Am 3:11 - Sơ̆p Hlabơar Nơ̆r 'Bok Kei-Dei

¹¹ Thoi noh na Kră Yang khan: Lu ayăt gô wang tăp dăr kơ dêh char âu; sư tơpăk lê̆ dur iĕm păng pơrăm tơgar iŏk đĭ dôm lu kơđông kơjăp iĕm.

Am 3:11 Iomraidhean Croise

Bl 34:27

Yua kơ đơ̆ng lu đe noh pơm kơnê̆ pơ'brơh kơ oh lu sư, kon adruh Jakôp, lu kon drŏ-nglo lu sư mơ̆t tơ lu bơngai lôch ei hơloh năm blah iŏk tơmam pơlei;

II Pot 15:19

Pul, pơtao đe Asiri mơ̆t tơgar dêh char sư, na Mênahem ăn kơ 'bok ei minh-rơbâu talâng jên hua wă kơ 'bok ei tơgŭm pơm ăn kơ dêh char sư kơjăp lăm tơdrong sư pơgơ̆r.

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Ho 36:19

Lu linh Babilôn soh hnam Kră Yang 'Bok Kei-Dei, teh pơchah lê̆ dur pơlei Jêrusalem, soh đĭ hnam pơtao păng pơrăm đĭ lu tơmam kăl yua lăm pơlei.

Jop 20:21

Ưh pă đei tơmam kiơ mă oei đei đơ̆ng rŏng kơ sư iŏk đĭ, lei na tơdrong mơdrŏng chơt hiôk sư ưh kơjăp đunh.

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Am 3:10

Kră Yang khan: Lu sư ưh kơ băt pơm tơdrong tơpăt; lu sư tah mong tơmam tơtông tơgar lăm kơđông kơjăp lu sư.

Am 3:15

Năr ei kơnh inh gô teh pơrăm hnam bơyan puih păng hnam bơyan phang, lu hnam pơm hăm bơla rôih păng dôm lu hnam tih gô răm đĭ, Kră Yang khan thoi noh.

Am 6:14

Kră Yang Tih Hloh khan: Ơ hnam Isơrael Inh đei ăn boih minh adrĕch adrung iung blah iĕm, lu sư gô teh pơjuă lu iĕm, iŏk đơ̆ng trong mơ̆t lăm tơring Hamat dĭng truh tơ thong đak Araba

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.