Luke 4:23 - Loina Nuahuana

²³ Coinega 'ihegwaediya, 'igwae, “Hesi yasanapugomiya weyahina nata gwae hegehegediyega wahegwaegau ma wagwae, ‘Cowa to'abihe bwebwe'ana, 'oinega 'uboi 'u'abihe bwebwe'anigo.’ Ma wete nata 'imi gwae 'aigeda 'oinega wahegwaegau ma wagwae, ‘Paihowaedi waiwaidi gogo Kapaneumi 'oina 'upaihowediya, gide wete 'upaihowa 'esedi 'ebwa 'ida gogo bewa 'oina.’

Luke 4:23 Iomraidhean Croise

Madiu 13:54

ma 'ihila 'ina 'asa, ma 'idi Hada tapwalolo 'oina 'iluhuwa ma 'ihe'itediya, ma tomota nuwadi 'ihenainaida ta sigwaeya, “Loheya bewa ta'ehega 'oinega 'ina sanapu ma 'ina paihowa waiwaidi 'i'ewa'ewadi?”

Madiu 4:13

Coinega Nasaleta 'i'ebesineya ma 'ilo'asa Kapaneumi holai, beno susu Sebuloni ma Napitalai 'idi bale'uwa.

Madiu 4:23

Yesu Galili mabwaiyana 'isakowasiyeya, ma 'idi hada tapwalolo 'oidiya 'ilohatotowa, ma tetela bwebwe'ana Yehoba 'ina loina weyahina 'ihehepwaila, ma wete tomota 'adi lohalao 'oidiyega 'i'abi hebwebwe'anediya mabwaiyadi.

Maki 6:1

Yesu ma'ana tomuliyao 'asa nage si'ebesineya ma sihilama 'ina 'asa.

Luke 2:39

Ma paihowa mabwaiyana silosaloha pwaidiya, to'aha gide Yehoba 'ina loina, ma sihila Galili 'oina, weyahina taudi meNasaleta.

Luke 2:51

Coinega mahetenao sihila Nasaleta, ma nobwa 'idi gwae 'ihemata matanediya. Ma hesi sinana ginaula bewa weyahidi 'inuwanuwatuhu madouna.

Luke 4:16

Ma muliyetega Yesu 'inaoma Nasaleta 'oina, tauna nage 'ina gogo moisa. Ma Sabati 'oina Yesu 'iluhuwa hada tapwalolowa, mumugana gidemusa. Coinega 'itoholowa ma Buki He'asisi 'ihasili,

Luke 4:31

Ma muliyetega 'idobiya Kapaneumi 'oina, beno Galili tupwaina, ta nobwa Sabatiya tomota 'ihe'itediya.

Luke 4:35

Ma Yesu 'iloinaeya ma 'igwae, “Culolagu, ma loheya beno 'oinega 'ulatu.” Ta dumwadumwaluna boda matadiya hi'ahi'aina loheya 'iulaeya bale'uwa ta 'oinega hi'ahi'a 'ihapwesa, ma geya 'aigeda hesilae loheyaina 'iloba.

Luke 6:42

Coinega sahena haletau 'uhehegwae ma 'ugwae, ‘Haletagu, 'ilobwainegau ma 'aiwe tupwatupwana matauwega ya'ewayahule,’ weyahina 'owa wete 'etupwa madouna matauwa 'imiyamiya geya 'u'ita. Moisa 'owa 'aigeda to'abo, 'awa? Ma hesi 'etupwa matauwa 'u'ewayahule nugeta, ma 'oinega 'u'ebubuna bwaibwaina, ma muliyetega haletau matanega 'aiwe tupwatupwana 'u'ewayahule.

Yoni 4:28

Ma hesi wahineina 'ina 'ebe goi 'i'ebesineya ma 'itauya 'asai, tomota 'ihegwaediya 'igwae,

2 Kolinita 5:16

Mwalo, 'igu nuwatuhu 'abehega Keliso loheya galana ma hesi yanuwabui pwaiya, 'oinega sahena tahesihesinuwa tomota 'oidiya 'abehega bwebwe'adi bo galadi, beno mebale'u 'idi nuwatuhu gide,