Luke 9:2 - Loina Nuahuana

² Coinega 'ihewasediya ma 'abehega Yehoba 'ina hetoloina tomota 'oidiya siguguyae, ma wete lohalao si'abihe bwebwe'anedi.

Luke 9:2 Iomraidhean Croise

Madiu 10:5

Yesu site tuwelowedi 'iloinediya ma 'ihesumanediya, 'igwae, “Sahena taudi ganamuli 'oidiya watautauya, ma wete sahena Sameliya 'asanao 'oidiya waluhuluhu,

Madiu 13:19

Ceguma taiya Yehoba 'ina loina tetelina 'ihesagoheyamo, ma geya 'inuwasabwalena, 'abwa togalaina 'inaoma ma gwaeyedi loheya 'atenega 'i'ewayahuledi. Beno patuwedi sibe'uwa 'edai 'adi sanapu.

Madiu 24:14

“Ma Yehoba 'ina loina tetelina 'i'edadana nugeta tupwa mabwaiyana 'oidiya, ma boda mabwaiyadi 'ana loguguya sihesagohe, ma muliyetega tuta 'ana 'ebelosaloha 'ilatu.

Madiu 3:2

“Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

Maki 16:15

Coinega hemataluwa 'i'ebwaediya, 'igwae, “Watauya tupwa mabwaiyana, ma wasagu tomota mabwaiyadi 'oidiya waguguyae.

Maki 6:12

Coinega 'ana tomuliyaowedi sisakowasiya 'asa mabwaiyana 'oidiya, siguguya ma 'abehega tomota mumugadi galana silogwahatedi ma sinuwabui,

Luke 10:1

Tuta nage mulina, tupwadi wete 'ana tomuliyao 'ihesinuwediya, sebeniti 'adi baibaiwa, ma 'eluwa 'eluwa 'ihesumane nugetediya gogo baibaiwadi 'oidiya, ma 'ane toni'asa si'atububudi Yesu 'ina tauyama 'oidiya weyahina.

Luke 10:11

‘Wa'ita, 'imi gogo nenegwalina 'ahemega 'a'alohutuhutu yahule, ma wasanapu 'abehega Yehoba 'ina loina deimiya 'imiyamiya!’

Luke 10:9

Ma wete gogoina 'oina wamiyamiya 'idi tolohalao wa'abihe bwebwe'anedi, ma wete toni 'asao wahegwaedi, wagwae, ‘Yehoba 'ina loina 'i'iunamo ma 'ilatu 'oimiya.’

Luke 16:16

Moisa tuwa, Mosese ma palopitao 'idi loinao 'oimiya simiyamiya 'ana siga Yoni to'abihebabitaiso 'inaoma, ma tuta nage 'oinega 'ana siga nige tetela bwebwe'ana Yehoba 'ina loina weyahina 'abwa 'ahehepwailedi, ma 'ebeloinaina weyahina tomota baibaiwadi ma'idi waiwai sitohotoho ma siluhuluhu.

Luke 9:11

Ma geya sowasowahidi, weyahina boda wasa sihesagoheya, ma Yesuina simulimuliyeya ta sinaoma 'oina. Coinega Yesu 'oidiya 'itagwala ma Yehoba 'ina loina weyahina 'ihe'itediya, ma wete 'adi lohalao 'i'abihe bwebwe'anedi.