Am 3:9 - Sơ̆p Hlabơar Nơ̆r 'Bok Kei-Dei

⁹ Roi tơbăt bĕ tơ lăm lu kơđông kơjăp Asdôt păng tơ lăm lu kơđông kơjăp lăm dêh Êyiptơ: Lu iĕm akŭm băl bĕ tơ kơpal kông lăm char Samari; lăng bĕ đei tơdrong rŭng răng tih tơ noh păng đei tơdrong pơm kơnê̆ băl.

Am 3:9 Iomraidhean Croise

II Sam 1:20

'Nĕ chă roi tơdrong 'nâu tơ lăm pơlei Gat, 'nĕ chă roi tơdrong noh kiơ̆ trong tih pơlei Askalon; kơnh lu bơngai drŏ-kăn Philistin hiĕk chhôk, lu drŏ-kăn bơngai ưh kơ kăt tơdra akar hiôk chơt.

Tơdrông Pơđơk 1:13

Lu bơ̆n gô iŏk đĭ dôm tơmam gĭt, Tah mong 'bĕnh kơ hnam lu bơ̆n tơmam đơ̆ng chă plah tơgar;

Tơdrông Pơđơk 11:16

Đe gô pơyom kơ bơngai drŏ-kăn ayơ đei đon mơnat. Mă-lei bơngai drŏ-nglo nuih pơm kơnê̆ lăp đei mơdrŏng đĕch.

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Je 31:5

Lu iĕm gô pơtăm tơm hơmu tơ kông groi Samari, thoi sơ̆ lu iĕm pơtăm, gô phĕ sa plei.

Je 46:14

Roi tơbăt bĕ lăm dêh char Êyiptơ, khan bĕ kơ pơlei Mikdôl, pơlei Memphis păng Tahpanhes: ‘Hơmet kơchăng bĕ kơ tơdrong tơblah, đao gưm koh pơlôch puăn pah wang tăp kơ iĕm.’

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Êsêkiên 36:8

Na gah ih, ơ kông Isơrael, ih gô bluh dơ̆ng lơ păng đei plei ăn kơ lu kon pơlei Isơrael inh; yua kơ lu sư wă wih brŏk.

Êsêkiên 37:22

Inh gô akŭm lu sư jing minh adrĕch adrung lăm char noh, tơ kơpal groi kông Isơrael. Lu sư đei minh 'nu pơtao pơgơ̆r đĕch. Lu sư ưh pă đei 'bar adrĕch adrung păng ưh pă klah 'bar tŏ dêh char pơtao dơ̆ng.

Hôsia 7:1

Layơ Inh wă pơklaih lu bơngai Isơrael, tơdrong yoch kơnê̆ lu bơngai Êphraim, păng tơdrong kơnê̆ lu bơngai Samari pơdah boih; lu sư hơlĕnh pơdăr, lu bơngai tơtông tơ lăm, lu bơngai rôp tơgar iŏk tơ rok trong.

Am 1:8

Inh gô pơrăm kon pơlei oei lăm pơlei Asdôt păng bơngai chĕp 'long jra pơtao sư tơ pơlei Askalon. Inh gô yơ̆r ti Inh blah pơlei Ekrôn; păng lu bơngai Philistin mă oei klaih gô lôch, Kră Yang khan thoi noh.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Am 6:1

Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Am 6:3

Lu iĕm pơm kơ năr pơmat khan roi ataih, mă-lei pơm ăn kơ tơdrong kơnê̆ rai jê̆ truh!

Am 8:6

Wă kơ lu bơ̆n iŏk jên noh na răt iŏk lu bơngai mă pơmat-tat, iŏk minh hơgrop chơkhŏ tơplih bơngai dơnuh hin păng tĕch pơđĭ truh tơ lu 'ba mi bo.

Mi 6:10

Lăm hnam bơngai kơnê̆ hăm oei đei tơmam gĭt kơnê̆ păng 'long kŏng ưh kơ tơpă hơlĕnh mă Inh areh dêh?

I Sam 5:1

Đơ̆ng rŏng kơ kon pơlei Philistin blah iŏk Hom Pơgơ̆p Kră Yang 'Bok Kei-Dei, đơ̆ng Êbênêser tơ pơlei Asdôt.