Am 5:21 - Sơ̆p Hlabơar Nơ̆r 'Bok Kei-Dei

²¹ Inh areh, inh sơ'ngon kơ năr iĕm pơm kơ̆m giĕng; Inh ưh kơ hiôk gah tơdrong iĕm akŭm kơkuh tih noh.

Am 5:21 Iomraidhean Croise

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Tơdrông Pơđơk 28:9

Bơngai bu ưh kơ wă kuă pơgling đon mơ̆ng kiơ̆ khôi juăt. Nơ̆r krao apinh sư Kră Yang areh krưp.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Êsêkiên 23:18

Kơplah sư pơdah ngôi kư̆ kă, tơ'bôh tơdrong koh hoh sư, na Inh achăng lê̆ sư, thoi Inh achăng lê̆ mŏ sư.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Hôsia 5:6

Lu sư gô ba khŭl triu, khŭl rơmo lu sư, wă năm chă Kră Yang; mă-lei ưh kơ 'bôh Sư ôh. Sư weh achăng lê̆ đơ̆ng lu sư boih.

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Lêwi 26:31

Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.

Am 4:4

Năm bĕ tơ pơlei Bethel, na pơm yoch; năm bĕ tơ pơlei Gilgal, na pơm yoch rai thim dơ̆ng! Rim pơgê chĕp ba bĕ tơmam soi lu iĕm păng kư̆ kơtĕch pêng năr pơyơ̆r minh lăm mơjĭt đơ̆ng tơmam lu iĕm!

Am 4:5

Soh bĕ tơmam soi đei 'buih. Roi tơbăt dôm tơmam soi pơyơ̆r hăm jơhngơ̆m hiôk; roi pơư bĕ wă kơ bơngai lăm teh đak băt; Ơ kon sâu bơngai Isơrael, lu iĕm oei 'maih wă kơ pơm tơdrong noh, Kră Yang khan thoi noh.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.