Am 2:2 - Sơ̆p Hlabơar Nơ̆r 'Bok Kei-Dei

² Inh gô ăn ŭnh truh tơ dêh Môap, sư gô sa lu kơđông kơjăp Kêriôt. Kon pơlei Môap gô lôch, kơplah đe ôr tơjrông tơjrang păng hlôm keng.

Am 2:2 Iomraidhean Croise

Êsai 9:5

Đei tơpŭ ăn kơ lu bơ̆n minh 'nu kon nge, ăn kơ bơ̆n minh 'nu kon drŏ-nglo, tơdrong pơgơ̆r tơ kơpal hơngiĕng Sư, đe gô krao Sư Kră Yang pơlung tơgŭm Kră Yang 'Bok Kei-Dei Mơsêh Mơyang, 'Bă Arih Ling-Lang Kră Yang kon Pơtao Hiôk-Hian.

Je 48:24

Pơlei Kêriôt, pơlei Bôsra: Đĭ-đăng pơlei tih lăm char Môap jê̆ dah ataih.”

Je 48:34

Hmoi ôr đơ̆ng pơlei Hesbôn kơtơ̆ng truh tơ pơlei Êlêaleh păng pơlei Jahas, đơ̆ng pơlei Soar dĭng truh tơ pơlei Hôrônaim păng pơlei Êglat Sêlisia. Mă đak glung Nimrim kư̆m hrơ̆ boih.”

Je 48:41

Pơlei Kêriôt đe gô blah iŏk, lu kơđông kơjăp đe iŏk; lăm năr noh lu linh nuih kơtang char Môap jơhngơ̆m lu sư thoi drŏ-kăn hơiơch.

Je 48:45

Lu bơngai kơdâu klĕnh lap rơmơ̆n lu sư ôn pơdơh lăm yơ̆p pơlei Hesbôn; ưh pă đei bu gơh tơgŭm yua kơ đei ŭnh sa lĕch đơ̆ng pơlei Hesbôn, pla ŭnh đơ̆ng hnam pơtao Sihôn; ŭnh noh soh pơrăm đĭ char Môap, păng sa kơting kơ̆l lu bơngai jreo tơkĕch kơ chu, pơang dih kâu.

Êsêkiên 25:8

“Kră Yang khan thoi âu: ‘Môap păng Sêir đei khan: Âu lăng adrĕch Juđa kư̆m lei-lăi kơ char nai,

Am 1:14

Inh gô iŏk ŭnh soh dur pơlei Raba, sư gô sa lê̆ kơđông kơjăp lu sư, đe ôr tơkĕch lăm năr tơblah wang, thoi phŭt huơ̆r lăm năr hơbŭt hơbang.

Am 1:4

Inh gô ăn ŭnh truh tơ lăm hnam Hasael, wă soh pơrăm kơđông kơjăp Ben Hadat.