Am 3:1 - Sơ̆p Hlabơar Nơ̆r 'Bok Kei-Dei

¹ Ơ lu kon sâu Isơrael, mơ̆ng bĕ nơ̆r âu, 'nâu boih nơ̆r đơ̆ng Kră Yang khan wă blah lu iĕm, wă tơblah hăm đĭ-đăng lu adrĕch adrung mă inh đei chông anhăk đơ̆ng dêh Êyiptơ.

Am 3:1 Iomraidhean Croise

I Ho 16:13

Ơ adrĕch adrung Isơrael đĭch đam Sư, ơ lu kon sâu Jakôp mă sư rơih iŏk bơih!

II Ho 20:15

Sư khan: “Ơ pơtao Jêhôsaphat, bơngai Juđa đơ̆ng jơ̆p pơlei păng kon pơlei oei lăm pơlei Jêrusalem, mơ̆ng bĕ! Kră Yang khan: ‘Lu iĕm 'nĕ kơ hli, 'nĕ tơrơ kơ lu linh lơ kơdrâ̆m 'nâu, yua kơ tơdrong tơblah 'nâu ưh kơ sĭ kơ lu iĕm ôh, 'nâu kơ Kră Yang 'Bok Kei-Dei.’

Êsai 46:3

Ơ adrĕch adrung Jakôp mơ̆ng Inh bĕ păng đĭ-đăng lu iĕm mă oei oei lăm adrĕch adrung Isơrael, Inh bơih pŭ pôk lu iĕm đơ̆ng năr 'nao tơpŭ kơ iĕm, kơ'mĭn lu iĕm đơ̆ng lăm klak mĕ iĕm.

Êsai 48:12

Ơ adrĕch Jakôp, mơ̆ng bĕ nơ̆r Inh, ơ Isơrael kon pơlei mă Inh đei rơih. Inh bơih Tơ'ngla 'noh; Inh jơ̆ blŭng-a ala chă păng kư̆m tuch-luch ning-mônh.

Je 13:11

Pơtih thoi che tơ̆n kơiĕng klep tơ kơiĕng rim 'nu bơngai thoi yơ, Inh gô ăn kơ đĭ-đăng adrĕch adrung bơngai Isơrael, hăm adrĕch Juđa klep tơ Inh thoi noh, wă kơ lu sư jing kon pơlei pơla Inh, wă ư-ang, kơ Inh wă kơkuh bơnê kơ Inh. Mă-lei lu sư kuă kơ mơ̆ng Inh.”

Je 31:1

Kră Yang khan: “Kơplah noh kơnh, Inh boih Kră Yang 'Bok Kei-Dei kơ đĭ-đăng adrĕch Isơrael; păng lu sư jing kon pơlei pơla Inh.”

Je 8:3

Đĭ-đăng lu bơngai mă oei đei đơ̆ng adrĕch adrung bơngai kơnê̆ âu, lăm đĭ-đăng anih mă Inh đei pơpuh lê̆ boih lu sư 'maih chă lôch hloh kơ 'maih wă arih,” noh Kră Yang Tih Hloh khan.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Hôsia 5:1

“Ơ lu 'bok soi, mơ̆ng bĕ lu tơdrong 'nâu. Ơ bơngai Isơrael, pơgling đon bĕ! Răp mơ̆ng bĕ, ơ bơngai lăm hnam pơtao! Tơdrong sek tơlang âu 'bơm trŏ kơ lu iĕm, yua kơ lu iĕm thoi hơđong hơ'năk lê̆ boih tơ pơlei Mispa; păng thoi hơnhuăl dăng boih tơ kông Tabôr.

Am 2:10

Inh kư̆m chông iĕm lĕch đơ̆ng dêh Êyiptơ păng chông ba lu iĕm kơplah puăn-jĭt sơnăm lăm char glă wă ăn kơ lu iĕm đei teh jang sa đơ̆ng bơngai Amôrit.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Am 5:1

Ơ adrĕch Isơrael, mơ̆ng bĕ nơ̆r 'nâu, jơ̆ nơ̆r nhơ̆m hmoi yua kơ lu iĕm.

Mi 2:3

Thoi noh na, Kră Yang khan thoi âu: “'Nâu Inh gô pơm tơwih kơ lu adrĕch adrung âu. Minh tơdrong truh pơmat-tat mă lu iĕm kư̆m ưh kơ gơh klaih ôh, lu iĕm ưh pă gơh yak ngơk kơ̆l chhôk hal, yua kơ 'noh jơ̆ năr pơmat-tat.

Mi 3:1

Thoi noh na inh khan thoi âu: Lu yŏng kơdră Jakôp păng lu bơngai pơgơ̆r hnam Isơrael, mơ̆ng bĕ! Hăm trŏ kơ lu iĕm athei băt kơ tơdrong tơpăt?

Jêphania 2:5

Răm-'băm tơpă kơ pơlei mă oei jê̆ đak dơsĭ, wă khan lu adrĕch Kêrêthit! Ơ Kanaan jơ̆ teh đak Philistin, nơ̆r Kră Yang kư̆m pơma blah lu iĕm; “Inh gô pơlôch pơgoh đĭ lu iĕm dĭng pă đei.”

Tơdrông Tơ'bôh 2:29

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”