Am 3:12 - Sơ̆p Hlabơar Nơ̆r 'Bok Kei-Dei

¹² Kră Yang khan: Thoi lu bơngai wei triu dui pơdŭng iŏk 'bar pah jơ̆ng dah minh pah đon đơ̆ng 'bơ̆r dăm-brang, na lu kon sâu Isơrael kư̆m lei-lăi, lu bơngai mă hơ-oei tơ kơpal giơng tơ dêh Samari păng kơpal 'bi lơ̆k tơ pơlei Đamas, kư̆m gô gơh dŏng pơklaih thoi noh.

Am 3:12 Iomraidhean Croise

I Pot 20:30

Dôm lu bơngai klaih đơ̆ng anih tơblah 'noh kơdâu ôn tơ lăm Pơlei Aphek, mă-lei dur pơlei pơchah kơtĭt lu sư lôch đei 'bar-jĭt tơpơh 'nu. Ben Hadat kư̆m kơdâu mơ̆t lăm pơlei, sư ôn tơ minh anih hlơp.

I Pot 20:34

Ben Hadat khan kơ Ahap: “Inh gô pơdrâu ăn kơ ih dôm lu pơlei mă 'bă inh tơgar iŏk đơ̆ng 'bă ih. Ih gô pơm hnam mơdro sa tih tơ lăm Pơlei Đamas, kư̆m thoi 'bă inh đei pơm bơih tơ lăm Pơlei Samari.” Ahap tơl: “Gah inh, gô drơ̆ng ăn kơ ih brŏk kiơ̆ thoi nơ̆r ih pơkă 'nâu.” Thoi noh Ahap pơkă pơkăm pơgơ̆p hăm 'Ben Hadat, đơ̆ng noh ăn kơ Ben Hadat brŏk.

I Pot 22:25

Mikai tơl: “Ih gô băt tơdrong noh, lăm năr ih kơdâu ôn tơ anih hrĕp kơnh.”

II Pot 16:9

Pơtao đe Asiri drơ̆ng iŏk nơ̆r Ahas apinh, sư năm blah Pơlei Đamas păng tơgar iŏk pơlei 'noh, rôp ba kon pơlei sư pơm bơnă tơ Pơlei Kir păng pơlôch lê̆ pơtao Rêsin.

Esther 1:6

Tăp dăr kơ pơgar đei dăng che kok, che dreng hla 'long, dreng jơk plĕnh, iŏk tơlei kok păng 'brê hơhĭm chô̆ tơ kong hu păng jrăng tơmo brông, lu giơng pơm păng hu maih, dan kơpal hơnă lơ̆k tơmo gôh kok păng tơmo rang gĭt găm.

Esther 7:8

Kơplah pơtao hơlơ̆k wih đơ̆ng pơgar pơtao, wơ̆t tơ anih lu sư oei et sa na 'bôh Haman oei drap 'bơ̆t tang-dŏ kơjung yă Esther oei ngôi. Pơtao hil khan, lăm hnam pơtao 'bơ̆t anăp inh sư kư̆m pơ̆n pơm kơnê̆ kơ yă pơtao dơ̆ng hă? Kơplah nơ̆r pơtao pơma 'nao wă tôch, đe thar gom hloi muh măt Haman.

Horiso 132:3

“Inh ưh kơ mơ̆t tơ lăm hnam inh, Kŭm ưh kơ tŏk tơ giơng tep.

Êsai 17:7

Lăm năr noh, kon bơngai gô tơchĕng 'blŏk gơnang kơ Tơ'ngla mă Pơjing sư, păng măt lu sư wơ̆t lăng tơ Kră Yang 'Lơ̆ng Rơgoh đe Isơrael.

Êsai 31:4

Kră Yang đei khan bơih kơ inh thoi âu: “Nhen thoi dăm-brang grĕnh, dah nhen thoi dăm-brang mơlôh arum chă rôp tơmam sa, mă đơ̆ng lu bơngai wei triu minh khŭl lơ ră wă blah sư, sư ưh kơ tơrơ ôh kơ 'bơ̆r lu bơngai wei triu ôr tơkĕch, sư kư̆m ưh kơ hli kơ jơwa jreo lu đe noh, kư̆m thoi noh mơ̆n, Kră Yang Tih Hloh, gô jur wă tơblah tơ kơpal Kông Siôn păng tơ kơpal lu groi.

Êsai 8:4

Yua kơ adrol kơ kon nge noh gơh pơma krao, 'Bă ơi! Mĕ ơi! Đe gô iŏk lê̆ mŭk tơmam gĭt đơ̆ng pơlei Đamas păng tơmam tơgar iŏk đơ̆ng Samari năm ba 'bơ̆t anăp pơtao Asiri.

Am 6:4

Răm-'băm dêh kơ lu bơngai tep tơ giơng bơla păng yon pơdăng jơ̆ng kơpal tang-dŏ iĕm; 'buh sa lu kon triu mă rơih iŏk đơ̆ng lăm khŭl păng 'bet sa rơmo bek đơ̆ng lăm hơdrong.

Am 9:8

Sĭt măt Kră Yang oei răp lăng kơpal teh đak yoch âu păng inh gô pơrăm sư đơ̆ng kơpal teh âu, mă-lei inh ưh kơ pơlôch đĭ hnam Jakôp, Kră Yang khan thoi noh.