Yb 1:3 - Kalate Zambe Nnomo a Mfefe Mfefé Nkôñelan

³ Mbame biyeme wé ô nga bili mintômba toyini zamgbwa, bekamel toyini éla, benyak toyini, beyale bijakas mintete mitan, nalé fe abui bebo bisaé. Môt ate nye a nga dañ éwôlô ézezañe bôte bese ya jôp da tôô.

Bible en langue Bulu

³ Mbame biyeme wé ô nga bili mintômba toyini zamgbwa, bekamel toyini éla, benyak toyini, beyale bijakas mintete mitan, nalé fe abui bebo bisaé. Môt ate nye a nga dañ éwôlô ézezañe bôte bese ya jôp da tôô.

Yb 1:3 Iomraidhean Croise

KALATE METATAʼA 12:16

Mfa'a Abram, be nga belane nye mvaé amu nye; a Abram a nga nyoñe mimbame mi bone a beta biyem, bijakas, bebo bisaé be ne befam a ba be ne binga, bone bijakas a bekamel.

KALATE METATAʼA 12:5

Abram a nga bili mimbu 75 éyoñ a nga kôlô Harañ. Abram a nga nyoñe minga wé Sarayi a Lot mone monyañ, a akum ése be nga bili a bebo bisaé be nga bi Harañ. Be nga kôlô asu ya ke e si ya Kanaan. Ane ñhe be nga kui Kanaan.

KALATE METATAʼA 13:6

Si é mbe tyôtyoé asu ya na be tabe vôme wua, amu akume dap e mbe étua abui avale ya na be mbe te nguleya tabe vôme wua.

KALATE METATAʼA 24:35

Nti a botaneya masa wom étua abui, a ntoo éwôlô môt. A veya nye moné a beta mbame biyem, argent a or, bebo bisaé befam a ba be binga, bekamel a bijakas.

KALATE METATAʼA 25:6

E mfa'a bone bibone bié a nga fa'é be biôm wôna valé a ngenan a vee, a nga lôme be ôyap a mone wé Izak, e mfa'a jôbe da tôô, e si ya jôp da tôô.

KALATE METATAʼA 29:1

Yakob a nga beta taté dulu a ke e sii bone ya jôbe da tôô.

KALATE METATAʼA 32:14

E nne Yakob a nga lôt alu valé. A nga nyoñe jôm é mbe énjé, asu ya ve monyañe wé Esô mvaka:

KALATE METATAʼA 34:23

Ye mimbame biyeme miap, akume dap a betite babe bese bia ye bo te bo ébiangan? E ñyeba'ane fo'o ve jam ba sili asu ya na bia be be bi tabe.

SAMUEL BAA EJÔÉ DAVID 12:2

Nkukum ô nga bili étua abui bikela, mintômba a benyak.

2 Bb. 15:20

Menahém e nga nyoñe argent ate e be ba bese ya Israél be mbe minkukum, ane be ne ve njô bôte ya Asiri môt ase besikel be argent mewôm metan. Ane njô bôte ya Asiri a nga bulan teke ñhe fe beta tabe e si ya Israél.

2 Bb. 3:4

Mésa, njô bôte ya Môab, a mbe mfôlô biyem; a mbe a yaka'ane njô bôte ya Israél *toya tañe bone mintômba toyini ntet, a beyôme mintômba toyini ntet, a mevule mabe mese.

1 Minkte 27:30

Obil mone Ismaélite a mbe mba'ale bekamel. Yedia ya Mérônôt a mbe mba'ale beyale bijakas.

2 Minkte 26:10

A nga lôñ alem e *nkôte si a fa'a abui menjeñ, amu a nga bili abui mimbame biyem éfuse si ba loone Seféla a e minje'ese ya fefele mañ, a nga bili fe besenane si a beba'ale mefube mindik e minkô a e Karmel, amu a mbe a nyeke'e ésaé mefup.

2 Minkte 32:29

A nga lôñ émiene bitison a a nga bili mintômba, bikela a benyak abui abui, amu Zambe a nga ve nye étua abui akum.

Yb 1:10

Ye ô nji lôñe nye nka'alé, émien, *nda bôte jé, a biôm bise a bili? Ô maneya botan ésaé ya mo mé, a mbame biyeme wé wo fôé a mialane *si nyô.

Yb 1:4

Bobefame bé be nga bili fulu ya ke bo ésulane bidi e *nda be môt ase y'été, môt ase éyoñe jé, be mbe be bañete'e bekale bab belale na ba be be be di a nyu.

Yb 21:28

Eyoñ mia sili na: Nda mona njô bôt é ne vé' Nda éndelé bebo *abé be nga too é ne vé'

Yb 29:25

Me mbe me kañese'e ke e nsamba wop, a tebe be ôsu; me mbe ane njô bôt ézezañe nsamba, ane nyô a je'e ba ba wô'ôlune minlem.

Yb 31:25

Nge me nga vak amu abui ya akume dam, amu akume wo wom ô nga kôan;

Yb 31:37

Ma ye kate nye tañe medaa mebo jam. Ma ye subu nye bebé ane mona njô bôt.

Yb 42:10

Ane Nti a nga beta kôm été Yob, éyoñ a nga mane ye'elan ajô bemvôé bé; A Nti a nga ve nye biôm bise a nga bili tañe biyoñ bibaé.

Yb 42:12

Nti a nga botane ngabe baa y'ényiñe Yob a dañe ngab ôsu. A nga bi beyale mintômba toyini awôm a ényiñ, bekamel toyini ésaman, fia beyôm benyak toyini jia a beyale bijakas toyini jia.

MINKANA 10:22

Ebotane Zambe nje ja ve môte kum, a a nji beté ôlun éziñ été yôp.

YEREMIA 49:28

Ajô Kédar a bijôé ya Hatsor mbie Nébukatnétzar njô bôte ya Babilôn a nga dañe bita. Avale di Nti a jô na: kôla'ane si, betan mi ke wosane Kédar, miasané bilik e be bone ya jôb da tôô!

NLAÑANE BÔT 23:7

Nde Balam a nga kobô mejô ya nkulan a jô na: Balak a nga soo ma e Aram Njôô bôt a nga soo ma e minkôle ya jôp da tôô, za'ak a yo'é ma Yakob! Za'ak a miase woñ Israél été.

BETYIʼI MEJÔ 6:3

Eyoñ ése bone b'Israél be nga bé bidi e mefup, Bemadianit, Beamalésit a bone ya e mfa'a jôb da tôô, be nga zu wosane be.

BETYIʼI MEJÔ 6:5

Be nga zu a mimbame miap, a menda bindelé map, abui v'ane bitandak: be mbe étua abui, bebien a bekamele bab teke alañé. Be nga nyiin e si y'Israél a ndaman biôm bise y'été.

BETYIʼI MEJÔ 7:12

Madian, Amalék a bone bese ya jôb da tôô, be nga jaé e mbi'ili ane ézu'u bitandak, a bekamele bab be mbe teke alañé, ane nselek ô ne nsa'a mañ.

BETYIʼI MEJÔ 8:10

Zéba a Salmuna be mbe e karkor a nkane bita wop, bebé bôte toyini awôm a étan. Ba bese be nga li'i e nkane bita ya bone ya jôb da tôô, amu bezimbi ntete toyini a mewôm mebaé be nga wôéban.

SAMUEL ÔSU 25:2

Fam éziñ é nga too Maôn a bili mam e Karmel. E mbe éwôlô abui é bili mintômba toyini élaa a bikela toyini. E mbe e Karmel asu ya tyi'i mintômba mié mimvot.

SAMUEL ÔSU 27:9

David a mbe a wôé bôt, teke nyii fam, nge minga, a va'a mintômba, bikela a benyak, bijakas, bekamel a mengômesan; éyoñ a soya, a mbe a kele be Akis.