Luke 9:1 - Loina Nuahuana

¹ Ta Yesu 'ina topaihowao site tuwelo 'ibwau 'autedima, 'adi loina ma waiwai 'i'ebwaediya, sawasawahidi hi'ahi'a tomota 'oidiyega siula latuhedi, ma wete 'adi lohalao si'abihe bwebwe'anedi.

Luke 9:1 Iomraidhean Croise

Madiu 16:19

Ma wete 'ebeloina galewa 'ana 'ebeso'e ya'ebwaego, ma to'aha bale'uwa 'u'ausiya, galewa wete si'ausi, ma wete 'eguma to'aha bale'uwa 'uso'e galewa wete siso'e.”

Madiu 4:24

Coinega Yesu tetelina 'isaweyaneya Siliya gogonao mabwaiyadi 'oidiya, 'oinega tolohalao mabwaiyadi sitautauyedima 'oina, taudi silohala madouna ma wahidi simuyamuya, ma taudi hi'ahi'a* si'abi hebuwediya, ma taudi 'adi lohala hebwasubwasumo ma wete tobelu, ma Yesu 'i'abi hebwebwe'anediya mabwaiyadi.

Madiu 8:9

Weyahina taugu loina yasanasanapu, ma 'agu toloinao 'idi gwae 'ana tomuliya, ma wete 'igu tolo'alehao yaloinaedi, ma 'eguma 'aigeda 'oina yagwae, ‘Cutauya’, 'itauya tuwa; ma 'eguma 'aigeda 'oina yagwae, ‘Cunaoma’, wete 'inaoma; ma 'eguma 'igu topaihowa 'aigeda yahegwae, ‘Bewa 'upaihowa', 'ipaihowa tuwa.’”

Luke 10:1

Tuta nage mulina, tupwadi wete 'ana tomuliyao 'ihesinuwediya, sebeniti 'adi baibaiwa, ma 'eluwa 'eluwa 'ihesumane nugetediya gogo baibaiwadi 'oidiya, ma 'ane toni'asa si'atububudi Yesu 'ina tauyama 'oidiya weyahina.

Luke 10:19

Coinega wasanapu 'abehega ya'abihewaiwai pwaigomiya ma 'oinega sowasowahimi wahewaiwai 'ada 'alehaina 'ina paihowa mabwaiyana 'oidiya, ma 'eguma mwata bo ganihana wabasa yahidi, sahena wamatamatauta, weyahina gesowana to'aha si'abihe galegomi.”

Yoni 14:12

Bewa tuwa 'oimiya yahepwaila dumwalu, 'eguma taiyawedi 'omi wahemisaegau nata paihowaedi waiwaidi yapaihowediya, 'omi wete gidemusa wapaihowa 'esedi. Ma wete tuta muliya 'oina 'imi paihowa waiwai hedadena wa'abi latuhedi, weyahina taugu yatautauya Tamagu 'oina.

Paihowa 1:8

Ma 'omi hesi 'abwa Yaluyaluwa Tabuna 'inaowa 'oimiya ma 'i'abihe waiwaiyegomi, ma taugu weyahigu wahetohepwaila Yelusalema 'oina, ma Yudiya ma Sameliya gogonao mabwaiyadi 'oidiya, ta wete gogo gabulena mabwaiyana 'oidiya.”

Paihowa 3:16

Coinega Yesu saninega loheya bewa 'ibwebwe'ana pwaiya. Loheya bewa wa'iteya ma wasanapuya, ma Yesu sanina 'ihemiseya, 'oinega matamiya 'ibwebwe'ana moisa ma 'ihewaiwaiya.

Paihowa 4:30

Ta wete 'ino waiwaiyega tolohalao 'uda 'abihe bwebwe'anedi, ma 'ila'ilalao ma hedehedede 'uda gihelatuhedi, 'ino hewali hesihesinuwaina, sanina Yesu 'oinega.”

Paihowa 9:34

Ma Pita 'ihegwaeya, 'igwae, “Iniya, Yesu Keliso 'igihe bwebwe'anego, 'oinega 'utoholo ma 'ino sita 'u'atububudi.” Ta 'itoholo mwayamwayauwa.