Am 3:15 - Sơ̆p Hlabơar Nơ̆r 'Bok Kei-Dei

¹⁵ Năr ei kơnh inh gô teh pơrăm hnam bơyan puih păng hnam bơyan phang, lu hnam pơm hăm bơla rôih păng dôm lu hnam tih gô răm đĭ, Kră Yang khan thoi noh.

Am 3:15 Iomraidhean Croise

I Pot 22:39

Dôm tơdrong jang Ahap, đĭ-đăng tơdrong jang pơtao đei pơm, hnam pơtao sư pơm păng bơla rôih păng đĭ-đăng lu pơlei sư man pơjing, đe đei chih lê̆ bơih lăm hla bơar hơ'mon lu pơtao đe Isơrael.

Horiso 45:8

Lu ao tai Ih 'bâu phu pơgang, hơliĕng brang păng hol. Đơ̆ng lăm anih pơtao pơm păng bơla đe reh brŏ đei tơlei pơm kơ Ih chơt hiôk.

Êsai 5:9

Kră Yang Tih Hloh khan 'bơ̆t đon inh: “Sĭt tơpă gô đei lơ hnam gô lê̆ jing juơ, lu hnam tih kơjung păng 'lơ̆ng mă-lei ưh kơ đei bu oei lăm noh!

Je 36:22

Năr noh khei tơsĭn; pơtao oei ngôi lăm hnam sư bơyan puih, đei tơnuh đe tơkuh ŭnh ngar ngŭr 'bơ̆t anăp pơtao.

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Am 3:11

Thoi noh na Kră Yang khan: Lu ayăt gô wang tăp dăr kơ dêh char âu; sư tơpăk lê̆ dur iĕm păng pơrăm tơgar iŏk đĭ dôm lu kơđông kơjăp iĕm.

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Am 6:11

Yua kơ Kră Yang khan boih, lu hnam tih gô păk hơlŭng răm đĭ, hnam iĕ gô pơchah reng 'beng.

Malachi 1:4

Tơdah bơngai Eđôm khan thoi âu: “Lu bơ̆n đe pơrăm đĭ boih, mă-lei lu bơ̆n gô brŏk pơjing dơ̆ng dôm lu anih đêl đe pơrăm,” thoi noh Kră Yang Tih Hloh khan: “Lu sư gô pơdơ̆ng ming, mă-lei Inh gô tơlơ̆ lê̆, dĭng mah đe krao anăn lu sư dêh char kơnê̆ păng jing kon pơlei pơla mă Kră Yang hil areh ling-lang.”

Lu 3:20

Kơplah pơtao oei ngôi minh drô̆ tơ anih kơpal rơngơp, Êhut năm jê̆ na khan. Inh đei minh nơ̆r đơ̆ng Kră Yang 'Bok Kei-Dei wă roi ăn kơ ih. Na Eglôn iung hloi đơ̆ng tang-dŏ sư.