Am 2:10 - Sơ̆p Hlabơar Nơ̆r 'Bok Kei-Dei

¹⁰ Inh kư̆m chông iĕm lĕch đơ̆ng dêh Êyiptơ păng chông ba lu iĕm kơplah puăn-jĭt sơnăm lăm char glă wă ăn kơ lu iĕm đei teh jang sa đơ̆ng bơngai Amôrit.

Am 2:10 Iomraidhean Croise

Ne 9:21

Tơpă, Ih wei rong lu sư puăn-jĭt sơnăm lăm char glă; lu sư huay kơ lah kiơ ôh; hơbĕn ao lu sư kư̆m huay kơ so hiah păng jơ̆ng lu sư kư̆m huay kơ pơ'ngeh.

Horiso 95:10

Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Êsêkiên 20:10

Thoi noh Inh chông tơlĕch lu sư đơ̆ng char Êyiptơ, chông ba lu sư truh tơ char glă.

Am 3:1

Ơ lu kon sâu Isơrael, mơ̆ng bĕ nơ̆r âu, 'nâu boih nơ̆r đơ̆ng Kră Yang khan wă blah lu iĕm, wă tơblah hăm đĭ-đăng lu adrĕch adrung mă inh đei chông anhăk đơ̆ng dêh Êyiptơ.

Am 9:7

Kră Yang khan: Ơ kon sâu Isơrael, hăm trŏ Inh ưh kơ lăng iĕm thoi lu kon sâu bơngai Êthiôpi? Inh ưh kơ trŏ chông tơlĕch iĕm đơ̆ng teh đak Êyiptơ, bơngai Philistin đơ̆ng Kaptôr păng bơngai Siri đơ̆ng char Kir hă?

Mi 6:4

Inh đei chông anhăk ih lĕch hlôi đơ̆ng teh đak Êyiptơ, huai iŏk ih đơ̆ng pơm đĭch đam păng kư̆m đei wơh Môis Arôn, Miriam yak adrol chông lu iĕm.

Jo 13:32

'Bơ̆t anăp lu kon pơlei bơngai Isơrael, lu đe noh roi pơăm tơă khan: Lu kon pơlei oei lăm char mă lu nhôn đei năm chop dăr lăng tơ jơ̆p-jang, char noh luăn sa pơđĭ kon pơlei sư kơdih; lu nhôn 'bôh đĭ lu kon pơlei noh akâu tih kơjung ngăl.

Jo 21:25

Bơngai Isơrael blah iŏk đĭ lu pơlei tih păng oei hloi tơ lăm pơlei tih bơngai Amôrit oei tơ lăm lu pơlei tih Hesbôn păng kư̆m oei jơ̆p lăm lu pơlei iĕ hai.

Jo 32:13

Thoi noh, tơdrong Kră Yang hil mĭl dêh kơ lu adrĕch bơngai Isơrael, na sư ăn kơ lu đe noh yak thông huang lăm char glă noh puăn-jĭt sơnăm, dĭng mă đĭ-đăng jơhnơr lu bơngai pơm kơnê̆ 'bơ̆t anăp Kră Yang lôch đĭ.

Jang 13:18

Kơplah puăn-jĭt sơnăm lu bơngai Isơrael pơm lơ tơdrong ưh kơ chu kơ 'Bok Kei-Dei tơ char glă. Mă-lei 'Bok Kei-Dei 'mêm mơnat kơ lu sư tơpă.

Jang 7:42

“Thoi noh na 'Bok Kei-Dei ưh pă wă kơ lu sư dơ̆ng ôh. 'Bok Kei-Dei ăn kơ lu sư kơkuh kơ măt 'năr, măt khei păng lu sơnglŏng tơ plĕnh ti đĕch. 'Noh thoi lu 'bok pơtruh nơ̆r 'Bok Kei-Dei khan: ‘Ơ lu đe Isơrael, iĕm ưh kơ sơmah kơ Inh Kră Yang iĕm 'Bok Kei-Dei kơplah iĕm oei puăn-jĭt sơnăm tơ char glă sơ̆.

Both 1:39

Lu kon hơ'lơ̆p lu iĕm păng lu iĕm khan thoi kơ minh pôm tơmam prăn đĕch păng lu kon drŏ-nglo iĕm dang ei tam mă băt ôh tơdrong 'lơ̆ng dah tơdrong kơnê̆, gô mơ̆t tơ dêh noh; Inh gô ăn kơ lu sư dêh âu bơ̆jang sa,

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Jôsuê 13:4

Tơ gah gơal, đĭ-đăng kơ char bơngai Kanaan, đơ̆ng Ara, noh lăm kon pơlei Siđôn, noh tơring Aphek, truh tơ teh đak kon pơlei Amôrit;

Jôsuê 24:8

Inh chông lu iĕm mơ̆t lăm char kon pơlei Amôrit oei gah hơlĕch kơ đak Krong Jôrđăn; lu sư tơblah hăm lu iĕm mă-lei. Inh jao lu sư lăm tơpang ti lu iĕm inh pơlôch lu sư 'bơ̆t anăp lu iĕm na lu iĕm blah iŏk teh đak lu sư.