Luke 18:12 - Loina Nuahuana

¹² Taugu hesi wiki 'aigeda 'aigeda sabwelo 'eluwa 'oidiya 'e'ahai 'oinega yahudihudi, ma wete 'igu tobwatobwa mabwaiyana 'oinega tupwana ya'ebwa'ebwaego.’

Luke 18:12 Iomraidhean Croise

Madiu 5:20

Wete yahegwaegomi 'abehega 'ilobwainegomiya ma mumugami taudi Palisiyao ma loina 'ana tohe'itao 'idi mumuga 'ida bwebwe'ana sinedi. Ma 'eguma geya, sahena Yehoba 'ina 'ebeloina 'oina waluhuluhu.

Madiu 6:1

Wete Yesu 'igwaeya: Ceguma tutaina nuwanuwami ma wahelau taudi towewelohe 'oidiya, sahena tomota matadiya wapaipaihowa. Ceguma gide wapaihowa 'ese, sahena hepwatu nuwana maisa walobaloba Tamamiu galewa 'oinega.

Madiu 6:16

Wete 'eguma tutaina 'oina tapwalolo weyahina wahudi, beno geya sowana wa'ai, sahena manimi 'ilolonohunohu gide tuwa tonuwagala. Ma to'abo 'idi paihowa gide, weyahina taudi 'adi 'ita si'abihegaledi ma 'abehega 'idi hudi tomota sisanapu. Taudi 'adi hepwatu tuta bewamo silobaloba, ma 'abwa geya.

Madiu 6:5

Cimi 'ahwanoi wete gide, 'eguma wa'ahwanoi Yehoba 'oina, sahena to'e'abo'abo gide wa'ahwa'ahwanoi, weyahina taudi nuwanuwadi ma tomota matadiya tapwalolo 'alona nuwana 'asai sitoholo ma si'ahwa'ahwanoi. Moisa 'adi hepwatu tuta bewa tuwa silobaloba, ma tuta 'inaonaoma geya.

Madiu 9:14

Ta Yoni 'ana tomuliyao sinaoma ma Yesu sihegwaeya, sigwae, “Tauma ma Palisiyao 'ima tapwalolo weyahina 'ai 'oinega 'ahudi, ma togidega ma 'oinega 'owa 'a tomuliyao geya sida hudi?”

Luke 11:42

“Ma 'omi Palisiyao hesi 'atemuyamuyaimi! Tuwa 'imi helau bwebwe'ana, weyahina helauina 'ana loina mabwaiyana wa'itayahi bwaibwainiya, 'imi tobwatobwa madoudi ma 'i'iudi 'oidiyega tupwana Yehoba wa'ebwa'ebwae, gide hali pam ma hali pam 'oidiyega. Ma hesi loina tuwa madoudi wanuwanaidediya, beno Yehoba 'ana helau ta wete loina dumwadumwaluna. Sowasowana ginaula bewa madoudi wapaihowadi, ma wete sahena ginaula 'i'iudi wanuwanuwa naidedi.

Luke 17:10

Ma 'omi wete gidemusa, 'eguma tutaina ginaula mabwaiyana wapaihowadi, to'aha gide yaloinegomiya, wagwae, ‘Cehe, tauma tuwa topaihowa, 'oinega to'aha gidemusa 'ama loinaina gide 'apaihoweya, beno gide 'ama lobwaina moisa.’”

Loma 3:27

Ma togidega, sowasowahida bewa ginaulina weyahina tagwae hanehane? Geya! Weyahina 'ida hemisa tuwa 'oinega 'i'ahwa'ahwa dumwaluwegita, ma geya loina 'ana hematamatana 'oinega.

1 Kolinita 1:29

Coinega geya 'eta wete loheya sowasowahina ma 'igwae hane Yehoba matana.

Galetiya 1:14

Coinega 'iyagwao Yudiya 'alona yahewaiwai sinediya, weyahina tubudao 'idi mumuga weyahina yahetapewa madouna ta 'iyagwao 'idi hetapewa tupwana tuwa.

Epeso 2:9

Cida 'abiheteina geya hene 'ida paihowa 'oinega taloba, nata gide tanuwahane 'abehega tauda tuwa 'ida waiwaiyega.

1 Timoti 4:8

Eema ginauledi tapaipaihowedi wahida 'ana 'abi weyahina, beno ginaula bwebwe'ana, ma hesi yaluyaluwada 'ana 'abi ginaula bwebwe'ana hedada, 'i'abihetegita 'ida tuta bale'uwa weyahina, ma wete tuta 'inaonaoma weyahina.