YAKOB 4:8 - Kalate Zambe Nnomo a Mfefe Mfefé Nkôñelan

⁸ Suba'ane Zambe bebé, ndemben a ye subu mia bebé. Sôbane mo menan, mia bebo mam *abé a lumane minleme mienan, mia e bôt mi ne minleme nkaban.

Bible en langue Bulu

⁸ Subaʼane Zambe bebé, ndemben a ye subu mia bebé. Sôbane mo menan, mia bebo mam abé a lumane minleme mienan, mia e bôt mi ne minleme nkaban.

YAKOB 4:8 Iomraidhean Croise

KALATE METATAʼA 18:23

Abraham a nga zu bebé a jô na: Ye wo ye fe bo na zôsôôa môt a wu baa mbo *abé'

1 Minkte 28:9

Mfa'a wôé, a mone wom Solômon, yeme Zambe ésoo wôé a saane nye a *nlem ôse, a *nsisim ô ne nkômesan, amu Nti a fase minlem mise a a yeme nkômban ôse. Nge wo jeñe nye, a ye bo na ô yene nye; ve nge wo li'i nye, a ye wua wo fé nnôm éto.

2 Minkte 15:2

nyô a nga ke tôban Asa a jô nye na: Vô'ôlô'ô ma, wo Asa, Yuda ase a Bényamin! Nti a ne be mia éyoñ mi ne a Nye; nge mia jeñe nye, mia ye yene Nye. Ve nge mia li'i Nye, Nye fe a ye li'i mia.

Yb 16:17

Ve da mo mam me nji kuli metyi a meye'elane mam me mbe *mfuban éyoñ ése.

Yb 17:9

Ve zôsôa môt a ngenan a yeme e zene jé été, nyô a bili mo me ne *mfuban a dañe dañe bo ngu.

Yb 9:30

To'o me nga ye woban e mendim me ne éfumulu été, to'o me nga ye sôbe mo a sobô,

BESAM 119:113

Ma vini medu'an ve ma nye'e atiñe dôé.

BESAM 145:18

Nti a ne bebé e be ba ba loone nye, ba bese be ne te bisô *nlem éyoñ ba loone nye

BESAM 18:20

A nga bo na me kui mfa'a ya telé ma *mvo'é, a nga vaa ma amu a nga nye'e ma.

BESAM 24:4

Nyô a bili mo me ne te bijô a *nlem ô ne mfuban; nyô a ne te ve nleme wé e mam me ne momo, a a nji kane ngana minsos.

BESAM 26:6

Ma sôbe mo mam e te-ke-bijô été, a ma bôman ata'a metuna'a dôé a Nti!

BESAM 51:10

kate ma foé ñyenane mvaé a mevak nalé ate bives ô maneya buk bia ye fôn.

BESAM 73:13

Nde me nga tune ñhe nleme wom e zesé, a sôbe mo mam e me me ne te bijô.

BESAM 73:28

Mfa'a wom, mvaé jam é ne na me subu wo bebé: me futiya asoé dam e be Nti nyô a ne Zambe, nalé ma ye kañete ajô ya mimboone miôé mise.

EZAYI 13:15

Ba ye jii ba bese ba tôbane be mekoñ a ba bese ba ye bili nkpwaté mekôn wo ye wôé be.

EZAYI 29:13

Nti a jô na: Bôte ba ba subu ma bebé v'a nkobô, biyaé biab étam mbie bia wumulu ma, ve minleme miab mi ne m'ôyap. Woñ ba liti na ba ko ma ô ne v'atiñe ya bôt, ve nye'elan ô nga veban.

EZAYI 58:2

Ba jeñe ma *môs ôse, ba kômbô yeme mezene mam aval'ane ayoñe bôt e ne *zôsôô, nde e nji li'i metiñe Zambe a nga telé. Ba sili ma mintyi'ane mejô mi né aval'ane *zôsôô a yian, ba yene mvaé ya subu Zambe bebé, be jô'ô na:

YEREMIA 4:11

Melu mete, ba ye jô bôte bete a Yérusalém na: évuñulu ja di'i ja vuñ, e mebôbône minkôle ya *nkôte si, e zene ngone y'ayoñe bôte dam, saake asu ya se'ese nge tya'a mvoñ.

YEREMIA 4:14

Sôbe nleme wôé mfa'a y'abé a Yérusalém, nalé wo ye nyiiban! Mbia minsimesan mia ye tabe be wo a kui éyoñ évé'

MINYÔN 3:57

E môse me nga loone wo, ô nga subu ma bebé a jô na: Te ko woñ!

EZEKIEL 18:31

Wu'ane mbia be mam bese be nga bo mia bewôé bôt ôyap; bo'one miabebiene mimfefé minlem a mimfefé minsisim, amu jé mia yiane wu a ayoñ Israél'

ZAKARI 1:3

Ajô te jô'ô be na: avale di nde Nti a ne ngul ése a jô na: Bula'ane be ma, nalé Nti a ne ngul ése a jô, a ma ma ye bulane be mia, nalé Nti a ne ngul ése a jô.

MALAKI 3:7

Ataté melu b'ésoo mi nga kôlô minjôane miam été, mi nji ke ba'ale mie. Bula'ane be ma a ma ye bulane be mia, nalé Nti ya *minsamba mewosan a jô. Ve mia jô na: Bi beta bulan aya'

METIAS 12:33

Ve'ane fe'e na élé é ne mbamba élé: ébuma jé ja ye bo abeñ; ve ve'ane fe'e na ja kon: ébuma jé ja ye kon: ébuma jé ja bo na be yem ane élé é né.

METIAS 15:2

Amu jé beyé'é bôé ba tyame biyem bi bôbetô? Amu na be ne te sôbe mo éyoñe ba di.

METIAS 27:24

Eyoñ Pilat a yeneya teke mvolan éziñ a na zô'é é ne ve betebet, a nga nyoñe mendim a sôbe mo asu nsamba bôt a jô'ô na: Me ne *mfuban ajô metyi me môte nyô; ve mia mia ye tôban.

Mm 15:9

A nji liti nkandan éziñ e zañe jap a bia. A nga tune minleme miabe fe ve a zene ya mbunan.

2 Ko 7:1

Amu bi bili avale mengaka'a te, a bôte ma dañe nye'e, e ntunane biabebien e mfa'a avale mvin ese ya minsôn a *nsisim. E sonda'ane telé biabebien étyi e nkoone Zambe woñ été.

1 Tim 2:8

Ajô te ma yi na befam be ye'elan vôm ase be bete'e mimfuban mi mo yôp, teke ayaa nge meluman.

HÉBRE 10:22

e nsuba'ane ñhe bebé e be Zambe a minlem mi ne tee medu'an, a nya mbunan a minleme *mfuban teke bijô e mone môt ya *nlem été a menyôl me ne nsôban a mfubane mendim.

HÉBRE 7:19

Amu atiñe Môze te ngule ya ve nya *mvo'é. A na, e mbamba ndi *nlem a nga veban nye ate bia subu Zambe bebé.

YAKOB 1:8

Amu a ne môt a nee nleme nkaban, nyô a yeñelan.

YAKOB 3:17

Ve fe'e ja so yôp, ôsusua, é ne *mfuban, évôvoé, mvaé, ja late bôte ngbwa, ja ko éngôngo, ja wume mbamba bibuma, teke ôbangam nge bebadu'u.

1 Pi 1:22

Eyoñe ji, amu mewô'ô menane e benya mejôô, mi maneya tune miabebien, nde mia ye nye'esan ane bobenyañ, tee medu'an éyoñ ése.

1 Pi 3:21

Jame te e mbe ndeme nduan wo nyii mia éyoñe ji. O nji bo ntunane mvine ya nyôl, v'ô ne mintiñetane mi mbamba mone môte ya *nlem e mfa'a Zambe. Wo nyii mia amu ñwôman Yésus Krist,

1 Jn 3:3

A e môt ase a telé avale ndi nleme te e be nye a telé émien étyi, amu a ne étyi.

SAMUEL ÔSU 14:35

Ane Saül a nga lôñ ata'a metuna'a Nti; ata'a metuna'a te é mbe di ôsu Saül a nga lôñe Nti.