Luke 15:2 - Loina Nuahuana

² Coinega Palisiyao ta loina 'ana tohe'itao silomugiyeya, sigwae, “Loheya bewa togalao 'i'ahwa 'iya'iyaguwediya ma wete mahetenao si'ai'ai.”

Luke 15:2 Iomraidhean Croise

Madiu 11:19

Ma taugu Loheyaiguina yanaoma ma ya'ai'ai ma yanumanuma, ma wete weyahigu walolomugi, wagwaegwae, ‘Loheyaina to'ai ma tonuma hedahedade, ma topui takesi 'ana to'ewao ma topui baibaiwadi 'ihe'iya'iyaguwedi.’ “Ma taudi tosanapu moisa 'abwa 'idi paihowa bwebwe'adi 'oidiyega sanapu moisa 'ilatulatu.”

Madiu 9:11

Coinega tupwadi Palisiyao si'iteya ma Yesu 'ana tomuliyao 'oidiya sihesilala, sigwae, “To'aha weyahina 'imi tohe'ita takesi 'ana to'ewao ma wete togala tupwadi ba'idanao si'ai'ai hegogona?”

Luke 15:3

Ta 'idi gwaeina Yesu 'ihemaiseya gwae hegehegediyega, 'igwae,

Luke 19:7

Nage 'oina tomotaedi ginaula bewa si'iteya, ma silomugiyeya, sigwaeya, “Togidega ta Yesu 'iluhuwa togala 'ina hada?”

Luke 5:30

Eeta Palisiyao ta 'idi loina 'ana tohe'itao silolomugi Yesu 'ana tomuliyao 'oidiya, sigwaeya, “To'aha lamuna ma takesi 'ana to'ewao ta wete togala tupwadi mahetemiyao wa'ai hegogona?”

Luke 7:34

Ma hesi taugu Loheyaiguina yanaoma ta ya'ai'ai, yanumanuma, ma wete weyahigu walolomugi, wagwaegwae, ‘Loheya bewa to'ai ma tonuma hedahedada, ma wete takesi 'ana to'ewao ta tupwadi wete topui 'ihe'iya'iyaguwediya.’

Luke 7:39

Coinega Palisiina 'iboinamo 'oina 'inuwatuhu dahwana 'igwaeya, “Loheya bewa, 'eguma tauna palopita, 'ida sanapu wahineina 'i'abi'abitoho 'abehega tauna togala.”

Paihowa 11:3

sigwae, “Togidega ma 'owa 'uluhuwa taudi geya meYudiya 'idi hadai ma ba'idamwao wa'ai?”

Galetiya 2:12

Moisa, 'ina tauya nugetama 'oina 'ina mumuga bwebwe'ana, eeta tohekalesiyao taudi 'asa ganamuli tomotaedi 'i'ahwa 'iya'iyaguwediya ma ba'idanao si'ai'ai, ma hesi muliyetega tupwadi Yemesa 'ina bodao meYudiya sinaoma, ta Pita meYudiyaedi 'imatautediya, eeta 'oinega 'ina 'ai'ai taudi 'asa ganamuli tomotaedi mahetenao 'ilogwahateya, ta 'i'ebesinediya. Beno Pita 'ina pui.

1 Timoti 1:15

Gwae bewa gwae moisa, ma 'ilobwaineya ma tahemisae, weyahina Yesu Keliso bo'i bale'uwa 'itauyama togalaedi sabi 'abihetedi, ma hesi togalaedi mabwaiyadi 'oidiyega taugu tuwa gala hedada.