Madiu 8:6 - Loina Nuahuana

⁶ 'igwae, “Bada, 'igu 'ali'e 'aigeda 'ilohala, ma hadai ma'ana muya madouna 'i'eno'eno, ma geya sawasawahina ma 'inihu.”

Madiu 8:6 Iomraidhean Croise

Madiu 4:24

Coinega Yesu tetelina 'isaweyaneya Siliya gogonao mabwaiyadi 'oidiya, 'oinega tolohalao mabwaiyadi sitautauyedima 'oina, taudi silohala madouna ma wahidi simuyamuya, ma taudi hi'ahi'a* si'abi hebuwediya, ma taudi 'adi lohala hebwasubwasumo ma wete tobelu, ma Yesu 'i'abi hebwebwe'anediya mabwaiyadi.

Madiu 8:7

Ta Yesu 'igwae, “Nata yanaowa ma ya'abihe yawesai.”

Madiu 9:2

Ma 'aigeda topeu boda si'ahaliya 'ina 'ebe'eno 'oina ma sinaoleyama Yesu 'oina. Bodaedi 'idi hemisa Yesu 'isanapuya ma topeu 'ihegwaeya 'igwae, “Natugu, 'uyaliyaya, 'ino mumuga galadi 'adi nuwasam 'uloba pwaiya.”

Paihowa 10:7

Aneloseina 'ina gwae 'igumwala ma 'itauya, ta Konilio 'ina topaihowao 'eluwa 'ibwauwedima ta 'ina tolo'aleha 'aigeda, tauna wete Yehoba 'ana tohe'asisi madouna. Taudi sitetoiyedi 'ana tolemao bwebwe'adi.

Paihowa 8:7

Ceguma taiyawedi silohala hi'ahi'a* 'oidiyega 'iula latuhedi, ma hi'ahi'aedi siwuiwui ma sihapwesa, ma wete topeuyao ma tohasagesageula 'i'abihe bwebwe'anediya. Coinega bodaedi sitagwatagwala mahemahetena Pilipi 'ina loguguya 'oina,

Paihowa 9:33

ta 'aigeda loheya topeu 'ilobeya, sanina Iniya, tauna bolime 'eit 'ina 'ebe'eno 'oina 'i'eno'eno ma geya sowasowahina ma 'iyawala.

Kolose 3:11

Coinega geya 'eta wataha 'imiyamiya ma 'abehega wagwae “Yudiya boda hagadi ma tauma boda hagama,” bo wagwae, “Taudi meYudiya 'adi 'ila'ilala si'upweya 'wapidiya boda hagana, ma taudi geya si'upwa boda hagadi,” nuwana taumanao bo tomiya pwatula boda hagadi, nuwana wete topaihowao ma babadao hali bodao. Ma tuwa Keliso 'ina boda mabwaiyada. Ma 'ateda Keliso 'iboi 'ilohegogonegita.

Kolose 4:1

Ma 'omi babadao waloina dumwalu 'imi topaihowao 'aigeda 'aigeda 'oidiya, weyahina wanuwatuhuyahi 'abehega 'omi 'imi Bada 'imiyamiya galewa.

1 Timoti 6:2

Wete topaihowaowedi 'eguma 'idi babadaedi ba'idadiyao si'ahwa tasina Keliso 'ana hemisa 'oina, ma 'ane sahena 'idi babadaowedi 'adi he'asisi silololagu, ma hesi sowasowana sihetapewa waiwai weyahidi, ma 'ane 'idi paihowa bwebwe'ana 'ihemadou, weyahina 'idi babadaedi taudi Keliso 'ana tohemisao, 'oinega 'idi helauwega ma sida paihowa 'oidiya. Loinaedi 'uhe'itaedi tomota 'oidiya.

Pilimoni 1:16

Mwalo tauna 'ino topaihowa, ma sauga bewa geya 'abehega 'ihetopaihowamo, ma tauna wete ta'ahwa tasine Yesu Keliso 'oinega. Tauna bo'i ya'ahwa tasineya, ma 'owa 'ilobwainegowa ma 'u'ahwatasina moisa, weyahina tauna 'ino topaihowa ma wete tasiu 'ida Bada 'oinega.