Loma 2:3 - Loina Nuahuana

³ Ma 'iyagwao, 'omi hali tomota wahehetala piliyedi, 'imi nuwatuhu 'abehega nata geya Yehoba 'ina bwa'omatana walobaloba, ma hesiyage nata wete 'iloinaegomi, weyahina mumugaedi 'omi gide wete wapaipaihowadi.

Loma 2:3 Iomraidhean Croise

Madiu 23:33

“Comi mwata natunao, ta geya sawasawahina ma 'asa 'ala'alatana* 'oinega wadena.

Madiu 26:53

Ma hesi wada sanapu 'abehega sawasawahina yada 'ahwanoi Tamaguina sauga bewa ma 'ida 'ebwaegau 'ina aneloseyao 'idi bodao tausani ma tausaniyao sabi 'abihetegau.

Luke 12:14

Ma Yesu loheyaina 'enana 'ihemaiseya, 'igwae, “Loheya, taugu geya sowasowahigu ma yahetoloina 'ami heguheguyaiina weyahina.”

Luke 22:58

Muliyetega 'aigeda wete loheya Pita 'i'e'ebubuya ta 'ihegwaeya, 'igwae, “Cowa 'aigeda 'ana tomuliyaina.” Ta Pita 'igwaeya, “Ciya! Taugu geya!”

Luke 22:60

Ma Pita 'igwaeya, “Ciyagu, loheyaina weyahina 'ugwaegwae geya yasanapu.” Cabwa 'igwaegwae ma 'am'am meloheyana 'idouwa.

Loma 1:32

Ma hesi tomotaedi Yehoba 'ina loina sisanasanapu, 'abehega 'eguma taiyawedi bewa gide simumuga 'esa, 'amasamo tuwa 'ilobwainediya. Ma tuwa mumuga galaedi sipaipaihowedi, ta 'eguma 'iyadiyao wete sihe'au'aunedi beno si'ahwa bwebwe'anedi.

Loma 2:1

Tasigwao, sahena 'iyamiyao mumugadi weyahina wahehetalapili, weyahina 'eguma 'iyamiyao wahehetala piliyedi ma 'omi wete mumuga 'aigedaina wapaipaihowa, beno waboi tuwa wahehetala piliyegomi.

Loma 2:2

Ma tasanapuya 'abehega Yehoba tauna 'ana lobwaina ma topaihowa galagalaedi 'iloinaedi.

Loma 9:20

Ciyagwao, tauda geya 'ilobwainegita ma Yehoba 'oina tagwae hila, eema 'ebe'ita gide towalata'abi, 'aigeda tuta loheyainaina walata 'i'abidiya, ma 'aigeda walataina 'ihegwaeya to'abiina, 'igwaeya, “To'aha weyahina geya 'u'abigau gide 'iyaguina?”

1 Tesalonaika 5:3

ma 'eguma tomota sigwae, “Cida miya mabwaiyana bwebwe'ana tuwa,” ma muliyetega hesilae taudi 'ilohesalutuidi, gide wahine 'ina 'abihelolo 'ina henatuna 'oina. Coinega nage gide hesilaeina, ma geya sowasowahina sidenasine.

Ibeliu 12:25

Coinega wa'ita yahigomi ma tauna galewega 'igwaegwae 'oida sahena 'enana walologwahate. Weyahina mwalo tomota tupwadi bale'uwa Mosese 'ina lohatoto 'oidiya silogwahateya, ta mwau silobeya. Ma bewa sauga Yehoba galewega 'ilologuguya 'oida, ta 'eguma 'enana talogwahate mwau madou hedade taloba.

Ibeliu 2:3

Tauda wete 'eguma 'abihetenaina madounaina talogwahate, bwa'omatana taloba, ta geya sawasawahina tadenasine. Gwaeina 'abihetenaina weyahina 'ida Bada Yesu 'ihepwaila nugeteya, eeta 'ina gwaeyao 'ana tohesagoha nugetao si'ebwaegita tauda.