đei pơkă bơih wă pơrăm hăm tơdrong tơpăt hơnơ̆ng.

Êsai 6:13

Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Êsêkiên 12:16

Mă-lei oei đei bơngai mă Inh ăn klaih đơ̆ng đao, đơ̆ng pơngot, đơ̆ng lôch hơbuh, wă kơ lu sư roi tôm tơdrong krưp kơnê̆ 'mê̆-'mach lu sư kơdih tơ lăm pơlei mă lu sư wă oei; păng lu sư gô băt Inh boih Kră Yang.

Am 6:9

Tơdah lăm hnam oei đei pă mơjĭt 'nu, lu sư kư̆m gô lôch pơđĭ.

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Both 28:62

Kon bơngai iĕm lơ thoi sơnglŏng kơpal plĕnh mă-lei oei pă tŏ sĕt, yua kơ iĕm ưh kơ wă mơ̆ng nơ̆r Kră Yang 'Bok Kei-Dei iĕm.

Both 28:63

Kŭm thoi Kră Yang đei hiôk pơm 'lơ̆ng păng ăn kơ iĕm rai lơ kơdrâ̆m thoi yơ, kư̆m thoi noh na Kră Yang kư̆m hiôk ăn kơ iĕm đei tơdrong gleh truh tơhiong pơrăm iĕm; Lu iĕm đe gô buch lê̆ puh tơlĕch đơ̆ng teh lăm dêh iĕm wă mơ̆t iŏk.

Both 4:27

Kră Yang gô pơm kơ iĕm tơklah tơklang jơ̆p kơ teh đak đe, oei pă tŏ sĕt đĕch mă tơ anih Kră Yang puh lu iĕm.