Am 2:4 - Sơ̆p Hlabơar Nơ̆r 'Bok Kei-Dei

⁴ Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Am 2:4 Iomraidhean Croise

II Pot 17:19

Khŭl Juđa kư̆m lei-lăi ưh kơ chu răk dôm nơ̆r Kră Yang 'Bok Kei-Dei lu sư tơtă mơ̆n; na lu sư pơm kiơ̆ tơdrong juăt mă lu bơngai Isơrael chă pơjing kơdih.

II Ho 25:14

Kơplah Amasia brŏk đơ̆ng tơblah bơngai Eđôm, sư chĕp ba rup yang lu bơngai Sêir pơm yang sư kơdih, kơkuh păng pơyơ̆r tơmam soi kơ rup yang noh.

II Ho 30:7

'Nĕ pă pơm thoi 'bok păng 'nhŏng oh lu iĕm đei pơm yoch hăm Kră Yang 'Bok Kei-Dei 'bok lu sư, na Kră Yang pơrăm lu sư krưp tơpă thoi lu iĕm 'bôh.

Ne 1:7

Lu nhôn đei pơm yoch kơnê̆ dêh păng Ih, ưh kơ wei răk nơ̆r Ih tơtă păng tơdrong juăt Ih đei bơtho khan boih kơ 'bok Môis, đĭch đam Ih.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Je 16:11

Ih athei khan kơ lu sư: ‘Kră Yang khan. Yua kơ yă 'bok lu iĕm achăng lê̆ Inh boih, na kiơ̆ lu yang nai, jang ăn păng drap kơkuh kơ lu yang noh. Lu sư achăng lê̆ Inh ưh pă wei răk dôm khôi juăt Inh.

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Je 6:19

Mơ̆ng bĕ ơ đĭ-đăng teh đak. Âu Inh ba tơdrong răm truh kơ lu kon pơlei pơla âu, noh boih lĕch đơ̆ng tơdrong lu sư đei pơm boih, Yua kơ lu sư ưh kơ wă pơgling đon mơ̆ng nơ̆r Inh, păng sơngah boih kơ khôi juăt Inh.

Je 8:2

Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Je 9:14

Mă-lei lu sư yak kiơ̆ jơhngơ̆m arăng lu sư kơdih, na kiơ̆ lu yang Baal, kiơ̆ thoi 'bok yă lu sư bơtho ăn boih kơ lu sư.”

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Êsêkiên 20:16

Inh pơm thoi noh yua kơ lu sư ưh kơ chu kiơ̆ nơ̆r inh tơtă, ưh kơ chu kiơ̆ khôi juăt inh păng pơm yoch pơ'mê̆ lăm năr Sa'bat inh; pơm kiơ̆ kơkuh kơ rup yang lu sư.

Êsêkiên 20:18

Inh khan kơ lu kon sâu sư lăm char glă: “'Nĕ kơ kiơ̆ khôi juăt lu yă 'bok iĕm, 'nĕ wei răk nơ̆r lu sư tơtă păng kơdih iĕm 'nĕ kơ pơm kơnê̆ 'mê̆-'mach kơkuh kơ rup yang lu sư.

Êsêkiên 20:24

yua kơ lu sư ưh kơ chu kiơ̆ nơ̆r Inh tơtă, hŭt lê̆ khôi juăt Inh, pơm pơ'mê̆ kơ năr Sa'bat Inh, păng măt lu sư 'maih lăng chu kiơ̆ kơ rup yang 'bok yă lu sư.

Êsêkiên 20:30

Thoi noh, khan bĕ kơ adrĕch Isơrael: Kră Yang khan: Lu iĕm pơm kiơ̆ trong 'bok yă lu iĕm, lu iĕm pơm pơyô kư̆ kă kiơ̆ lu rup yang kơnê̆ krưp noh hă?

Êsêkiên 22:28

Lu 'bok khan lê̆ adrol lu sư ôn tơdrong pơm kơ đe pik kơ lu sư chŭr; 'bôh tơdrong 'bôh hơlĕnh păng hlang lăng hơlĕnh, lu sư khan: Kră Yang khan thoi noh. Mă-lei Kră Yang ưh kơ khan ôh.

Êsêkiên 22:8

Ih pơjăm tơmam rơgoh Inh păng pơm yoch kơnê̆ 'mê̆-'mach lăm năr Sa'bat Inh!

Hôsia 12:2

Kră Yang kư̆m đei pơma chrih kơ adrĕch Juđa, păng Sư gô phak Jakôp kiơ̆ thoi kơ trong sư yak năm; Kră Yang gô pơm tơwih kơ lu sư kiơ̆ thoi tơdrong lu sư pơm.

Hôsia 12:3

Oei lăm klak mĕ sư, Jakôp rôp kơnơl jơ̆ng 'nhŏng sư; păng truh tơ 'lŏ tơ̆l, sư tơglơ̆m hăm Kră Yang 'Bok Kei-Dei.

Hôsia 6:11

Ơ Juđa, ih kư̆m lei-lăi, Inh đei hơmet ăn kơ iĕm boih năr Inh sek tơlang Layơ Inh wă dŏng pơklaih bơngai Isơrael.

Am 1:3

Kră Yang khan: Yua kơ đơ̆ng kon pơlei Đamas rai pơm yoch pơm yoch hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư pơjuă dêh char Gileat thoi đe preh 'ba păng kơmăi mam,

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Mi 6:12

Yua kơ dôm lu bơngai mơdrŏng lăm pơlei âu tă ưh kơ tơpăt ngăl, kon pơlei pơla sư yua nơ̆r hơlĕnh pơdăr păng hơpiĕt lu sư đei tă kơ chă hơlĕnh pơhlŭ pơlung đe.

Habakuk 2:18

Rup hling man mă thơ̆ đei hling pơm, hăm đei lơi kiơ kơ sư? Man rup pơm yang, noh thoi 'bok thây bơtho hơlĕnh, đei yua kiơ? Mă lu thơ̆ man rup yang ưh kơ gơh pơma na kư̆m lui gơnang gơnăi đơ̆ng tơpang bơ̆n pơm kơdih?

Rom 1:25

Kuă kơ kơkuh kơ 'Bok Kei-Dei mă arih ling-lang, kơkuh kơ rup yang mă ưh kơ arih. Bơ̆n wă kơkuh kơ đêl tơmam Sư pơjing, kuă kơ kơkuh kơ tơ'ngla Sư mă gơh pơjing tôm tơdrong. 'Bok Kei-Dei boih trŏ kơ bơ̆n ư-ang ling-lang ưh kơ đei layơ tôch. A-men.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

I Pet 1:18

Iĕm băt boih 'Bok Kei-Dei huai iŏk iĕm bơngai kư̆ kă, bơngai ưh kơ yua, iĕm juăt kơ pơm rok lu yă 'bok iĕm sơ̆. Mă-lei Sư ưh kơ huai iŏk iĕm hăm tơmam hiong răm thoi lĕ kơ hu maih ôh.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.