Luke 16:3 - Loina Nuahuana

³ “Coinega topaihowaina 'inuwatuhuwa ta 'igwae, ‘Togidega nata yapaihowa 'esa, weyahina 'igu badaina 'ilogwahategauwa? Geya sowasowahina ma yatanoha paihowa, ma wete debamwadina 'eguma yatautauya tomota 'oidiya, 'e'ahai weyahina yalo'ahwa'ahwanoi.’

Luke 16:3 Iomraidhean Croise

Madiu 20:8

“Coinega boi hohau 'oina tanoha toniwagana 'ina paihowa 'ana to'itayahi 'ihegwaeya, 'igwae, ‘Topaihowao mabwaiyadi 'ubwauwedima ma 'adi maisa 'u'ebwaedi, taudi tonaoma hauhaudi 'oidiyega 'uhegaina ma 'adi maisa 'u'ebwa'ebwaedi, ma 'ana siga taudi sabwelo mabwaiyana 'oina sipaihoweya.’

Maki 10:46

Eeta sitautauya Yeliko, ma tutaina Yesu ma'ana tomuliyao Yeliko si'ebesineya boda madouna si'wayabudiya, ta tomata gibugibu sanina Batimiyo silobeya, tauna Timiyo natuna, ma tuta baibaiwana 'eda papalina 'oina 'imiyamiya, 'i'ahwa'ahwanoi mane ta tobwatobwa weyahidi.

Luke 12:17

Eeta loheyaina 'iboinamo 'inuwatuhu dadana, ma 'igwaeya, ‘Celi'eli madouna ta 'igu hada 'e'ahai geya sowasowahina. Coinega to'aha yapaihowa?

Luke 16:2

Coinega, towasawasaina 'ina topaihowaina 'ibwauweyama, ma 'ihegwaeya, 'igwae, “Hepwaila galadi weyahiu yahesagoheya 'oinega bewa tuwa 'igu tobwatobwa 'adi pepao 'u'ebwae hilegau, ma 'oiguwega 'ulatu.”

Luke 16:20

Ma Lasalo wewelohena ma lobwe'abwe'aina, 'oinega Lasaloina towasawasaina hada 'ahwa'eda 'oina 'imiyamiya,

Luke 16:22

Ma tutaina Lasalo 'i'amasa aneloseyao sitoeya ta Ebalahamo deina silaguya tobwebwe'ana 'idi tupwa. Ma muliyetega wete towasawasaina 'i'amasa ma sigaliheya,

Luke 16:4

Cinuwanuwatuhu ma 'aigeda 'eda 'inuwalobeya, 'igwaeya, ‘Cehe, bewa gide yapaihowa 'ese ma 'oinega 'iyagwao baibaiwadi yalobadi, 'eguma paihowa bewa 'oinega yalatu.’

Luke 18:4

“Tuta 'aigeda 'aigeda gide 'ina paihowa, ma toloinaina genuwana ma 'ileme. Ta 'aigeda tuta 'oina toloinaina 'ilowahi'wata, 'oinega 'iboinamo 'oina 'igwaeya, ‘Tuwa Yehoba geya yamataute ta wete loheloheya geya yada he'asisiyanediya,

Yoni 9:8

Muliyetega loheyaina 'iyanaowedi ma wete tomotaedi taudi loheyaina sisanapuya 'abehega tauna tolo'ahwa'ahwanoi ta sigwae, “Tauna bewa tolo'ahwa'ahwanoi hedahedada sauga mabwaiyana 'imiyamiya ma 'ilolo'ahwa'ahwanoi, 'awa?”

Paihowa 3:2

Ma Hada He'asisiina 'ana 'ahwa'eda sihesaniyeya Causalana deina topeu 'aigeda 'imiyamiya, tauna 'ina tuta li'u 'oinega ma'ina peu, 'oinega 'iyanao sabwelo 'aigeda 'aigeda 'oidiya si'ewe'eweyama 'ahwa'edaina 'oina ma 'ilo'ahwa'ahwanoi 'ina mane bo 'ina tobwatobwa weyahidi, Hada He'asisi 'ana toluhuwao 'oidiya.

Paihowa 9:6

Ma hesi 'utoholo ma 'uluhu 'asai ma nobwa 'a hemataluwa 'uhesagohe ma 'abehega 'upaihowa.”

2 Tesalonaika 3:11

Tetelimi 'ahesagoha pwaiya tupwadi 'oimiyega silowahi'wata ma geya simiya hohobiga ma sipaihowa.