Am 2:14 - Sơ̆p Hlabơar Nơ̆r 'Bok Kei-Dei

¹⁴ Lu bơngai kơdâu kuăng ưh kơ gơh kơdâu klĕnh ôh, lu bơngai pran kơtang kư̆m gô pă kĕ mơ̆n păng lu bơngai nuih kư̆m ưh pă gơh pơklaih akâu sư kơdih.

Am 2:14 Iomraidhean Croise

Jop 11:20

Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.

Horiso 33:16

Pơtao mă gơh klaih ưh kơ sĭ. Yua kơ Linh sư lơ. Bơngai mă pran kơtang kư̆m ưh kơ klaih hlôi đơ̆ng pran kơtang sư noh.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

Je 25:35

Lu bơngai wei triu ưh pă đei trong ayơ gơh klĕnh, Lu tơ'ngla triu kư̆m ưh pă đei trong ayơ gơh klaih.

Je 39:4

Sêđekia, pơtao đe Juđa, hăm lu linh tơblah 'bôh tơdrong noh lu sư kơdâu lĕch đơ̆ng pơlei, kơmăng rok trong pơgar 'nhot pơtao, lĕch trong 'măng jang sơlam dur, lu sư yak tơpăt tơ Araba.

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Am 5:9

Noh boih Kră Yang Tơ'ngla mă pơm kơ lu bơngai pran kơtang 'bôh 'băi lôch răm hloi, tơdrong pơrăm dĭng mah truh tơ lăm kơđông.