1 Timoti 1:4 - Loina Nuahuana

⁴ Ma wete sahena sigwaegwae ma mwalo babadaedi sanidi si'ina'inanadi.” Nata gide he'ahwa panapanawa 'ilatu 'oimiya weyahina he'ote'otetela balaina, sahena tomota si'abihetedi, ma gesowana 'idi hemisa Yehoba 'oina si'abi'abi.

1 Timoti 1:4 Iomraidhean Croise

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

Epeso 3:2

Nuwana mwalo 'igu paihowa tetelina wahesagoheya, ta 'igu paihowaina Yehoba 'i'ebwaegauwa, ma 'abehega tauna 'ina helauwega 'omi 'ami lema waloba.

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

1 Timoti 4:7

Ma he'ote'otetela besobesowedi geya Yehoba 'oinega, sahena 'uhehesagohedi, ma hesi 'utoho waiwai ma tuta mabwaiyana 'umumuga 'ausala Yehoba matana.

1 Timoti 6:11

Timoti, 'owa hesi Yehoba 'ina topaihowa, 'oinega bewa mumugaina 'oinega 'u'itayahigo, ma mumuga dumwaluna 'umuliye, bewa gide 'eda'eda bwebwe'ana ma hemisa ma helau ma 'alama'i'ita ma wete hohobiga.

1 Timoti 6:20

Timoti yo, ginaulaedi Yehoba 'i'ebwaegowa 'u'itayahi bwaibwainidi, ma sanapu 'abo'abodi ma he'ahwa panapanawa besobeso sahena 'umulimuliyedi.

2 Timoti 2:14

Coinega Yehoba matana 'ino tomotaiyao 'ulohatotodi ma 'uhenuwa lagudi ma gwae bewa sahena sinuwanuwanaide, ma wete sahena gwae tupwadi 'adi bui weyahidi sihe'ahwa panapanawa. Weyahina he'ahwa panapanawa besobeso beno taudi tohesagoha 'oidiya nata geya 'i'abi'abihetedi, ma hesi 'i'abihe galadi.

2 Timoti 2:22

Coinega hewahewali 'idi henuhenuwa 'ulogwahatedi ma mumuga dumwaluna ta hemisa ta helau ta miya daumwala 'umuliyedi, taudi Yesu si'ahwa badaeya ma'ate 'ehaudi ba'idamwao.

2 Timoti 2:23

Ma wete 'ahwa panapanawa besobeso 'u'ebesinedi, weyahina 'ahwa panapanawa 'aleha 'ina 'ebelatu.

2 Timoti 4:4

Ma he'ita hagadi 'adi muliya 'oidiyega he'ita moisa si'ebesine.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Taito 1:14

Ma 'u'etobodedi, ma sahena Yudiyaedi 'idi he'ote'otetela sihehesagohedi, ta wete he'ita moisa 'ana towahi'wata'watao sahena simulimuliyedi.

Taito 3:9

Ma he'ahwa lasalasa besobeso loina weyahidi, nana hali yaso sanidi weyahidi, bewa nata geya si'abihetegita, 'oinega 'u'ebesinedi.

Ibeliu 13:9

Coinega sahena loina hauhaudi ma hagahagadi wahehesagohedi, weyahina 'ateda 'ihewaiwai Yehoba 'ina helaumo 'oinega, ma geya 'e'ahai 'oidiyega. Loinaedi 'e'ahai weyahina gesowana si'abihetegita.

2 Pita 1:16

Mwalo 'ida Bada Yesu Keliso 'ina waiwai ma 'ina tauyama 'ahepwailediya 'oimiya, ma 'ima hepwailaina geya tosonosonogao 'idi 'ote'otetelao 'oidiyega, ma hesi matamega tauna 'ina wasawasa 'a'iteya.