Am 4:13 - Sơ̆p Hlabơar Nơ̆r 'Bok Kei-Dei

¹³ Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.

Am 4:13 Iomraidhean Croise

Jop 9:7

Sư tơtă kơ măt 'năr 'nĕ kơ lĕch Sư găn lê̆ lu sơnglŏng

Horiso 135:7

Sư ăn kơ hơmơ̆l đông đơ̆ng tôch jih kơ plei teh. Sư ăn kơmlat kiơ̆ kơ 'mi, Ăn kơ kial lĕch đơ̆ng anih mong sư.

Horiso 139:2

Ih băt 'bơ̆t inh hơ-oei, kơplah inh iung. Mă đơ̆ng ataih Ih băt đĭ tơdrong inh tơchĕng.

Horiso 147:18

Sư athei prĕl hach na hach hloi. Ăn kơ kial tơthu na đak ro hloi.

Horiso 65:6

Ih yua tơdrong mơsêh pơjing lu kông gei kơjăp, yua kơ ih tơ̆n păng tơlei tơ̆n pran kơtang;

Le 10:22

Na Môis yơ̆r ti sư tơ plĕnh, đei măng mu măng klăm gueo dêh hloi lăm pêng năr tơ dêh Êyiptơ;

Le 14:20

Jrăng hơmơ̆l dơ̆ng sơlam khŭl linh bơngai Êyiptơ păng khŭl linh kon pơlei Isơrael, đei hơmơ̆l găn măng mu tơ minh pah âu, na minh pah to hơdah na prăt măng 'bar khŭl ưh kơ đei gơh năm tơ jê̆ băl.

Êsai 40:12

Bu yua bơih tơpang sư na kŏng đak dơsĭ, yua hơđa ti sư pơtŏ lu plĕnh ti? Bu Yua hnŏng na kŏng bơih 'mui teh? Bu yua bơih 'long kŏng na kŏng kông? Bu yua bơih tơlei tơpăt na pơtŏ kông groi?

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 47:4

Tơ'ngla dŏng pơklaih lu bơ̆n, anăn Sư Kră Yang Tih Hloh, Tơ'ngla 'Lơ̆ng Rơgoh Isơrael.

Êsai 48:2

Lu iĕm khan lu iĕm kơdih kon pơlei đơ̆ng pơlei 'lơ̆ng rơgoh, păng gơnang kơ Kră Yang 'Bok Kei-Dei Isơrael, anăn Sư Kră Yang Tih Hloh.

Êsai 5:30

Lăm năr noh lu sư ôr thoi jơwa đak dơsĭ poh-yă, tơdah đe tơmang lăng tơ teh noh măng mu păng răm rai ngăl, mă lu tơdrong hơdah hơmơ̆l găm klơ̆p lê̆ đĭ.

Je 10:13

Mưh Sư ăn grơ̆m, lu tu đak re jơwa lăm plĕnh. Sư ăn tŭk hơyuh đak tŏk đơ̆ng tôch kơ teh đak. Sư ăn kơmlat đơ̆ng lăm hơmơ̆l 'mi, păng kial lĕch đơ̆ng anih hnam Sư.

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Je 46:18

“Inh arih.” Pơtao, anăn Sư Kră Yang Tih Hloh, khan: “Minh 'nu gô truh thoi Kông Tabôr tŏk-bŏk lu kông nai, thoi Kông Karmel cheng dơsĭ.

Je 51:16

Tơdah Sư pơma, đei jơwa lu đak tơ plĕnh pơpơ̆; Sư ăn kơ hơyuh đak tŏk đơ̆ng tôch kơ teh. Sư ăn kơmlat hơdai hăm đak 'mi, tơlĕch kial đơ̆ng lăm anih 'mong sư.

Je 51:19

Kră Yang 'Bok Kei-Dei Jakôp ưh kơ thoi lu noh, yua kơ Sư boih Tơ'ngla pơjing tôm tơmam. Adrĕch adrung Isơrael jing tơmam gĭt Sư. Anăn Sư Kră Yang Tih Hloh.

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Da 2:30

Gah inh, tơdrong mă hlơp noh đei tơ'bôh boih kơ inh, ưh kơ sĭ kơ đơ̆ng inh gơh hơgei hloh kơ bơngai nai ôh lăm lu bơngai mă oei arih; mă-lei wă roi tơbăt ăn kơ pơtao 'bôh nhen păng ăn kơ pơtao băt mă lăm đon tơchĕng.

Hôsia 12:6

Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Am 3:13

Kră Yang, 'Bok Kei-Dei Tih hloh khan: Mơ̆ng bĕ păng roi tơbăt wă tơblah hăm adrĕch adrung Jakôp.

Am 5:27

Yua kơ thoi noh, gô rôp ba lu iĕm jing pơm đĭch tơ pah to pơlei Đamas, Kră Yang khan thoi noh, anăn sư Kră Yang 'Bok Kei-Dei Tih hloh.

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Am 8:9

Kră Yang khan: Lăm năr noh gô đei tơdrong truh, inh gô pơm ăn kơ măt 'năr mơ̆t kơplah măt 'năr dơ̆ng păng pơm kơ teh măng mu kơplah 'năr oei đei.

Am 9:6

Kră Yang đei pơjing hnam sư lăm lu tăl plĕnh, đei pơm boih plĕnh krôp kơpal teh. Sư krao đak đơ̆ng dơsĭ păng tuh jơ̆p kơpal teh. Anăn Sư Kră Yang.

Mi 1:3

Yua kơ âu, Kră Yang lĕch đơ̆ng anih Sư, jur kơpal juă tơ anih kơjung hloh.

Habakuk 3:19

Kră Yang jơ̆ Kră Yang tơdrong pran kơtang inh, Sư pơm ăn kơ jơ̆ng inh yak kơjăp thoi jơ̆ng juei; Sư chông ba inh yak năm lăm kơpal kông groi.

Sa 12:1

Pŭ iŏk trăp nơ̆r Kră Yang pơma kơ pơlei Jêrusalem. Kră Yang Tơ'ngla pơjing kơ plĕnh păng teh păng ăn tơdrong arih tơ lăm kon bơngai bơ̆n, đei khan thoi âu:

Mathiơ 9:4

Yêsu băt kơ lu sư pơma mơmơnh lăm to jô̆ kơ Sư tơdrong 'noh na Sư khan: “Liơ iĕm pơma mơmơnh lăm to, khan Inh pơma kơnê̆?

Yo 2:25

yua kơ Sư băt rim 'nu lăm jơhngơ̆m kon bơngai lăm to sư thoi yơ. Na Sư huay kơ kăl kơ đe roi ăn kơ Sư bơngai âu thoi yơ, bơngai 'noh thoi yơ ôh.

Yo 3:8

Kial sư thu gô mơ̆ng kơ sư wă, bơ̆n kơtơ̆ng jơwa sư, mă-lei bơ̆n ưh kơ băt sư thu đơ̆ng yơ wă năm tơ yơ. Na Yang Bơhngol 'Lơ̆ng Sư kư̆m pơm kơ bơ̆n thoi noh mơ̆n; bơ̆n ưh kơ băt Sư pơm thoi yơ mă-lei bơ̆n băt kơ Sư ăn kơ bơ̆n tơpŭ ming 'nao tơpă.”

Both 32:13

Kră Yang ăn kơ lu sư oei tơ tơring groi kông; Rong lu sư hăm tơmam sa đơ̆ng lăm mir chŭn; Ăn sa đak sut iŏk đơ̆ng lăm tơmo tih. Păng đak rơmă lĕch đơ̆ng teh lăm tơmo.

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.