Am 2:8 - Sơ̆p Hlabơar Nơ̆r 'Bok Kei-Dei

⁸ Lu sư 'bĭch jê̆ tơ chơnang soi, kơpal ao tai đe iŏk boih wă pơm tơmam pơkơ̆ng păng iŏk huch sa sik đêl đe duh tơ hnam yang sư.

Am 2:8 Iomraidhean Croise

Le 22:25

Tơdah lu iĕm ăn kơ lu 'nhŏng oh dơnuh tŏk iŏk jên, 'nĕ kơ iŏk jên kiĕng thoi bơngai juăt ăn đe tŏk iŏk.

Êsai 57:7

Tơ kơpal kông kơjung lu iĕm dan giơng tep, păng tŏk tơ noh wă pơyơ̆r tơmam soi.

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Êsêkiên 23:41

Ih ngôi kơpal giơng 'lơ̆ng rŏ, dan minh tŏ gơ'bang 'bơ̆t anăp đei đak pơgang 'bâu phu Inh noh.

Hôsia 4:8

Lu sư 'me rong lu sư kơdih hăm tơdrong yoch kon pơlei Inh, lu sư hưch ham kơ tơmam sa đơ̆ng tơdrong kơnê̆ kon pơlei Inh pơm.

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Am 3:14

Lăm năr mă inh wă phak Isơrael yua kơ tơdrong yoch lu sư; Inh gô pơrăm lu chơnang soi tơ pơlei Bethel, dôm lu hơke chơnang soi inh gô chơ̆ng tơhuŏng lê̆ tơ teh.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Am 6:4

Răm-'băm dêh kơ lu bơngai tep tơ giơng bơla păng yon pơdăng jơ̆ng kơpal tang-dŏ iĕm; 'buh sa lu kon triu mă rơih iŏk đơ̆ng lăm khŭl păng 'bet sa rơmo bek đơ̆ng lăm hơdrong.

Am 6:6

Lu iĕm huch sik hăm pơnhan mŏng tih, yua pơgang 'bâu phu kăp jên pik tơ akâu wă kơ 'bâu phu kơdih akâu, ưh pă 'blŏk boih tơdrong truh kơ adrĕch Jôsep!

I Kor 10:21

Bơ̆n 'nĕ sa et 'bar pang, sa et kơchŏk 'blŏk kơ Yêsu boih, na sa et dơ̆ng kơchŏk đe sơmah kơ yang kơnê̆. Sa et tơ gơ'bang Yêsu boih, na sa et dơ̆ng tơ anih đe sơmah kơ yang kơnê̆.

I Kor 10:7

Thoi noh na bơ̆n 'nĕ kơkuh kơ yang nai thoi lu yă 'bok bơ̆n mơ'nah sơ̆. Sơ̆p hla bơar 'Bok Kei-Dei roi tơdrong lu sư sơ̆ thoi âu: “Lu kon pơlei pơla sa et măk ai, kư̆m pơm suang pơrŏ kơ yang lu sư.”

I Kor 8:10

Dah iĕm kiơ̆ đe năm sa et tơmam tơ hnam đe sơmah kơ yang, lei inh hli kơ lu bôl bơ̆n mă 'nao lui sư tơchĕng kơ rup yang hli kơ sư khan yang tơpă, mưh sư 'bôh iĕm năm sa et, hli kơ sư 'maih kiơ̆ iĕm năm sa et tơmam đe sơmah 'noh mơ̆n.

Lu 9:27

Na lu sư năm tơ mir phĕ plei 'long hơmu chơpĕt iŏk đak hơmu wă et sa. Lu sư mơ̆t lăm hnam yang lu sư, et sa tih na pơma kơnê̆ pơjăm Abimêlek.