Am 4:11 - Sơ̆p Hlabơar Nơ̆r 'Bok Kei-Dei

¹¹ Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Am 4:11 Iomraidhean Croise

Êsai 13:19

Babilôn jơ̆ pơlei đe ư-ang rim kơ teh đak, pơlei mă lu bơngai Kalđê ang pơyom kơ sư, Sư jing thoi pơlei Siđôm păng pơlei Gômôrơ, sư gô mă Kră Yang 'Bok Kei-Dei gô pơrăm lê̆.

Êsai 7:4

Na khan kơ sư: ‘Ih kơchăng oei mă hơđơ̆ng bĕ, 'nĕ kơ hli, 'nĕ kơ rơdu ôh, yua kơ đei 'bar tŏ 'long ŭnh sa lĕch 'nhui noh wă khan tơdrong hil blĕk lĕch đơ̆ng Rêsin, Siri păng kon drŏ-nglo Rêmalia.

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 49:18

Kră Yang khan: “Êđôm đe kư̆m gô pơrăm thoi pơlei Sôđôm Gômôrơ, păng lu pơlei tăp dăr. Gô ưh pă đei bơngai bu oei lăm noh, kư̆m ưh kơ đei bu chă oei pơdơh tơ noh mơ̆n.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Je 50:40

Kră Yang khan: “Thoi kơplah Kră Yang 'Bok Kei-Dei pơrăm pơlei Sôđôm, Gômôrơ păng lu pơlei tăp dăr kơ sư, gô ưh pă đei bơngai oei tơ noh. Kŭm ưh pă đei bu pơm pơlei oei tơ noh.

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Hôsia 11:5

Lu sư ưh pă wih hơlơ̆k tơ dêh char Êyiptơ dơ̆ng, mă-lei bơngai Asiri gô pơm pơtao lu sư, yua kơ lu sư arăng kơ̆l ưh kơ wă wih brŏk tơ Inh.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Am 4:6

Bê̆ gah inh, inh ăn boih pơngot rơwĕt tơ lăm rim pơlei lu iĕm păng pơm ăn tơpŭng sa ưh kơmah, tơ lăm rim anih lu iĕm oei. Mă-lei ră lu iĕm kư̆m ưh kơ wă wih brŏk tơ inh! Kră Yang khan thoi noh.

Hagai 2:17

Inh ăn boih phang-ang, tơngiĕt 'mi prĕl wă pơrăm lu iĕm, lu tơmam đơ̆ng ti iĕm jang mă-lei iĕm ưh kơ wă wih tơ Inh. Kră Yang khan thoi noh.

Sa 3:2

Kră Yang khan kơ Satan thoi âu: “Ơ Satan, thŭ Kră Yang hil hiap ih; Kră Yang Tơ'ngla mă rơih iŏk boih Jêrusalem hil chrih kơ ih. 'Nâu hăm trŏ thoi kơtôch đe 'nao dui đơ̆ng ŭnh?”

Rom 9:29

Êsai kư̆m khan lê̆ hơdrol sơ̆ thoi âu: “Dah Kră Yang 'Bok Kei-Dei ưh kơ rong lê̆ bơ̆n 'biơ̆, lei kon bơngai bơ̆n lôch đĭ thoi Pơlei Sôđôm păng Gômôrơ sơ̆.”

I Kor 3:15

Dah ŭnh sa hnam bơ̆n noh, lei 'Bok Kei-Dei ưh kơ đei apah bơ̆n ôh, mă-lei bơ̆n kư̆m klaih đơ̆ng tơdrong phak mơ̆n, yua kơ bơ̆n thoi lĕ kơ bơngai đe dŏng đơ̆ng hnam ŭnh sa noh boih.

Both 28:24

Tơplih kơ đak 'mi, Kră Yang ăn 'mi lăm char jing 'mui chuơh đơ̆ng kơpal plĕnh jruh tơ teh đak dĭng truh pơrăm đĭ lu iĕm lôch.

Both 29:23

'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.

Ju 1:23

Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.