Am 3:2 - Sơ̆p Hlabơar Nơ̆r 'Bok Kei-Dei

² Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Am 3:2 Iomraidhean Croise

Bl 10:32

Noh lu adrĕch adrung pêng 'nu kon drŏ-nglo Nôê, kiơ̆ kơ chăl păng kon pơlei sư; păng yua kơ lu sư noh na đĭ-đăng adrĕch adrung klah asong băl jơ̆p kơpal teh đơ̆ng rŏng kơ đak lơ̆p.

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Horiso 147:19

Sư roi tơbăt nơ̆r Sư kơ adrĕch Jakôp, Khôi juăt păng nơ̆r tơtă Sư kơ adrĕch Isơrael.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Êsai 63:19

Đunh bơih, lu nhôn nhen thoi minh khŭl kon pơlei, mă Kră Yang ưh tam mă pơgơ̆r păng đe ưh tam mă krao hăm anăn Ih.

Je 1:15

'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Je 11:22

Kră Yang Tih Hloh khan: “Inh gô phak lu sư, lu tơdăm gô lôch kơ đao gưm; lu adruh tơdăm kư̆m gô lôch kơ pơngot rơwĕt.

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 14:10

Kră Yang khan gah kon pơlei 'nâu: “Lu sư 'maih kơdâu tơklah thoi noh, ưh kơ băt pơkơ̆ng jơ̆ng lu sư; Na Kră Yang ưh kơ sơng iŏk lu sư; Dang ei, Kră Yang 'blŏk kơ tơdrong kơnê̆ lu sư, Kră Yang wă phak lu sư đơ̆ng pơm yoch.”

Je 9:25

Kră Yang khan: “'Nâu năr gô truh, Inh wă phak lu bơngai kăt tơdra akar, gah sĕch akar đĕch.

Êsêkiên 5:9

Yua kơ tơdrong kơnê̆ krưp ih, na Inh gô pơm kơ ih minh tơdrong mă Inh ưh tam mă pơm đơ̆ng sơ̆ păng ning-mônh Inh ưh pă pơm dơ̆ng.

Êsêkiên 9:6

Athei pơlôch đĭ lu kră, lu hơmuh hơmŏng, lu hơdruh, lu hơ'lơ̆p, lu drŏ-kăn, mă-lei 'nĕ kơ pơlôch lu bơngai bu mă đei chih 'bơ̆t klĕng sư. Năm iŏk đơ̆ng Anih 'lơ̆ng rơgoh Inh.” Thoi noh lu sư pơtơm pơlôch iŏk đơ̆ng lu kră đơ̆ng 'bơ̆t anăp hnam akŭm.

Da 9:12

Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Hôsia 5:3

Inh băt kơ khŭl Êphraim; păng lu bơngai Isơrael, ưh kơ hlơp kơ Inh ôh. Dang ei, ơ Êphraim, ih pơm pơyô ngôi kư̆ kă boih; păng lu bơngai Isơrael 'mê̆-'mach boih.

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Hôsia 9:9

Khŭl Isơrael pơ̆k huŏng răm jrŭ dêh tơpă lăm tơdrong kơnê̆, kư̆m dang tơdrong kơnê̆ lăm pơlei Gibêah. Kră Yang gô 'blŏk kơ tơdrong kơnê̆ lu sư, na gô phak pơbral lu sư yua kơ tơdrong yoch lu sư.

Am 2:4

Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Am 3:3

Tơdah 'bar 'nu ưh kơ lăp đon băl, lei bre sư hăm gơh yak minh pôm trong?

Am 6:1

Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Mi 2:3

Thoi noh na, Kră Yang khan thoi âu: “'Nâu Inh gô pơm tơwih kơ lu adrĕch adrung âu. Minh tơdrong truh pơmat-tat mă lu iĕm kư̆m ưh kơ gơh klaih ôh, lu iĕm ưh pă gơh yak ngơk kơ̆l chhôk hal, yua kơ 'noh jơ̆ năr pơmat-tat.

Na 3:4

Noh yua kơ đơ̆ng bơngai đi pơm kư̆ kă pă kĕ jô̆, pơrŏ akâu chă pơhlŭ đe thoi noh. Chă hơlĕnh lu adrĕch kon bơngai hăm tơdrong pơm đi lu sư păng tĕch kon pơlei pơla hăm đi păng adrĕch adrung 'nhŏng oh sư hăm tơdrong pơm pơjâu tơwir hơlĕnh.

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.

Rom 2:9

Mă bơngai Juđê, mă bơngai nai, dah ưh kơ chu yom kơ nơ̆r 'Bok Kei-Dei, oei wă pơm kơnê̆ ling-lang, lu bơngai thoi noh 'Bok Kei-Dei wă phak lu sư pơmat-tat tơpă ning-mônh.

I Kor 8:3

Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

Both 10:15

Noh boih Kră Yang 'mêm kơ 'bok lu iĕm, Sư rơih iŏk iĕm đơ̆ng lăm lu kon pơlei nai. Thoi lu iĕm năr âu.

Both 26:18

Năr 'nâu Kră Yang kư̆m pơkă drơ̆ng iŏk iĕm pơm kon pơlei pơla Sư, jing tơmam gĭt Sư thoi Sư đei pơkă hăm iĕm păng iĕm athei wei răk đĭ dôm lu nơ̆r Sư tơtă.

Both 32:9

Gah Kră Yang noh kon pơlei Sư, Jakôp noh gah Sư.

Both 4:32

Thoi noh, iĕm athei apinh lăng iŏk đơ̆ng jơhnơr đei adrol kơ iĕm sơ̆, đơ̆ng năr Kră Yang 'Bok Kei-Dei pơjing kon bơngai kơpal teh, đơ̆ng tôch plĕnh âu truh tơ tôch plĕnh to, hăm tam đei tơdrong kiơ truh boih tih dah đei kơtơ̆ng tơdrong kiơ boih thoi noh?

Both 7:6

Yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Sư rơih iŏk iĕm đơ̆ng lu adrĕch kơpal teh đak âu. Wă kơ iĕm jing kon pơlei pơla Sư.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.