Luke 18:9 - Loina Nuahuana

⁹ Tomota tupwadi sinuwatuhuya 'abehega taudi dumwaludi ma hali tomota geya, 'oinega Yesu 'igwae hegehegediyediya bewa gide,

Luke 18:9 Iomraidhean Croise

Luke 10:29

Ma loheyaina 'ina nuwatuhu 'abehega tauna todumwalu, 'oinega Yesu wete 'oina 'ihesilala hila, “Taiya hede 'iyagu?”

Luke 15:2

Coinega Palisiyao ta loina 'ana tohe'itao silomugiyeya, sigwae, “Loheya bewa togalao 'i'ahwa 'iya'iyaguwediya ma wete mahetenao si'ai'ai.”

Luke 16:15

Coinega Yesu Palisiyaowedi 'oidiya 'igwaeya, “Comi wanuwatuhuya 'abehega mumugami bwebwe'ana tomota matadiya, ma hesi galana mabwaiyana 'atemiya Yehoba 'isanasanapudi, weyahina ginaulaedi tomota nuwadi si'eweya, Yehoba 'ilogwahatediya.

Luke 18:11

Coinega Palisiina 'itoholowa ma 'i'ahwanoiya, 'igwae, ‘Yehoba yo, yaloyauwedo 'oiuwa weyahina taugu geya gide 'iyagwao mumugadi, weyahina taudi toyagaha hedade, ma 'abo'aboidi, ma lologwalidi, ma wete taugu geya gide takesi 'ana to'ewa nage.

Luke 19:7

Nage 'oina tomotaedi ginaula bewa si'iteya, ma silomugiyeya, sigwaeya, “Togidega ta Yesu 'iluhuwa togala 'ina hada?”

Luke 7:39

Coinega Palisiina 'iboinamo 'oina 'inuwatuhu dahwana 'igwaeya, “Loheya bewa, 'eguma tauna palopita, 'ida sanapu wahineina 'i'abi'abitoho 'abehega tauna togala.”

Yoni 8:48

MeYudiyaedi 'idi 'inapwanao Yesu 'ina gwaeina sihemisaeya, sigwae, “Mwalona 'ima gwae weyahiu, 'ana moisa 'ilatu pwaima. Weyahina 'agwaeya 'abehega 'owa Sameliya loheyaina, ma wete hi'ahi'a* 'oiuwa 'imiyamiya.”

Yoni 9:28

Ma hesi taudi siheliyeya sigwae, “Cowa tuwa 'ana tomuliyaina, taiya hedeyage. Ma tauma Mosese 'ana tomuliyao,

Yoni 9:34

Ta Palisiyedi loheyaina sihegwaeya sigwae, “Cino li'u hauhau 'oinega 'itauyama 'owa 'aigeda topui. Ma bewa 'abehega 'utohotoho ma 'uhe'itemai, 'awa? Taiya 'owa nigeyage?” Coinega loheyaina hada tapwalolo 'oinega sipa'iya ma 'ilatuwa.

Paihowa 22:21

“Ta Badaina 'ihegwaegauwa, 'Bewa 'oinega 'ulatu, ma nata yahewasaego ma 'utauya gogo bwaga 'asa ganamuli, taudi geya meYudiya 'oidiya.’”

Loma 10:3

Cedaina sihemata hwadiyeya, 'oinega siboidimo 'idi nuwatuhu simuliyediya ma 'abehega 'oidiyega Yehoba 'i'ahwa dumwaluwedi, ta si'aipate 'asaya, weyahina Yehoba 'ina nuwatuhuina 'adi 'ahwadumwalu weyahina geya sihemise.

Loma 14:10

Coinega wanuwatuhuyahi ma sahena wagwaegwae hesinuwa bo tasimiyao walolomugiyedi, weyahina tuta 'inaonaoma 'abwa mabwaiyada Yehoba matana tatoholo ma 'iloinaegita,

Loma 14:3

Sahena taudi to'e'uibai sisinasinala to'etala he'asisiyedi 'oidiya, eema to'etala he'asisiyedi wete, sahena to'e'uibaiyedi si'ahwa'ahwa galagalaedi, weyahina Yehoba 'ihesinuwediya 'abehega tauna natunao,

Loma 7:9

Taugu wete gide, mwalo mayawasigu yamiyamiya, geya 'eta wete loina 'oiguwa, ma tuta loina 'oiguwa 'ilatuwa, ee pui 'oiguwa 'ihewaiwaiya,