Madiu 8:5 - Loina Nuahuana

⁵ Eeta Yesu 'inaoma gogo Kapaneumi 'oina, ma tolo'alehao taudi meLoma 'adi tohanugeta 'aigeda 'inaoma ma 'i'ahwanoiya Yesu 'oina,

Madiu 8:5 Iomraidhean Croise

Madiu 11:23

“Ma 'omi meKapaneumi togidega? Cabehega taumimo wa'abilagasigomi galewa, 'awa? Geya hene! Ma hesi nata Bwebweso 'alona siula dobihegomi. Weyahina 'ebe henainaidaedi yapaihowa pwaidiya 'oimiya ma hesi geya wanuwabui, ma mwalo 'eguma meSodoma 'oidiya yada paihoweya, mwalo hene sida nuwabuiya, ma 'ane Yehoba sahena 'imutumutudi, ma nige 'idi 'asa 'ida miyamiya.

Madiu 27:54

Ma tolo'alehaowedi ma'idi tohanugeta saugenina Yesu kelose 'oina si'ita'itayahiya, mwani'ini'i ma ginaula mabwaiyana si'itediya, ta simatauta madouna, sigwaeya, “Moisa, loheya bewa Yehoba Natuna.”

Madiu 4:13

Coinega Nasaleta 'i'ebesineya ma 'ilo'asa Kapaneumi holai, beno susu Sebuloni ma Napitalai 'idi bale'uwa.

Madiu 9:1

Coinega Yesu wagai 'igeluwa ma 'ihabala hila 'ina gogowa.

Maki 15:39

Ma tolo'alehao 'adi tohanugeta Yesu 'ana kelose matana 'itotoholo, Yesu 'ina 'amasa 'ana 'ita bewa gide 'i'iteya, 'oinega 'igwaeya, “Moisa tuwa, loheya nage Yehoba Natuna.”

Maki 2:1

Sabwelo tupwana sigumwala ma Yesu 'ihila Kapaneumi 'oina, ma wasana sihesagoheya 'abehega Yesu 'ihila pwaima.

Paihowa 22:25

Coinega sitauyeya hadai ta sipaiya sabi sapina, ma tolo'aleha 'idi tohanugeta deina 'itoholowa, 'oinega Paulo tohanugetaina 'ihegwaeya, “Taugu yaheLoma pwaiya ma geya 'aigeda loina 'imiyamiya ma wada sapigau weyahina geya 'aigeda to'aha 'igu pui walobaloba yatala 'oina.”

Paihowa 23:17

Ta Paulo tolo'alehao 'idi tohanugeta 'aigeda 'ibwauweyama, ta 'ihegwaeya. “Hewali bewa 'utauye boda 'aleha 'ana toloina 'oina ma to'aha 'ina nuwatuhu 'ihepwaila 'oina.”

Paihowa 23:23

Ta boda 'aleha 'ana toloina 'ibwauwediya 'ina tolo'alehao 'adi tohanugeta 'eluwa ma 'iloinaediya, “Nata hinuwanega tolo'aleha tu handeledi, ma togelu hosi sebeniti ma to'ahala gita tu handeledi wete wahe'autedima, ma sitauyegomi Sisaliya 'oina.

Paihowa 27:13

Ma yalasi 'i'iuna 'itowama, ta sinuwatuhuya 'abehega nata si'adau bwaibwaina ma Pinikisa siluhu, ta 'idi loho sitabeiya ta Kiliti deinega sipiliya 'oye'oyega.

Paihowa 27:31

Ta Paulo tolo'alehao ma 'adi tohanugetao 'ihegwaediya, “Ceguma loheloheya nage wagega sidena, nata geya'abwa tabwebwebwe'ana.”

Paihowa 27:43

Ta 'adi tohanugetaina nuwanuwana ma Paulo 'i'abihete, 'oinega 'i'ausidiya, 'abehega sahena silolohe 'amasidi. Ma hesi 'iloinaedi taudi sowasowahidi ma sitube nugeta ma 'oya'oya weyahina sitube,

Paihowa 9:38

Ta 'asaina Yopa, Lida 'oinega geya bwaga, ma tohekalesiyao sihesagoheya 'abehega Pita 'asa Lida 'oina 'imiyamiya, 'oinega tomota 'eluwa sihewasaediya Lida 'oina Pita sabi toeina, ma Lida 'oina silatuwa, ma Pita si'ahwanoiyeya, sigwae, “Bada, 'unaoma talomwayamwayau 'ima 'asa.”