Felemúna 1:4 - Mɨkánda Lorụ ꞌBɨ Lomo Kɨ́ Dosị́ Éyị́ E

⁴ Felemúna, kacɨ́ kadra za mbá, ịrịyị́ ꞌdecị gɨ taramá wá. Kɨ́ꞌdí bɨ mááyí go íni ini zɨ́ ꞌBụzé Lomo ní, mándị́sị fú lá óto yị́ị kóꞌdụ́ a, idí ndị́sị lúrú bi kacɨ́yị.

Felemúna 1:4 Iomraidhean Croise

Róma 1:8

ꞌDáꞌdá gɨ zɨ́ ledre e za mbá, máíꞌbí mbófo éyị́ zɨ́ Lomo gɨ rosé za mbá, gɨ zɨ́a phanda ledre aṇga go do bi e kpá za mbá kɨ́dí ꞌdíꞌbisé sị́lị́se go ngbúó ro ledre ꞌbɨ Kɨ́résịto Yésụ bɨ ṇgúṇgusé ní.

Éfeso 1:16

Gɨ zɨ́ kéyị née, kacɨ́ kadra mbá zɨ́ma ndị́sịmá íꞌbí mbófo éyị́ zɨ́ Lomo gɨ rosé sɨmɨ bɨ mááyí go ndị́sị íni ini zɨ́a ní.

Phị́lịpo 1:3

Mándị́sị sómụ́ ledresé kacɨ́ kadra mbá, zɨ́ma ndị́sịmá kɨ́ mbófo Lomo gɨ rosé.

Kolósayi 1:3

Kacɨ́ kadra e mbá ndịsịzé, íꞌbí mbófo éyị́ zɨ́ Lomo bɨ ꞌBụ Ngére ezé Kɨ́résịto Yésụ ní gɨ rosé sɨmɨ bɨ azé go ndị́sị íni ini zɨ́a ní.

1 Tasalonị́ka 1:2

Kɨ́ꞌdí bɨ azé go íni ini zɨ́ ꞌBụzé Lomo ní, ndịsịzé sómụ́ndíki ledresé, zɨ́ze ndị́sịzé mbófo wo gɨ zɨ́a bɨ ówosé wo bú bɨlámáne, zɨ́se ṇgúṇgu ledre ené, zɨ́se ndị́sịsé méngị moko zɨ́a ní.

2 Tasalonị́ka 1:3

Owụ́ ꞌbɨ Babá e, utúasá mɨútúásá zɨ́ze íꞌbí mbófo éyị́ zɨ́ Lomo gɨ rosé za mbá, gɨ zɨ́a bɨ ásé kpá fú ndị́sị lódụ́ kacɨ́ Ngére Yésụ kɨ́ngaya ndéré kɨ́e ꞌdáꞌdá kpá kɨ́ óto ꞌbúse bɨ dengbị́se kɨ́ngaya ní.

2 Timatíyo 1:3

Timatíyo owụ́ ꞌbɨ amáa, ledreyị́ lịgị máa wá. Kacɨ́ kadra za mbá, kɨ́ꞌdí bɨ mááyí go íni ini zɨ́ ꞌBụzé Lomo ní, mándị́sị óto yị́ị kóꞌdụ́ a. Gɨ zɨ́a, nɨ ne mbigí Lomo, bulúndu bulúnduzé e ndịsịnɨ́ kóo íni ini zɨ́a kɨ́ mɨmbéꞌdeyé kị́éꞌdo. Kpá káa zɨ́ bɨ ndịsịzé karaba íni ini zɨ́a kɨ́ mɨmbéꞌdezé kị́éꞌdo ní.

Felemúna 1:5

Ndaá gbékpị́e wá, gɨ zɨ́a, máúwú ledre bɨlámá ledre ga bɨ ndị́sị méngị yée zɨ́ ꞌyị e ní go mbá. Tụ́ꞌdụ́ ꞌyị e ndịsịnɨ́ go úku ledreyị́ zɨ́ma kɨ́dí, ṇgúṇgu ledre Ngére Yésụ go cụ́ kɨ́ sɨmɨyị́, zɨ́ ꞌbú ꞌyị e kpá ídíne doyị́ kɨ́ngaya.