Am 3:8 - Sơ̆p Hlabơar Nơ̆r 'Bok Kei-Dei

⁸ Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Am 3:8 Iomraidhean Croise

Êsai 21:10

Ơ kon pơlei inh, mă đe pơjuă pơđep, tơdrong mă inh đei kơtơ̆ng đơ̆ng Kră Yang Tih Hloh, 'Bok Kei-Dei Isơrael, na inh roi ăn kơ iĕm tơdrong noh.

Êsai 31:4

Kră Yang đei khan bơih kơ inh thoi âu: “Nhen thoi dăm-brang grĕnh, dah nhen thoi dăm-brang mơlôh arum chă rôp tơmam sa, mă đơ̆ng lu bơngai wei triu minh khŭl lơ ră wă blah sư, sư ưh kơ tơrơ ôh kơ 'bơ̆r lu bơngai wei triu ôr tơkĕch, sư kư̆m ưh kơ hli kơ jơwa jreo lu đe noh, kư̆m thoi noh mơ̆n, Kră Yang Tih Hloh, gô jur wă tơblah tơ kơpal Kông Siôn păng tơ kơpal lu groi.

Je 20:9

Tơdah inh khan: “Inh ưh pă pơma roi gah nơ̆r Sư boih, inh ưh pă đei yua anăn Sư na pơma roi dơ̆ng,” nơ̆r Sư lăm jơhngơ̆m inh thoi ŭnh soh chhông, Nơ̆r Sư chĭt lê̆ lăm kơting inh, na jơhngơ̆m inh rơmơ̆n lap, ưh pă kĕ ĕnh boih.’

Je 26:12

Jêrêmi tơl lu kră pơgơ̆r păng lu kon pơlei: “Noh jơ̆ đơ̆ng Kră Yang wơh athei inh năm roi khan lê̆ adrol kơ tơdrong wă pơm kơ hnam akŭm păng pơlei tih âu, mă iĕm đei kơtơ̆ng boih.

Êsêkiên 29:21

Lăm năr noh, Inh gô ăn kơ adrĕch adrung Isơrael, chăt hơke jing pran thoi sem brem păng Inh gô ăn kơ ih Êsêkiên gơh pơih 'bơ̆r pơma tŏk-bŏk lu sư; na lu sư gô băt Inh boih Kră Yang.”

Am 1:2

Amôs khan: Kră Yang gô krao ôr đơ̆ng Siôn. Sư gô ôr pơret nơ̆r sư đơ̆ng Jêrusalem. Dôm lu 'nhĕt 'nhot bơngai wei triu kro jô păng tơ kơ̆l Kông Karmel 'long pơgê kư̆m jô kro mơ̆n.

Am 2:12

Mă-lei lu iĕm ăn pơgŏ boih lu bơngai Nasiril huch sik păng khă lu bơngai khan lê̆ adrol: Lê̆ pă khan lê̆ adrol!

Am 3:4

Hăm trŏ dăm-brang ôr lăm bri, tơdah sư ưh kơ đei rôp sa sem kiơ? Dah dăm-brang ưh kơ đei rôp sa kiơ hăm trŏ sư ôr đơ̆ng lăm trôm anih sư.

Jang 4:20

Nhi athei roi đĭ tơdrong nhi 'bôh Yêsu pơm păng đĭ tơdrong Sư pơma đĕch.”

Jang 5:20

“Năm tơ hnam akŭm 'Bok Kei-Dei tơm bĕ, bơtho kơ kon pơlei pơla gah tơdrong iĕm arih 'nao.”

Jang 5:29

Pêtrôs tơl tang lu bôl sư: “Nhôn athei chu Kră Yang 'Bok Kei-Dei đĕch, nhôn ưh kơ wă chu kon bơngai ôh.

I Kor 9:16

Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

Tơdrông Tơ'bôh 5:5

Mă-lei đei minh 'nu lăm lu đe kră noh khan kơ inh thoi âu: “Ih 'nĕ pă nhơ̆m, to gô dăm-brang adrĕch adrung Juđa păng Đawit hek lăng hla bơar noh. Pôm Sư đĕch trŏ kơ hek lăng hla bơar noh, yua kơ Sư tơblah păng yang kơnê̆ jei Sư boih.”