Luke 23:3 - Loina Nuahuana

³ Coinega Pailato Yesu 'ihesilaleya, 'igwaeya, “Togidega, 'owa meYudiya 'idi kini, wa?” Ta 'ihegwaeya, 'igwae, “Beno 'ugwae pwaiya.”

Luke 23:3 Iomraidhean Croise

Madiu 27:11

Coinega Yesu Pailato matana sihetoholoya, tauna toloina madouna, ma Pailatoina Yesu 'ihesilaleya, 'igwae, “Cuhepwaila, 'owa meYudiya 'idi kini, 'awa?” Ma Yesu 'igwaeya, “Beno 'ugwae pwaiya.”

Maki 15:18

Ma sihe'aleya lotuyanega siloyauwedoweya, ma sihegwaeya, “Yauwedo, 'owa meYudiya 'idi kini baa!”

Maki 15:2

Coinega Pailato Yesu 'ihesilaleya ma 'igwae, “Cuhepwaila, 'owa meYudiya 'idi kini, 'awa?” Ma Yesu 'igwaeya, “Beno 'ugwae pwaiya.”

Maki 15:32

Tauna 'abehega To'abihetenaina ma tupwa Isileli 'ana toloina, hana keloseina 'oinega 'ida suluma ma tada 'ita ma 'ane tahemisae.” Ma wete toyagahaowedi Yesu ba'idanao si'abihe kelosediya, taudi 'adi kelose 'oidiyega sibwau baleya eema siheliyeya.

Luke 22:70

Coinega mabwaiyadi sigwaeya, “Cawa, tomada! Cowa Yehoba natuna?” Coinega 'idi gwae 'ihemaiseya, 'igwae, “Beno wagwae pwaiya.”

Luke 23:38

Ma wete 'ana kelose pwatana 'ina 'amasa huhuna sileleya, 'igwaeya, “Loheya bewa meYudiya 'idi kini.”

Yoni 1:49

Coinega Nataniyela Yesu 'ihegwaeya 'igwae, “Cinapwana, 'owa moisa Yehoba natuna. Ma wete 'owa meIsileli 'ima kini.”

Yoni 18:29

Beno 'oinega Pailato 'ilatuwa 'atamana ma 'ihesilalediya 'igwae, “Togidega 'imi nuwatuhu loheya bewa 'ana he'ewa weyahina, hana wagwae ma yahesagohe.”

Yoni 19:3

Coinega sinaowa deina ma sigwae lotuyaneya, sigwae, “MeYudiya 'idi kini yo, yauwedo.” Ma wete nimadiyega sisapiya.

1 Timoti 6:13

Cowa Timoti yaloinaego Yehoba matana, tauna ginaula mabwaiyana yawasidi 'ana to'ebwaya, ma wete Yesu Keliso matana, tauna mwalo Ponitio Pailato 'oina gwae moisega 'igwaeya.