Luke 7:2 - Loina Nuahuana

² Gogoina 'oina tolo'alehao taudi meLoma 'adi tohanugeta 'aigeda ma'ina hewali simiyamiya. Ma 'ina hewaliina 'ihelau bwaibwaineya, ma tuta nage 'oina 'ilohala madouna, ma 'i'iuna ma 'i'amasa.

Luke 7:2 Iomraidhean Croise

Madiu 27:54

Ma tolo'alehaowedi ma'idi tohanugeta saugenina Yesu kelose 'oina si'ita'itayahiya, mwani'ini'i ma ginaula mabwaiyana si'itediya, ta simatauta madouna, sigwaeya, “Moisa, loheya bewa Yehoba Natuna.”

Luke 23:47

Nage 'oina tolo'alehao 'adi tohanugeta 'i'iteya Yesu yawasina 'igumwala, 'oinega Yehoba 'ihepwatuweya 'igwaeya, “Moisa, loheya bewa loheya bwebwe'ana.”

Luke 7:1

Ma Yesu 'ina gwae tomota 'oidiya 'igumwala, ma 'ilatuwa 'itauya Kapaneumi 'oina.

Luke 7:3

Ma toloinaina Yesu 'ina naoma wasana 'ihesagoheya, ta meYudiya 'idi babadao tupwadi 'ihetunediya Yesu 'oina si'ahwanoi ma 'abehega Yesu 'inaoma ma 'ina hewaliina 'i'abihe bwebwe'ane.

Luke 8:42

ma natugu 'ilohala madouna 'u'abihe bwebwe'ane. Tauna tuwa natugu 'aigeda tuwa, 'ana bolime tuwelo, hadai 'i'eno'eno, tuta 'i'iuna ma 'i'amasa.” Coinega ba'idana sitauya. Ma Yailo mahetena 'edai sitautau ta boda madouna simuliyediya, siheheduidui.

Paihowa 10:1

Ma 'asa Sisaliya 'oina 'aigeda loheya sanina Konilio 'imiyamiya, tauna meLoma tolo'alehao 'adi baibaiwa handeledi 'adi tohanugeta, boda Itali 'oinega,

Paihowa 10:7

Aneloseina 'ina gwae 'igumwala ma 'itauya, ta Konilio 'ina topaihowao 'eluwa 'ibwauwedima ta 'ina tolo'aleha 'aigeda, tauna wete Yehoba 'ana tohe'asisi madouna. Taudi sitetoiyedi 'ana tolemao bwebwe'adi.

Paihowa 22:26

Ta tohanugetaina Paulo 'ina gwae 'ihesagoheya, 'oinega 'ilomwayamwayau ta 'itauya 'idi boda 'aleha 'ana toloina 'oina, ma 'ihegwaeya, “To'aha 'abehega 'uda paihowa? Loheya bewa tauna gwama Lomaina!”

Paihowa 23:17

Ta Paulo tolo'alehao 'idi tohanugeta 'aigeda 'ibwauweyama, ta 'ihegwaeya. “Hewali bewa 'utauye boda 'aleha 'ana toloina 'oina ma to'aha 'ina nuwatuhu 'ihepwaila 'oina.”

Paihowa 27:1

Ta siloina pwaiya 'abehega Itali 'oina 'atauya, 'oinega Paulo ma tupwadi paipaidi wete ba'idanao sitagwalediya Sisa 'ina tolo'alehao 'adi tohanugeta 'oina, sanina Yuliyasi, ma 'ane 'ima 'adau 'oina 'i'itayahidi.

Paihowa 27:3

Gona 'i'adaleya ta Saidoni 'oina 'asohota, ta Yuliyasi Paulo 'i'atemuyamuyaeya ta 'itagwaleya ma 'itauya 'iyanao 'oidiya, ma si'itayahi.

Paihowa 27:43

Ta 'adi tohanugetaina nuwanuwana ma Paulo 'i'abihete, 'oinega 'i'ausidiya, 'abehega sahena silolohe 'amasidi. Ma hesi 'iloinaedi taudi sowasowahidi ma sitube nugeta ma 'oya'oya weyahina sitube,

Kolose 3:22

Comi topaihowao wete 'imi babadao bale'uwa 'idi gwae wahematamatanedi nuwatuhu mabwaiyadi weyahidi. Ma sahena sigwaegwae yahigomi 'abwa wapaihowa ma'imi hohobiga, ma 'oinega 'abehega wa'abi heyaliyayadi. Ma hesi sauga baibaiwana ma'imi tagwala Yehoba 'ana he'asisiyega.