Luke 3:1 - Loina Nuahuana

¹ Toloina madouna Sisa, sanina Taibiliya, tauna 'iloiloina bolime pipitini 'oidiya, ma gabulena Ponitio Pailato tupwa Yudiya 'ana toloina, ma Helodi tupwa Galili 'ana toloina, ma tasina Pilipi tupwa Ituliya ma Tilakoniti 'adi toloina, ma Lisaniya tupwa Abiline 'ana toloina.

Luke 3:1 Iomraidhean Croise

Madiu 14:1

Tuta nage 'oina Helodi, tauna Galili 'ana toloina, Yesu 'ina paihowa wasana 'ihesagoheya,

Madiu 14:3

Weyahina mwalo Helodi Yoni 'i'abiyahiya, ma 'ipaiya, ma deliya 'ilaguya. Ma Yoni 'ana 'abiyahina huhuna beno 'aigeda wahine sanina Helodiyasa, beno Helodi tasina Pilipi mwanena,

Madiu 14:6

Muliyetega Helodi 'ina sabwelo li'u 'ana 'ebe nuwatuhu yahina guyaina 'oina boda si'autama, ma Helodiyasa natuna wahinena boda matadiya 'isobusobu, ma Helodi 'i'abihe yaliyayeya.

Madiu 22:17

Coinega bewa tuwa 'uhegwaemai, togidega sawasawahina ma kini Sisa weyahina takesi talagu, bo geya?”

Madiu 27:2

Coinega Yesu nimana sipaidiya ma sitauyeya toloina madouna Pailato 'oina, ma 'abehega Pailatoina 'ida loina.

Maki 6:17

Weyahina mwalo Helodi Yoni 'i'abiyahiya ma deliya 'ipaiya, ma Yoni 'ana 'abiyahina lamuna beno wahine 'aigeda sanina Helodiyasa, beno Helodi tasina Pilipi mwanena ma Helodi 'i'eweya, ta ba'idana sihaiya.

Maki 6:21

Eeta Helodiina 'ina sauga li'u 'ana sabwelo 'ilatuwa ma Helodiyasa 'eda'eda 'inuwalobeya Yoni 'ana lohe'amasa weyahina. Sabwelo li'u 'ana 'ebenuwa tuhuyahina 'e'ahaina si'atububuya, ma tupwadi taumanao sitoedima 'aiina 'oina. Taumanaedi gabemani 'adi tohanugetao ma tolo'aleha 'adi tohanugetao, ma wete tupwadi Galili 'asaina 'adi babadao.

Luke 13:31

Tuta nage 'oina tupwadi Palisiyao sinaoma ma Yesu sihegwaeya, sigwae, “Bewa tuwa 'ulomwayamwayau ma 'udena, tabu ma Helodi 'ilohe'amasigo!”

Luke 2:1

Yoni 'ina tuta hesedaseda 'oina toloina 'aigeda madouna sanina Sisa Ogusito 'imiyamiya, ma 'ina loina 'ilaguya ma 'abehega gogo 'aigeda 'aigeda tomotaedi sanidiyao sileledi.

Luke 23:24

'oinega Pailato 'oidiya 'itagwala ma Yesu sida 'abihekelose.

Luke 3:19

ma wete Yoniina toloina sanina Helodi 'i'ahwa galagalaeya, 'igwaeya, “Helodi 'upuiya. Helodiyasa tauna tasiu mwanena, ma 'uhaiya.” Ma tupwana wete Helodi 'ino puiyao tauna Helodiina 'oina 'ihepwailediya.

Luke 9:7

Ma hesi Helodi, tauna Galili 'ana toloina, ginauledi bewa silatulatu tetelidi 'ihesagohediya, ta nuwana 'ihenainaida madouna weyahina tupwadi tomota sigwaeya, “Yoni to'abihebabitaiso 'abehega 'amasega 'itoholo hila,”

Paihowa 23:26

“Yauwedo 'owa gabana 'uhane hedada Pilikesa 'oiuwa, taugu Kolodiu Lisiyasi 'oiguwega.

Paihowa 24:27

ta 'ana siga bolime 'eluwa sigumwala, ta Posiu Pesito Pilikesaina 'ihemiyalaeneya. Ta Pilikesa nuwanuwana meYudiya tauna si'ahwa bwebwe'ane, 'oinega 'iloina ma Paulo deliya tuwa 'imiyamiya.

Paihowa 26:30

Ta kini mamwanena Belinisi ma gabana ma tomiyatoi mabwaiyadi sitoholowa ta silatuwa,

Paihowa 4:27

“Moisa gogo bewa 'alona si'eto'autama ma Yesu si'aleha, tauna 'ino hewali dumwaluna ma hesihesinuwaina, taudi to'alehaowedi beno Helodi, ma Ponitio Pailato, ma meYudiya ma wete taudi geya meYudiya,