Luke 9:51 - Loina Nuahuana

⁵¹ Sabweloina 'ihahohoyama ta Yesu 'ihila galewa, 'oinega 'ina nuwatuhu 'ilaguya ma 'abehega 'itautau Yelusalema. Coinega 'itoholo ma ma'ana tomuliyao sitauya.

Luke 9:51 Iomraidhean Croise

Maki 16:19

Cida Bada Yesu 'ina hemataluwa 'ana tomuliyao 'oidiya 'ilosaloha pwaiya ma 'ihaneya galewa, ma Yehoba 'ina 'ebeulega 'imiyatoiya.

Luke 12:50

Ma hesi tuta 'i'iuna ma babitaiso galana yaloba, 'oinega ma'igu 'ateyoho ma 'ana siga babitaisoina 'oiguwa sipaihowa.

Luke 13:22

Tutaina Yesu 'itautau Yelusalema, ma 'edai tupwana 'asa madoudi ta 'i'iudi 'oidiya 'ilatuwa, ma 'oidiya 'ihehe'ita ta 'iloguguya.

Luke 17:11

Ma Yesu Yelusalema weyahina 'itautauya ma Sameliya ta Galili gamwagamwanidiya 'ilatulatu.

Luke 18:31

Yesu site tuwelowedi 'ibwau 'autedima ma 'itoediya papaliya ta 'ihegwaediya, “Bewa tuwa tahanehane Yelusalema ma ginaulaina mabwaiyana palopitao mwalona silelediya taugu Loheyaiguina weyahigu nata silatu ma wa'itadi.

Luke 19:11

Ma Yelusalema deina nata ma silatu, eeta bodaedi sinuwanuwatuhu 'abehega Yehoba 'ina loina nata 'ihegaina, 'oinega gwae hegehegedi bewa 'i'ebwaediya,

Luke 19:28

Yesu 'ina gwae bewa 'ilosalohiya ma 'itoholowa, ta ma'ana tomuliyao sihanehane Yelusalema weyahina,

Luke 24:51

Cina gwae helauina 'oina, 'aena 'i'eweya ma 'ihaneya galewa.

Luke 9:57

Sitautauya, ta 'aigeda loheya 'inaoma ma Yesu 'oina 'igwaeya, “Taugu nuwanuwagu ma yamuliyego. To tupwa 'oina 'utautauya yamuliyego.”

Yoni 13:1

Hataona guyaina 'ana sauga 'i'e'ehoho, ma Yesu 'isanapuya 'abehega 'ina sauga 'iloba pwaiya ma bale'u bewa 'i'ebesine ma 'ilohihila Tamana 'oina. Yesu 'ina bodaowedi 'ihelauwediya madouna, 'ina tuta 'ebe hegaina hauhau 'oinega ma 'ana 'ebe losaloha 'oina 'ihelauwediya.

Yoni 16:28

Ta moisa tuwa beno, taugu Tamagu 'oinega yatauyama ma bale'u bewa 'oina yamiyamiya. Coinega bewa tuwa bale'u ya'ebe'ebesine ma yalolohihila Tamagu 'oina.”

Yoni 16:5

Ma hesi 'i'iunamo ma ya'ebesinegomi ma yatauya tauna 'ihesumanegauma 'oina, 'oinega ginaulaedi yahehepwailedi 'oimiya. Bewa tuwa nata ya'ebesinegomi ma hesi geya 'eta taiya 'ida hesilalegau nuwana 'ida gwae, ‘Cinapwana, ta'eha 'utautauya?’

Yoni 17:11

Sauga 'i'iunamo ma yalohihilawa 'oiuwa, nata geya'abwa bale'u bewa wete 'oina yamiyamiya. Ma hesiyage tomotaedi taudi 'u'ebwaegauwa nata tuwa bale'u bewa 'oina simiyamiya. Tamagu, 'owa moisa saniu hehe'asisiyanaina, 'oinega bewa tuwa ya'ahwa'ahwanoi 'oiuwa ma tomotaedi 'owa 'ino waiwai 'oinega 'u'itayahidi ma 'oinega siheboda 'aigeda, tuwa gide 'owa ma taugu huhunida 'aigeda.

Yoni 6:62

Taugu loheyaiguina moisa ma togidega 'eguma wa'itegau yahane 'asainaina mwalona 'oinega yasuluma?

Paihowa 1:2

tutaina 'ina miya gogo gabulena 'ana siga Yehoba 'itoe haneheya galewa, Yesuina 'ina 'amasa mulina, mayawasina 'ilatuwa 'ana tohepwailao hesihesinuwadi 'oidiya, ta Yaluyaluwa Tabuna 'ina waiwaiyega 'adi loina 'i'ebwaediya.

Paihowa 1:9

Cina gwaeyaowedi bewa 'ilosalohidiya, ta matadiyega Yesu si'iteya 'ihane galewa, ma yaloha 'alona 'i'waiha.

Epeso 1:20

Cina waiwaiina Keliso 'oinega 'ihe'itaeya tutaina 'amasega 'igihetoholo hileya, ta 'ina 'ebemiya galewa 'i'ebwaeya, Yehobaina 'ina 'ebeulega,

Pilipai 3:14

beno 'ebe masiina, Yehoba 'ana maisa galewa Yesu Keliso 'oinega.

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Ibeliu 6:20

Nage 'oina Yesu 'iluhu nugeta pwaiya weyahida, ta 'ihetopwaoli madouna ma miyamiya hatayana weyahida, gide Melikisedeki mwalo hene.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.