Yb 1:1 - Kalate Zambe Nnomo a Mfefe Mfefé Nkôñelan

¹ Môt éziñ a nga too si ya Uts jôé na Yob. Môt ate a mbe nya *mvo'é a zôsôô; a mbe a ko Zambe woñ a sa'ale fe *abé.

Bible en langue Bulu

¹ Môt éziñ a nga too si ya Uts jôé na Yob. Môt ate a mbe nya mvoʼé a zôsôô; a mbe a ko Zambe woñ a saʼale fe abé .

Yb 1:1 Iomraidhean Croise

KALATE METATAʼA 10:23

Bobefam be Aram: Uts, Hul, Géter a Mak.

KALATE METATAʼA 17:1

1Eyoñ Abram a nga kui mimbu 99, Nti a nga jô nye na: Me ne Zambe a ne Ngul Ese. Wulu'u ôsu viam a bo'o zôsôôô.

KALATE METATAʼA 22:12

Engele nye na: Te same wo wôé e be ésoé ndôman, a te bo nye jam éziñ; amu éyoñe ji me yemeya na wo ko Zambe woñ, a na ô nji bene ve ma monafame wôé, atyi'i monafame dôé.

KALATE METATAʼA 36:28

Bone be Dikan: Uts a Aran.

KALATE METATAʼA 42:18

E môse lale, Yôsep a nga jô be na: Bo'one jame di a mia ye nyiñ. Ma ko Zambe woñ!

KALATE METATAʼA 6:9

E mvoñe bôte Noé e nje nyô: Noé a mbe zôsôôô môt teke bijô ézezañe bôte ya biyoñe bié; Noé baa Zambe be mbe be wulu'u.

2 Bb. 20:3

A Nti, ko ma éngôngo! Simesa'ane na, me nga wulu e mise môé e bebela été, nalé fe a *nlem ôse, a me nga bo fe mam me ne mvaé e mise môé! Nde Ezékias a nga kuli mili'i mis abui abui.

1 Minkte 1:17

Bone be Sem: Elam, Asur, Arpaksad, Lud a Aram; Uts, Hul, Géter a Mesék.

1 Minkte 1:42

Bone be Etsér: Bilan, Zavan a Yakan. Bon be Dikan: Uts a Aran.

Yb 1:8

Zambe a nga sili Satane na: Ye ô yeneya fo'o mbo ésaé wom Yob? E *si nyô môte mfe a nji bo ane nye; nyô a ne nya *mvo'é a *zôsôô, a ko Zambe woñ, a sa'ale'e *abé.

Yb 2:3

Nde Zambe a sili satane na: Ye ô yeneya fo'o mbo ésaé wom Yob? E *si nyô môt éziñ a nji bo ane nye; étua *mvo'é môt a *zôsôô, a ko Zambe woñ a sa'ale'e fe *abé. A yeme ngu e ntabane *mvo'é wé été, a wo tindi me na me dimili nye te étom.

Yb 28:28

Wôna a nga jô môte na: Ô lôô, nkoone Zambe woñ ñwô ñhe ô ne fek, nsa'alan *abé ki ñyemane mam.

Yb 4:6

Ye nkoone woñe ya Zambe wôé ô nji fe bo ésuka'a jôé' Ye ndi nleme jôé, é nji fe bo *zôsôô ya mezene môé'

Yb 9:21

Ye me ne te jame ya vebane mekua' Ye mamien me nji yeme de' Ma biasé ényiñe jam.

NKÔLAN 18:21

Wôna tobôk ayoñ été, benyabôtô, ba ba ko Zambe woñ, ba ba nye'e bebela, ba ba vini ma'an me ne ékotekot; telé'é be bivete ya bôte toyini, ntet, mewôm metan nge bôte awôm.

MINKANA 14:16

Mfefe'e môt wo ko *abé woñ ve sa'ale de, v'akute môt da dumban njalan a ndi nleme éziñ.

MINKANA 14:2

Nyô a wulu e *zôsôô été a ko Zambe woñ, ve nyô a wulu mezen me n'ékotekot a biasé Zambe.

MINKANA 16:17

Zene bezôsôô be bôt é ne nsa'alan abé; nyô a bômbô évévé ya fombô e zene jé, a ba'ale ényiñe jé.

MINKANA 16:6

Mvam a bebela bia jamé ékop, a môt a sa'ale abé éyoñ a ko Zambe woñ.

MINKANA 20:7

Zôsôa môt a wulu e *mvo'é jé été. Ebotan a bone bé éyoñ émien a wuya.

MINKANA 3:7

Te liti e mise môé été na ô ne fek, ve ko Zambe woñ a sa'ale abé;

MINKANA 8:13

Nkoone Zambe woñ ô ne na a vini abé; mbia anyu a mebune ki zene y'abé, jôm ma vini é ne na ékotekot anyu.

YEREMIA 25:20

E si jôb da dim ése, e be bejô bôte ya si Uts, e be bejô bôte bese ya si Befilisteñ, e Askalôn, Gaza, Ekroñ a e be *mebuka'a me li'iya Asdôd;

MINYÔN 4:21

Fônôk a vak, a ngon Edom. Wo ô too si ya Ut! Elaé ja ye fe lôte be wo, wo ye bili bilam a telé womien sôsoé!

EZEKIEL 14:14

a bôte bana belaa be too je zañ: Noé, Daniel a Yob, ba ye kôté minsisime miap amu *zôsôô wop, nalé Nti nyô a ne Zambe a jô.

EZEKIEL 14:20

a bôte bana bela be too été: Noé, Daniel a Yob, ane me vee! Nalé Nti nyô a ne Zambe a jô, ba ye bo te nyii to'o bobefam, to'o bobebinga, ve ba ye nyii minsisime miap amu *zôsôô wop.

LUKAS 1:6

Bebaane bese be mbe *zôsôô asu Zambe a be mbe be tôñôk mebendé a minjôane mi Nti bise teke bijô.

DEUTERONOME 18:13

Mfa'a wônan, wula'an te bijô e be Nti, e Zambe wônan.

YAKOB 5:11

Mi lôô ane bia se'e ba be nga jibi na be bili ébotan. bôt ba jibi. Mi nga wô'ô nkañete njibane Yob, a yene nsôñane Nti mfa'a wé. Nti a ne *mvam abui, a nkoone bôt éngôngo.

1 Pi 3:11

a lume *abé mvus, a bo mvaé, a jeñe *mvo'é ényiñe jé été,