Luke 2:11 - Loina Nuahuana

¹¹ Ma wasaina bewa, nige hinuwanaina Debida 'ina 'asa, 'ami To'abihetenaina 'ili'uwa, Tauna 'ida Bada Keliso.

Luke 2:11 Iomraidhean Croise

Madiu 1:16

Yakobo natuna Yosepa, tauna Meli mwanena, ma Meliina natuna Yesu. Yesu tauna sihesaniyeya To'abihetena.

Madiu 1:21

Ma 'abwa natuna meloheyana 'ihenatune, ma 'uhesaniye sanina Yesu, weyahina tauna 'ina tomotaiyao 'idi pui 'oidiyega 'abwa 'i'abihetedi.”

Madiu 16:16

Coinega Saimoni Pita 'ihemaiseya 'igwae. “Cowa To'abihetena, Yehoba mayawasina Natuna.”

Madiu 16:20

Eeta Yesu 'ana tomuliyao 'iloina pa'alediya, 'igwae, “Sahena 'aigeda taiya 'oina wahehepwailegau 'abehega taugu To'abihetenaina.”

Luke 1:43

Ma to'aha weyahina 'owa 'igu Bada sinana ma 'unaoma 'ubo'ebo'enegau?

Luke 1:69

Coinega 'ina hewali Debida 'ina susuwega 'ada To'abihetenaina 'i'abi latuheya 'oida.

Luke 2:26

Ma Yaluyaluwa Tabunaina 'ihe'iteya ma 'abehega sahena 'i'ama'amasa ma 'ana siga To'abihetenaina Yehoba 'oinega 'i'ita nugeta.

Luke 2:4

Yosepa wete Nasaletega 'itoholowa, beno Galili 'alonega, ma 'itauya Yudiya, Debida 'ina gogo sanina Bedeliyema 'oina, weyahina Yosepa tauna Debida 'ina susu 'aigeda.

Yoni 1:41

Anduluina tasinaina Saimoni 'inuwatuhuya, 'oinega 'itauya tasinaina 'ibesa mwayamwayauweya, ma 'ilobeya, ma 'ihegwaeya 'igwae, “Mesaiyaina 'alobeya.” (Mesaiya* 'ana bui Keliso, beno 'ena Gilisi. Ma 'ana sanapu To'abihetena.)

Yoni 1:45

Muliyetega Pilipi Nataniyela 'ilobeya, ma 'ihegwaeya 'igwae, “Nataniyela, loheyaina sigwaegwaeneya 'alobeya. Tauna mwalona Mosese 'ina buki 'oina weyahina 'ihehegwaegwae. Palopitao 'idi lele 'oidiya wete weyahina sihegwaegwaeneya. Tauna tuwa Yesu, tamana Yosepa, Nasaleta loheyaina.”

Yoni 11:27

Ta Malida 'igwae, “Cinapwana, yahemisaegowa 'abehega 'owa To'abihetenaina, Yehoba natuna, gogo gabulena bewa 'oina 'utauyama.”

Yoni 20:31

Ma hesiyage hisadimo tuwa bewa yalelediya ma 'oinega wahasilidi ma Yesu wasanapu ma wahemisae 'abehega tauna moisa To'abihetena Yehoba natuna. Ma 'oinega Yesu saninega yawasimi miyamiya hatayana waloba.

Yoni 4:25

Coinega wahineina Yesu 'ihegwaehileya, “Yasanapuya 'abehega 'abwa nata To'abihetenaina 'itauyama, tauna sibwauweya Keliso. Tauna nata 'itauyama 'abwa ginaula mabwaiyana 'oida 'ilihasidi.”

Yoni 4:42

Eeta wahineina sihegwaeya sigwae, “Moisa tuwa 'ino gwaeina geya 'u'abo. Ta geya 'abehega 'ino gwaemo 'oidiyega ma 'ahemiseya, weyahina tauma 'aboi wete 'ina gwae 'ahesagohediya ma 'asanapuya 'abehega moisa tauna tuwa Tolemaina gogo gabulena mabwaiyada weyahida.”

Yoni 6:69

Ma wete tauma 'ahemisaegowa 'abehega 'owa To'abihetenaina Yehoba 'oinega 'utauyama.”

Yoni 7:41

Ma tupwadi sigwae, “Tauna tuwa To'abihetenaina.” Ma tupwadi wete sigwae, “Moisa wanuwatuhuya 'abehega To'abihetenaina Galili 'oinega 'itauyama? Cana 'ita geya sowasowahina.

Paihowa 10:36

Ma To'abihetena Yesu tauna mabwaiyada 'ida Bada, ta Yehoba 'ina wasa bwebwe'ana 'i'ebwaeya Yesuina 'oina, tauma meIsileli 'ima 'ebe yaliyaya weyahina. Ma 'omi wasaina wasanasanapu,

Paihowa 13:23

Ta Debida 'ina susuwega, Yehoba tauda meIsileli 'ida To'abihetena Yesu 'i'abilatuheya, gidemusa mwalona 'ihepwaila nugeteya.

Paihowa 17:3

ta Pauloina sanapu 'i'ebwaediya, 'igwae, “To'abihetenaina 'ilobwaineya ma muya 'iloba ma 'i'amasa ta wete 'amasega 'itoholo hila.” Ma wete 'igwaeya, “Yesuina yahehepwaile 'oimiya tauna tuwa To'abihetenaina.”

Paihowa 2:36

“Bewa weyahina meIsileli mabwaiyami wasanapu bwaibwaini 'abehega Yehoba Yesu 'i'ahwa bada pwaiyeya ma tauna To'abihetena, tauna Yesuina wa'abihekelose pwaiya.”

Paihowa 5:31

ma 'i'abilagasiya tauna 'ina 'ebeulega 'abehega tauna To'abihetena ma Tohanugeta, ma wete tauna To'abihenuwabui meIsileli tauda weyahida, ma 'oinega 'ida puiyao 'inuwasamudi.

1 Kolinita 15:47

Weyahina loheya nugenugetana Yehoba 'ipaihoweya bale'u 'oinega, ta loheya heluwena galewega 'isuluma.

Pilipai 2:11

ma ta'ahwa moisae 'abehega Yesu Keliso tauna Badaina, ta wete Tamada Yehoba tahepwatuwe.

Pilipai 3:8

Moisa tuwa, 'igu Bada Yesu Keliso 'ana sanapu bwebwe'ana hedada, eeta wasawasa bale'u 'ibwebwe'ana sinediya, 'oinega wasawasaedi ya'ahwa ginaula besobesowediya, eeta Keliso weyahina ginaula mabwaiyadi yaulediya ta ya'ahwa galaediya, weyahina nuwanuwagu Keliso namo,

Kolose 2:6

Bada Yesu Keliso 'oina 'atemi watagwala pwaidiya, 'oinega 'ilobwainegomiya ma tauna 'ina waiwaiyega watautauya.

1 Yoni 4:14

Ma tauma matamega Yehoba Natuna 'a'iteya, ta weyahina 'ahehepwaila 'abehega Tamana 'ihetuneyama bale'uwa 'abehega 'ada To'abihetena.

1 Yoni 5:1

Ceguma mabwaiyada Yesu tahemise 'abehega tauna To'abihetena, tauda Yehoba natunao. Ma wete 'eguma Tamana tahehelauwe, natuna gidemusa tahelauwe.