Luke 16:8 - Loina Nuahuana

⁸ “Coinega 'ina badaina 'ina paihowa bewa wasana 'ihesagoheya, ma 'ihepwatuweya, weyahina mebale'u sihewaiwai 'idi wasawasa 'ana paihowa 'oina, ma hesi Yehoba 'ina bodao geya sihewaiwai 'idi paihowao 'asilala weyahina.”

Luke 16:8 Iomraidhean Croise

Madiu 12:32

“Ma 'eguma taiya 'i'ahwa galegalegau taugu Loheyaiguina, Yehoba nata gwaeina 'inuwasam, ma 'eguma taiya Yaluyaluwa Tabuna 'i'ahwa galegale gesowana Yehoba 'inuwanuwasam, tuta bewa 'oina, ma tuta sinaonaoma 'oidiya.”

Madiu 17:26

Pita 'igwaeya, “Hali tomota 'oidiyega.” Ta Yesu wete 'igwae hila, 'igwaeya, “Moisa! Coinega taudi natudiyao geya'abwa sitaketakesi.

Luke 16:10

“Weyahina 'eguma taiya ginaula 'i'iuna 'oina 'ihematamatana, wete ginaula madoudi 'oidiya 'ihematamatana. Ma 'eguma 'i'iudi 'oidiya 'i'abo wete ginaula madoudi 'oidiya 'i'abo.

Luke 16:4

Cinuwanuwatuhu ma 'aigeda 'eda 'inuwalobeya, 'igwaeya, ‘Cehe, bewa gide yapaihowa 'ese ma 'oinega 'iyagwao baibaiwadi yalobadi, 'eguma paihowa bewa 'oinega yalatu.’

Luke 16:7

Ma 'aigeda wete 'iluhuwa ta 'ihesilaleya, 'igwae, ‘Ma 'owa hisa 'a buki?’ Ta 'igwaeya, ‘Ce'ahai 'adi baibaiwa handeledi yabukidiya.’ Coinega tauna wete 'igwaeya, ‘Pepa bewa 'oina 'a bukiina 'ulele ma 'eitimo 'ulagu.’ Ma mabwaiyadi gide 'adi bukiyedi silagu suluhediya.

Luke 18:6

Coinega Yesu wete 'ihegwaediya, 'igwae, “Toloinaina 'ina gwae weyahina wanuwatuhu. Tauna loheya galana ma hesi hiwape 'ilemeya.

Luke 20:34

Ta Yesu 'idi gwae 'ihemaiseya, 'igwaeya, “Wanuwatuhuyahi 'abehega tuta bewa 'oina wahine ma loheya sihaihai,

Luke 20:35

ma hesi tuta 'inaonaoma 'oina 'eguma wahine ma loheya sowasowahidi ma 'amasega sitoholo hila nata geya'abwa wete sihaihai.

Yoni 12:36

Coinega tuta bewa 'oina watoho ma maedanaina 'ina miyana 'oimiya wahemisae ma 'oinega 'omi maedanaina natunao ma maemaedanimi.” Yesu 'ina gwae bewa 'oidiya 'igumwala, ma 'itauya, eeta 'oidiyega 'i'waiha.

1 Kolinita 3:18

Gesowana taiya 'owa 'uboi 'u'abowego 'abehega 'owa 'aigeda tosanapu, weyahina 'eguma bale'u bewa 'ana sanapumo 'usanapuya, 'ilobwainegowa ma sanapuina 'ulogwahate ma 'oinega sanapu moisa Yehoba 'oinega 'uloba.

Epeso 5:8

weyahina 'omi guguyou mwalo 'oinega wahabala pwaima Yehoba 'ina 'asilala 'oina, 'oinega ma'imi mumuga 'asi'asilalaina wapaipaihowa,

Pilipai 3:19

Taudi nata 'abwa 'ebelosaloha 'oina sihesilae, weyahina 'idi hemisa gamwa seseha weyahina, ma nuwatuhu 'ebe debamwadinao sihehepwatuwedi, weyahina nuwatuhu bale'umo nuwanuwadi.

1 Tesalonaika 5:5

Weyahina 'omi maedana 'oina wamiyamiya, 'oinega maedanega tatauya, ma sahena guguyou 'ina 'edega.

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

1 Yoni 3:10

Coinega taudi ta'inanadi 'abehega taiyawedi Yehoba natunao, ma taiyawedi Tomudulele natunao, weyahina taudi Tomudulele 'ina boda geya'abwa sipaipaihowa dumwalu, weyahina geya sili'u Yehoba 'oinega, ma wete geya'abwa sihelau matasidiyao.