Luke 8:3 - Loina Nuahuana

³ ma wete Yowana, tauna Kusa mwanena, Kusaina Helodi 'ina topaihowa, ma wete Susana, ma wete tupwadi wahiwahine mahetediyao. Wahiwahineyedi taudi 'idi tobwatobwa 'oidiyega Yesu ma'iyanao si'itayahidiya.

Luke 8:3 Iomraidhean Croise

Madiu 14:1

Tuta nage 'oina Helodi, tauna Galili 'ana toloina, Yesu 'ina paihowa wasana 'ihesagoheya,

Madiu 14:3

Weyahina mwalo Helodi Yoni 'i'abiyahiya, ma 'ipaiya, ma deliya 'ilaguya. Ma Yoni 'ana 'abiyahina huhuna beno 'aigeda wahine sanina Helodiyasa, beno Helodi tasina Pilipi mwanena,

Madiu 14:6

Muliyetega Helodi 'ina sabwelo li'u 'ana 'ebe nuwatuhu yahina guyaina 'oina boda si'autama, ma Helodiyasa natuna wahinena boda matadiya 'isobusobu, ma Helodi 'i'abihe yaliyayeya.

Madiu 2:11

Gwamaina silobeya ma siluhuwa hadai ma gwama sinana Meli ba'idana si'itediya, ma si'etuluha gwamaina 'oina. Wete helauwedi si'ewedima ma gwamaina 'oina silagudiya, beno goula ma 'inisenisi ma wete mulo.

Madiu 20:8

“Coinega boi hohau 'oina tanoha toniwagana 'ina paihowa 'ana to'itayahi 'ihegwaeya, 'igwae, ‘Topaihowao mabwaiyadi 'ubwauwedima ma 'adi maisa 'u'ebwaedi, taudi tonaoma hauhaudi 'oidiyega 'uhegaina ma 'adi maisa 'u'ebwa'ebwaedi, ma 'ana siga taudi sabwelo mabwaiyana 'oina sipaihoweya.’

Madiu 25:40

“Coinega yagwae 'oidiya, ma yagwae, ‘Moisa, 'eguma taiya 'owa 'iyagwao 'i'iudi 'aigeda 'oidiyega 'u'abihete, beno taugu wete 'u'abihetegau.’

Madiu 26:11

Toheweweloheyedi wagwaegwaenedi tuta mabwaiyana simiyamiya deimiya, ma hesi taugu geya tuta dudulena ba'idamiu tamiyamiya.

Madiu 27:55

Wahiwahine wete tupwana bwagebwagega si'e'ebubuna, taudi mwalo Galiliyega Yesu sihemuli tabubuweyama, ma 'ana sipaipaihowa.

Luke 24:10

Tohepwailaedi taudi Meli Magidala ta Yowana ta hali Meli, tauna Yemesa sinana, ma wete tupwadi wahiwahine ba'idadiyao, Yesu 'ina toholo hila weyahina 'ina topaihowaowedi sihegwaediya,

Yoni 12:6

Yudasa 'ina gwae geya 'abehega moisa wewelohe weyahidi 'ihehegwaegwae, ma hesi tauna tuwa weyahina 'ihehegwaegwae. Tauna tuwa toyagaha 'aigeda ma Yesu 'ana tomuliyao 'idi mane 'ana to'ita yahina tauna. Coinega 'idi maneina 'i'ita'ita yahi ma maneinaina 'oinega 'iyagayagaha.

Paihowa 13:1

Casa Anitioki 'oina, tohekalesiyao 'idi palopitao ma tohe'itao bewa: Banaba ma Saimoni (tauna sibwauweya Dubaduba) ma Lusiyasi (tauna gwama Sailini) ma Manaeni (tauna kini Helodi 'ana yaso 'aigeda) ta wete Saulo.

2 Kolinita 8:9

Comi 'ida Bada Yesu Keliso 'ina helau wasanapuya, tauna 'ina wasawasa madouna 'i'ebesineya ma 'iheweweloheya sabi 'abihetegomi, ta 'abehega 'ina hewewelohe 'oinega 'omi wahewasawasa.

Pilipai 4:22

Ma tohekalesiyao taudi Sisa 'ina hada sipaipaihowa, ma tohekalesiyao mabwaiyadi wete 'idi helau 'oimiya.

1 Timoti 5:10

ma tomota matadiya mumugadi dumwaluna, weyahina natudiyao 'adi 'itayahina 'oina sipaihowa bwaibwaina ma wete taumanao ta tohekalesiyao 'adi 'abihetena 'oina, wete tomiya mwau silemedi ma si'atemuyamuyaedi, beno 'ilobwainediya ma tohekalesiya 'oidiya siluhu, ma tohekalesiyaowedi 'oidiyega 'adi lema, nana 'e'ahai, bo 'ale'o si'ewa.