YAKOB 4:9 - Kalate Zambe Nnomo a Mfefe Mfefé Nkôñelan

⁹ Miabebien yemane na mi ne bingôngol, jaéne meyep, yônan. E vioé wônan ô kôñela'an awu a meva'a menan jame da te'e nyô.

Bible en langue Bulu

⁹ Miabebien yemane na mi ne bingôngol, jaéne meyep, yônan. E vioé wônan ô kôñelaʼan awu a mevaʼa menan jame da teʼe nyô.

YAKOB 4:9 Iomraidhean Croise

NEHEMIE 8:9

Néhémie ngovina, Esdras *ntuni a ñyeme bekalate, nalé fe belevite, be nga bo ésaé ya ye'ele bôt. Be nga jô bôte bese na: Môse wu ô ne ntelan ngumba asu Nti, e Zambe wônan. Te taban ôlun été nge e mili'i été! Amu bôte bese be nga yôn éyoñ be nga wô'ô mejô ya kalate metiñ.

Yb 30:31

E mvete jam ja yian éyoñe ji v'a jia ôlun. A ndiñe wome ki wo lu'an a tyiñe ba ba yi du.

BESAM 119:136

Ma yôn a mili'i mam mese ma yiane nyôle jam, éyoñ ma yene na bôt be nji ba'ale atiñe dôé.

BESAM 119:67

éyoñe te me ngenan te silibane si, me nga jañ, ve éyoñe ji ma bo jam ô nga jô.

BESAM 119:71

E ne mbamba jam mfa'a wom na me nga silibane si, nalé ma ye yé'é nkômbane wôé ô ne jé.

MINKANA 14:13

Nlem ô ne tat e vioé été, wôna amané mevak me ne su'ulan ôlun.

EKLEZIASTE 2:2

Me nga jô vioé na: Akute jame le! Meva'a ke na: Ma volô jé'

YEREMIA 31:13

Eyoñe te éndune ngon ja ye vak a abôk, nalé fe bendôman a minnôm; ma ye kôñelan ôlune viab mevak a ma ye volô be minlem; ma ye ve b'avak mvus éndeñela'a ya minsisime miap.

YEREMIA 31:9

Ba zu be yônôk, a ma ya'ale be ézezañe minja'ane miab été; ma kee be mfa'atôñe mendim e né, nkone *zen, e vôm be se nguleya kolé ôbak; amu me n'ésaa asu Israél, a Efrayim a ne ntôle mone wom.

MINYÔN 5:15

Ava'a ya minleme miangan e maneya, mebô'ô mangan me veñesaneya du.

EZEKIEL 16:63

ndemben wo ye simesan angô'é a wô'ôson, ndemben wo ye bo te beta kui anyu amu ôsame wôé, éyoñe ma ye kôm étome ya mam mese ô nga bo asu dôé, nalé Nti, nyô a ne Zambe a jô.

EZEKIEL 7:16

Befam awu bap ba tup, be ne e beta minkôle yôp ane bezume ya mimbi'ili; bese ba tat, môt ase amu ékobe jé.

METIAS 21:41

Be nga yalane nye na: A ye wôé bingôngole beba'ale bete mbia ñwôan, a kee afup e mo beba'ale befe mbe ba ye ve nye bibuma éyoñe ja yian.

METIAS 5:4

Mvom a bôte ba wô'ô ôlun, amu ba ye volebane minlem.

LUKAS 16:25

Abraham a nga yalane na: A mone wom, simesa'ane na ô nga bi akum éyoñ y'ényiñe jôé, a na mfa'a Lazar, a nga tôbane minjuk, éyoñe ji a volebaneya nleme va, ve wo wo wô'ô mintaé.

LUKAS 6:21

Ebotan a mia mia wô'ô zaé éyoñe ji, amu mia ye jaé! Ebotan a mia mia yôn éyoñe ji, amu mia ye vak!

LUKAS 6:25

Bidim a mia mebum me ne minlem éyoñe ji, amu mia ye wô'ô zaé! Bidim a mia mia woé éyoñe ji, amu mia ye ku ôlun a e milik été!