Luke 9:44 - Loina Nuahuana

⁴⁴ 'igwaeya, “Cigu gwae bewa nata yahepwaile 'oimiya wanuwatuhuyahi bwaibwaini, beno taugu Loheyaiguina 'i'iunamo ma sitebae ma 'agu 'alehao 'oidiya si'ebwayaegau.”

Luke 9:44 Iomraidhean Croise

Madiu 16:21

Tuta nage 'oina Yesu 'ihegaina ma 'ana tomuliyao 'ihe'itediya, 'igwae, “Cilobwaineya ma yatauya Yelusalema, ma nobwa muyamuya baibaiwadi yalobadi, babadao ta topwaoli madoudi ma loina 'ana tohe'itao 'oidiyega, ma nage 'oina silohe'amasigau, ma sabwelo hetoina 'oina Yehoba 'i'abihetoholo hilegau.”

Madiu 26:2

'igwaeya, “Wasanapuya sabwelo 'eluwa ma Hataona Guyaina tapaihowa, ma 'oinega taugu Loheyaiguina 'agu toteba 'i'ebwaegau 'agu 'alehao 'oidiya, ma kelose 'oina silohe'amasigau.”

Maki 8:31

Ma Yesu 'ihe'ale 'ihe'ita 'oidiya to'aha 'abwa 'oina 'ilatu, ma 'igwaeya, “Taugu Loheyaiguina 'abwa muya madouna yaloba. Weyahina babada ta topwaoli madoudi ta loina 'ana tohe'itao 'abwa silogwahategau ma silohe'amasigau, ma sabwelo 'etoi mulina 'abwa yatoholo hila.”

Luke 1:66

Ma tomotaedi sihesagoheya ma sinuwatuhu dadana, ma siboidimo 'oidiya sihesilala hilediya sigwae, “Gwama bewa nata togidega 'abwa 'ina paihowa?” Weyahina si'iteya Yehoba 'ina waiwai 'oina 'imiyamiya.

Luke 18:31

Yesu site tuwelowedi 'ibwau 'autedima ma 'itoediya papaliya ta 'ihegwaediya, “Bewa tuwa tahanehane Yelusalema ma ginaulaina mabwaiyana palopitao mwalona silelediya taugu Loheyaiguina weyahigu nata silatu ma wa'itadi.

Luke 2:19

Ta Meli gwaeyedi mabwaiyadi 'inuwatuhu yahidiya ma nuwana 'ihenetediya weyahidi.

Luke 2:51

Coinega mahetenao sihila Nasaleta, ma nobwa 'idi gwae 'ihemata matanediya. Ma hesi sinana ginaula bewa weyahidi 'inuwanuwatuhu madouna.

Luke 24:44

Ma 'ihegwaediya, 'igwaeya, “Gwaeyedi yatetela pwaidiya 'oimiya tutaina taugu ba'idamiu, mabwaiyana weyahigu sileleya Mosese 'ina Buki 'oina ta palopitao 'idi buki 'oidiya ma wete buki wali Same 'oidiya, ma 'oinega 'igu hepwailaina 'ana sanapu moisa 'ida latu.”

Luke 9:22

Ta wete 'ihegwaediya, 'igwae, “Taugu Loheyaiguina ma 'abwa muya madouna yaloba. Weyahina babadao ma topwaoli madoudi ma wete loina 'ana tohe'itao nata siguipailegau ma silohe'amasigau, ma sabwelo hetoina 'oina Yehoba 'i'abihetoholo hilegau.”

Yoni 16:31

Coinega Yesu wete 'ihegwae hilediya 'igwae, “Bewa tuwa 'abwa hesi wahemisaegauwa, 'awa?

Yoni 16:4

Ginaula bewa yahepwailediwa, ma 'eguma sauganaina silatu, nata wanuwatuhu hila 'abehega ginaulaedi 'oimiya hepwailediya.” Coinega wete 'ihegwaediya 'igwae, “Ginaulaedi bewa mwalona geya yahepwaila nugetedi 'oimiya, weyahina sauga baibaiwana 'oidiya taugu ba'idamiu.

Yoni 19:11

Ta Yesu Pailato 'ihegwaeya 'igwae, “Geya 'eta wete 'ino loina 'oiguwa 'imiyamiya, 'eguma Yehoba geya 'oiuwa 'itagwala. Ma hesiyage 'uda sanapu 'abehega loheyaina tauna 'ihe'ebwayaegauma 'ino loina 'oina, 'ina pui gala hedadena, 'abwa 'owa 'ino pui.”

Paihowa 2:23

Yehoba mwalo hene Yesuina weyahina 'iloina, ma to'aha bale'uwa Yesu nata 'iloba Yehoba 'isanapu nugeteya, beno 'omi watebaeya, ta 'imi loina 'oinega tomota galadi kelose 'oina silohe'amasiya.

Ibeliu 2:1

Coinega sawasawahida ma gwaeyedi tahesagohediya tanuwatuhu yahidi, ma sahena tanuwanuwa naidedi.